الموضوع: لا حول ولا قوة إلا بالله - المحفظة ضاعت

المشاركة الأصلية كتبت بواسطة casper_dj30

بهات صورة الحمد للة كان معايا واحدة في العربية بالصدفة حاطوها علي تصريح 3 شهور و ختموها بعديها بشهرين كدة كنت رايح مشوار جنب المرور رحت الصبح لقيت الكمبيوتر سليم و اتصورت و خدها و مشيت في ربع ساعة

طب واتصور تاني ليه؟؟؟؟؟ مش المفروض تبقى زي البطاقة الشخصية بتطلع بدل فاقد من غير ماتتصور؟؟

قلبى معاك والله
انا عندى فوبيا ضياع المحفظه من بعد ما الموبيل اتسرق منى قبل كده
النهرده كنت راكب مواصله و بعد ما حاسبت محطتش المحفظه فى جيبى تانى لأن كان لسه فى باقى
و فضلنا كتير لحد مااخدت الباقى و طبعا نسيت المحفظه تماما كنت شايل شنط و بتاع و ونا نازل اتلخمت فيهم
اكتشفت بقى بعد ما نزلت ( الحمد لله بعدها علطول ) ان المحفظه مش فى جيبى .. كان الميكروباص بعد شويه بس طرت عليه و الحمد لله لقيت المحفظه زى ما هى فى مكانى !!
مش قادر ولا عاوز افكر لو كانت ضاعت كان هيبقى ايه الوضع
نداااااااااااااء و رجااااااااااااااااااء خاص : يا جماعه لو طلعت محفظتك و حاسبت خليك ماسكها او حطها تانى فى جيبك و الباقى ابقى حطه فى جيبك بعدها .. واوع تسيبها كده على اساس الباقى يتحط فيها .. محدش ضامن و دماغنا بقى فيها مليون حاجه و وارد جدا ننساها ..ياريت نخلى بالنا
بس خير يا باشا والله .. والحمد لله الموضوع بسيط الى حد ما .. و تقدر تروح مقابلتك و انت مطلع كل اللى كان فى المحفظه تانى ... و ربنا يوفقك فى الأنترفيو بتاعك :)

المشاركة الأصلية كتبت بواسطة enas75

شوف ياسيدي انت حتعمل محضر في القسم بضياع الحاجه وحتاخد ورقه بده
بعد كده تطلع علي العباسيه تعمل بطاقه الرقم القومي فوري تستلمها ب 150 جنيه
بالنسبه لرخصه العربيه ....عادي جدا بس بعد ما تطلع البطاقه حيعملولك واحده تانيه كانك بترخص
حتجيب شهاده مخالفات وتدفعها وتدفع ضريبه وتاخدها بالمده المتبقيه في الرخصه القديمه ولو مركب نمر قديمه حيغيروهالك بالمره وحتستلمها في نفس اليوم ...بس حتمضي علي اقرار وتعهد بان لو لقيت الرخصه القديمه ترجعها ليهم....
ورخصه القياده نفس الشئ وحتطلعها فئ نفس اليوم بس من نفس المكان علشان الملف بتاعك .....
لسه عملين المشاوير دي امبارح كلها وخلصت الحمد لله وبعديها علي طول لقينا الحاجه
نصيحه مني لو مستعجل قوي اهم حاجه تعمل محضر بصياع الحاجه وتعمل بطاقتك....واستني علي الرخص شويه يمكن ترجعلك
واذا كان علشات المشوار روح في تاكسي لغايه هناك وخلاص

الحمدلله عملت محضر بفقد بطاقة الرقم القومي والرخص وبعد كده انطلقت على المرور علشان احاول أطلع بدل فاقد لرخصة العربية من غير بطاقة. رحت للموظف قال لي روح شباك الرخص المسحوبة ورحت وجبت له ختم وإن الرخص مش مسحوبة وطلب مني البطاقة وقلت له ضاعت ، قال لي طلع بدل فاقد للبطاقة الأول وبعد كده تعالى. رحت اشتريت استمارة البطاقة ومليتها وسلمتها هناك النهاردة الحمدلله وهضطر استنى اسبوعين (لأن كده كده المستعجل بيستنى 5 أيام والمقابلة بتاعتي يوم الأحد الجاي إن شاء الله ، فمالهاش لزمة) . الطريف في الموضوع إني لسة ناقل ملكية ومجدد رخصة العربية من شهر بالظبط وطفحت الكوتة علشان اجيب المخالفات (علشان العربية كانت تبع مرور تاني) ، خايف موووووووووووووووت أكرر نفس المشواير علشان اجيب المحالفات تاني .

المشاركة الأصلية كتبت بواسطة enas75

لسه عملين المشاوير دي امبارح كلها وخلصت الحمد لله وبعديها علي طول لقينا الحاجه

سبحان الله على النصيب! قدر الله وما شاء فعل.

المشاركة الأصلية كتبت بواسطة n_i_t_e

أنا بطلت أشيل محفظة أصلا....
هى حاجة زي حافظة الكروت بحط فيها الكروت بس و باخد فلوس فى جيبى على قد المشوار.
لكن المحفظة بتبان فى الجيب تخلى الحرامى يسرق و يفتكرها مليانة فلوس ده غير انها بتضايق لو هتعد فى حتة و هى محشورة فى الجيب.

والله فكرة زي العسل! إن شاء الله هبقى اجيبها. لأن أنا كده كده عمري مابشيل فلوس في المحفظة.