تقرير تجمع كيا بمدينة الرحاب- تقرير مصور-
تقرير مقابلة منتدى كيا – نايل موتورز
كان الاتفاق ان التجمع فى مكانين اما عند جنينة مول – و اغلب الناس اتقابلت هناك- و باقى الاعضاء تواجدوا عند بنزينة موبيل امام بوابة الرحاب رقم 13
ماشاء الله المقابلة المرة دى كان فيها اكثر من 20 عضو من نايل موتوز و كان بينهم بعض الاعضاء من منتديات اخرى- حسام اوبتراوى و يوكو – اما باقى الناس كانوا شباب كيا - الاسماء هتبقى بترتيب الفيديو علشان محدش يزعل منى :-
ابو ليلى – أ\خالد – Xatos- السعودى - Figo – الزواووى – mm110- asaad- mshawky- moha4tech- amr a.elsalam- normal- Hossam Optrawy – timtim77- - ghost1700 night phoenix – walid elpilot - yasser Elsayad – Kelmasry – Yoko- masryXT – Blackknight- lolly 136
بعد التجمع امام جنينة مول انتلقت قافلة السيراتو مصحوبة بالاخت الصغرى كارينز وسيارتى لينا و اوبترا و سيفيك الى مدينة الرحاب و انضمت للقافلة حوالى 3 سيارات سيراتو اخرى من امام بوابة الرحاب .
بعد دخول الرحاب واجهتنا مشكلة ان عدد العربيات كتير ماشاء الله و هنركن فيين و بعد توقف اكتر من مرة – و بتوجيهات احد افراد الامن فى الرحاب- ركنت السيارات جميعا امام المسجد المقابل للfood court .
الملاحظ ان اللون اللى كان مسيطر هو الاسود و الفضى اما باقى السيارات فكانوا واحدة spicy red و واحدة orange و واحدة light graphite و واحدة white
بعد ما ركنت العربيات الصراحة حسيت انى فى معرض سيارات " كيداهم"- لما تشوفوا الصور هتعرفوا- و بعد موقفنا حبة حلوين تحت شمس الرحاب الحارقة – لغاية اما ناخد قرار هنقعد فين – اتجه السيد العضو المبجل " الزواووى بصحبة بعض الاعضاء علشان يشوفولنا مكان فى ال food court. "- طبعا الناس اللى كانت معانا و شافت الزواووى اكيد عارفين ليه اشمعنى هو اللى راح علشان يسيطر على المكان- http://i25.tinypic.com/33adxrb.jpg
المهم قعدنا و بدأ التعرف بين الاعضاء و ابتدى ابو ليلى يعمل دعاية خاصة للموقع و الحمد لله عمل حصيلة محترمة J بس ياريت يفتكرنا المرة الجاية;) يعنى كام شماسة على كام مج و شوية تيشرتات و استيكرات و yoko برضه اما لقى فيها سبوبة قال اما اطلع الكام استيكر اللى معايا اشمعنى ابو ليلى . http://i25.tinypic.com/2vnlulf.jpg
كان محور الحديث الرئيسى فى المقابلة عن معدل استهلاك البنزين فى السيراتو بصفة خاصة و كان رأى الجميع ان الاستهلاك بصفة عامة عالى نسبيا بالنسبة لاستعمال التكييف و القيادة داخل المدينة او بسرعات عالية تتعدى ال 100 كم\ساعة بمعنى اوضح ان التفويلة -48 لتر تقريبا و ليست كامل التنك 52 لتر- تكفى حوالى 480:530 كم اى بحد اقصى 11كم\لتر و حد ادنى 10كم\لتر الا ان معدل الاستهلاك ينخفض بشكل ملحوظ فى القيادة على الطرق السريعة ليصل الى 15.5 كم\ لتر – عن تجربة شخصية- و على ما اعتقد ان هناك تعديل يتم على ال ECU الخاصة بالسيراتو لخفض معدل الاستهلاك – كما ذكر احد الاعضاء انهم تم التعديل لسيارته السيراتو بدولة قطر.
و كمان موضوع سيراتو ابو ليلى اللى ممكن يتعمل فيلم عربى و تتابعونه قريبا على شاشة نايل موتورز , اللى بصراحة انا مش متخيل لو انا مكانه كنت ممكن اعمل ايه بس . الناس اللى كانت معانا سمعت عن موضوع ال Pressure solenoid control و بعد البحث و التحرى ان شاء الله قريبا موضوع مخصوص و حصرى لنايل موتورز عن هذا الشئ .
و اضطررت اسفا انى امشى على الساعة 7 و اترك كنتاكى للزواووى علشان يشطب على الوجبات العائلية اللى كانت عندهم بس يا خسارة محدش صور الجريمة اللى حصلت ديه و حتى مشوفتش الزينون اللى كان واجع دماغنا بيه بس الصراحة الناس اتصورت كامة صورة رائعة على اضواء الشبورة بتاعت كيداهم عجبونى جدا و ان شاء الله المقابلة اللى جاية لازم اكون معاهم فى الصورة دى . http://i31.tinypic.com/o0p546.jpg
و الى اللقاء فى مقابلات اخرى قريبا
http://tinypic.com/r/2jg9i7k/3http://www.nilemotors.net/Nile/%5BIM....jpg%5B/IMG%5D