يا جماعة أنا محتاج مساعدتكم....
أنا معايا كرولا 2006 عاملة 170 الف كيلو بس عندي مشكلة في الدركسيون ان فيه هزة علطول وبالذات اول مشغل العربية وكمان بتزيد على 120 وبحس ان العربية بترجرج....يا ترى ده يكون سببه ايه؟
ياريت لو تساعدوني.....
عرض للطباعة
يا جماعة أنا محتاج مساعدتكم....
أنا معايا كرولا 2006 عاملة 170 الف كيلو بس عندي مشكلة في الدركسيون ان فيه هزة علطول وبالذات اول مشغل العربية وكمان بتزيد على 120 وبحس ان العربية بترجرج....يا ترى ده يكون سببه ايه؟
ياريت لو تساعدوني.....
ممكن يكون السبب من قواعد الموتور.. خلي ميكانيكي كويس يكشف علي القواعد
او ممكن تكون ابسط من كدا ومحتاجة ظبط زوايا
انا عندى كانت بترجرج كدا وطلع عيب ديسك عشان انا كنت مغير الاسطوانه وسيبت الديسك زى ما هوا
ألف شكر يا جماعة على الرد السريع....انا اتمنى انها تبقى حاجة بسيطة ان شاء الله
بعد ال 120 وكل اما اتزيد السرعه بتزيد الرجه ولا لا وهل لو ماورت برضو في رجه
ممكن تكون علبه الدركسيون
شوف واحد يظبطلك زوايا واكشف على العجل
انا هقولك يا باشا الاسباب وان شاء الله اكون افدتك
1_ممكن يكون الترصيص او تكو نفيه عجلة مفتوله محتاجه تتغير او ممكن يكون بسبب نقص في رينجات الجنوط الاماميه او يكون الجنط نفسو مش مظبوط بسبب خبطه او اصطدام عنيف بمطب
2_قواعد الموتور ممكن ما تكونش ثابته او محتاجه تتغير
3_جلدة عمود الدركسيون
4_ممكن يكون فيه كوبلن مش مظبوط يعمل هزهزه بس ده مع المشي مش وهيا واقفه
5_كهرباء السياره غير مظبوطه
دي الاسباب ارجو مكنش نسيت حاجه
بس عندك انت في عربيتك الغالب هيكون قواعد الموتور
ياريت تقولي ع السبب اللي طلع عندك