انا عندى صيانة ال5000 للفيرنا وكنت عاوز اعرف اية اللى بيتعمل فى صيانة ال 5000 وتكلفتها كام ولو فى حاجة عاوز اعملها فى العربية بيحاسبونى عليها ولا لا؟؟؟؟؟؟؟؟؟؟
عرض للطباعة
انا عندى صيانة ال5000 للفيرنا وكنت عاوز اعرف اية اللى بيتعمل فى صيانة ال 5000 وتكلفتها كام ولو فى حاجة عاوز اعملها فى العربية بيحاسبونى عليها ولا لا؟؟؟؟؟؟؟؟؟؟
صيانة ال 5000 للفيرنا تكون كالآتى"
أولا تغير فلتر زيت وسعره 30 جنيه -- زيت فليكس سوبر 5000 ( يعنى يتم تغيره بعد 5000 كم ) وسعره 98 جنيه
مصنعيات 120 جنيه
ضريبة مبيعات 15 جنيه
يعنى الإجمالى 263 جنيه فى مركز cartec فى مدينة العبور
وشكرا
الف شكر للرد
هو الزيت دة شيل اصل انا فى صيانة ال 1000 حطوا شيل
لا شكر على واجب
والزيت شل هيليكس 5000 وفى نوع ثانى شل هيليكس 10000 وطبعا سعره يكون 160 جنيه بدلا من 98 جنيه
بس اللى انا حطة كان عامل 145 جنية
ولو فى حاجة عاوز اعملها فى العربية بيحاسبونى عليها ولا لا؟؟؟؟؟؟؟؟؟؟
إسم مركز الصيانة بتاعك إيه
على فكرة أنا بعمل الصيانة فى مركز كار تك فى مدينة العبور وهناك بيسلمك فى الإستقبال قائمة بأسعار جميع أنواع الصيانات بداية من صيانة 1000 كم حتى 100000
هذه الأسعار تشمل المصنعيات لكل صيانة
ولكن أسعار قطع الغيار لازم تسأل عليها
أما بالنسبة للزيت ففعلا ممكن يكون سعره أصبح أغلى لأنى جبت فاتورة 5000 كم ونقلت لك منها الأسعار
وأخر صيانة عملتها كانت بتاريخ 23/6/2010 وهى صيانة 30000 ومكتوب فيها سعر الزيت 105 جنيه
فعذرا على هذا الخطأ الغير مقصود :b4_592:
طبعا يا صديقى اى حاجة هتتحاسب عليها
هما هيخدوا منك حوالى 130 او 140 جنية مصنعية بس واى حاجة هتتغير بفلوسها مثلا تغير زيت او فلاتر هتدفع تمنها
انت حتى لو زودولك مية فى الردياتير بيخدوا تمنها
انت فى صيانة الاف لو غيرت زيت 10 تلاف يبقى مش هتغير عندهم اى حاجة
حتى المية كمان بخدوا تمنها, على كدىة لو قلتلهم ان العجل عاوز يترصص حيدفعونى كام؟؟؟؟؟؟؟؟؟؟؟؟؟
؟؟؟؟؟؟؟؟؟؟؟
انا عملت صيانه ال1000 وال10000 وال20000 مرحتش ال5000 وال15000 ملهمش لزمه بجد فلوس علي الفاضي حرام وبعدين حضرتك مغير زيت 5000 كيلو وانت عامل 1000 يعني ماشي بيه 4000 لسه فاضلك1000 استفاد بيهم
لو قريت الحجات الي بتتعمل في صيانه ال5000 حتلايها حجات عبيطه كلها كشف
انا عندي نصيحه لكل الي معاه فيرنا انه يعمل صينتها بره هي مش لمبرجيني
وحرام الفلوس الي بيخدها التوكيل علي حجات يعملها الواد بليه صبي الميكانيكي
علي الاقل حتبقي شايف عربيتك بيتعمل فيها ايه