صوت الموتور بيعلى عند 100 كم ويسكت تانى !!!!

**youssefazmi** · 12-07-2010 09:04 PM

اصدقائى فى منتدى الفولكس اتمنى الجميع بتمام الصحة ...منذ يومين غسلت الموتور والعربية مرضتش تدور وشباب البنزينة قعدة يحاولو ينشفو الاسبراتير والبوجيهات ودارت بعد عزاب ومشيت ..وجيت مسافر ولسة هجيب 100 والقى صوت فظيع ورعشة موتور جامدة ,دماغى راحت لفلتر الهوا لقيتة راكب كويس , والشكمان محدش جة عندة وصوتة تحت ال 100 مفيش مشكلة ...قلت طيب ازود عن ال 100 ونشوف لقيتة بيختفى عند 120 وطالع !!!! وكملت السفرية ورجعت بس الصوت غير محتمل وخايف يبوظ حاجة تانية (العربية جولف 3 1600) ..حد عندة فكرة دة عيب بوجيهات ولا غسيل الموتور بوظ حاجة ؟؟؟

**moooooomooo** · 13-07-2010 03:48 AM

انا شوفت حاجة قدامى فى البولو ممكن يكون ليه علاقة بالموضوع فى الاسبراتير فيه 4 خراطيم لو مش راكبين كويس ممكن يعمل الموضوع ده وكمان كان المفروض انه بعد ماتغسل تسيب العربية شغالة شوية دى حاجة سؤال مهم هل العربية وهيه واقفة فيه صوت ولا طبيعى جرب تزود بنزين على rpm وشوف فيه حاجة ولا لأ لو مفيش حاجة يبقى العيب ده مش من الاسبراتير وتأكد بالمرة ان الخراطيم اللى داخلة فيه فى مكان كويس واعمل زى ما انا قولتلك لو لقيت صوت الماتور عادى يبقى ده عيب تانى ممكن يكون ايه نفكر سوا

**M.Mostafa80** · 13-07-2010 10:59 AM

المشاركة الأصلية كتبت بواسطة moooooomooo

انا شوفت حاجة قدامى فى البولو ممكن يكون ليه علاقة بالموضوع فى الاسبراتير فيه 4 خراطيم لو مش راكبين كويس ممكن يعمل الموضوع ده وكمان كان المفروض انه بعد ماتغسل تسيب العربية شغالة شوية دى حاجة سؤال مهم هل العربية وهيه واقفة فيه صوت ولا طبيعى جرب تزود بنزين على rpm وشوف فيه حاجة ولا لأ لو مفيش حاجة يبقى العيب ده مش من الاسبراتير وتأكد بالمرة ان الخراطيم اللى داخلة فيه فى مكان كويس واعمل زى ما انا قولتلك لو لقيت صوت الماتور عادى يبقى ده عيب تانى ممكن يكون ايه نفكر سوا

الخراطيم اللى بتقول عليها دى سلوك البوجيهات ومفتكرش أنها هى لأن لو هى كان بانت فى الدواره
العربيه بيطلق عليها لفظ متلته يعنى شغاله 3 سلنرد ولو أثنين مش هتدور أصلا
طيب سبب المشكله اللى عندك أيه سؤال وأجابتك هتحدد ان شاء الله
بتجيب سرعه 100 وانت على انهى غيار الرابع ولا الخامس
وهل هو عند سرعه 100كم بس وحصلت مره واحده ولا كذا مره
وياريت تراجع زيت الفتيس

**M.Mostafa80** · 13-07-2010 11:01 AM

المشاركة الأصلية كتبت بواسطة moooooomooo

انا شوفت حاجة قدامى فى البولو ممكن يكون ليه علاقة بالموضوع فى الاسبراتير فيه 4 خراطيم لو مش راكبين كويس ممكن يعمل الموضوع ده وكمان كان المفروض انه بعد ماتغسل تسيب العربية شغالة شوية دى حاجة سؤال مهم هل العربية وهيه واقفة فيه صوت ولا طبيعى جرب تزود بنزين على rpm وشوف فيه حاجة ولا لأ لو مفيش حاجة يبقى العيب ده مش من الاسبراتير وتأكد بالمرة ان الخراطيم اللى داخلة فيه فى مكان كويس واعمل زى ما انا قولتلك لو لقيت صوت الماتور عادى يبقى ده عيب تانى ممكن يكون ايه نفكر سوا

خلى بالك كتابتك بالأحمر هتعرضك للتحذير اللون الأحمر مقتصر على تعليقات المشرفين والأداره

**youssefazmi** · 13-07-2010 05:20 PM

المشاركة الأصلية كتبت بواسطة m.mostafa80

الخراطيم اللى بتقول عليها دى سلوك البوجيهات ومفتكرش أنها هى لأن لو هى كان بانت فى الدواره
العربيه بيطلق عليها لفظ متلته يعنى شغاله 3 سلنرد ولو أثنين مش هتدور أصلا
طيب سبب المشكله اللى عندك أيه سؤال وأجابتك هتحدد ان شاء الله
بتجيب سرعه 100 وانت على انهى غيار الرابع ولا الخامس
وهل هو عند سرعه 100كم بس وحصلت مره واحده ولا كذا مره
وياريت تراجع زيت الفتيس

بص يا باشا الصوت دة بيجى على الرابع او الخامس مش فارقة معاة الغيار وكمان سواء دايس بنزين او لاء ...على العموم العربية فعلا كانت متلتة حسب كلام المهندس رشاد وغيرت بوجيهات بوش 4 شمعة ووش اسبراتير جديد ...لاءن البوجية اللى كان راكب مش بتاعها ...السحب فرق شوية طبعا بس الصوت مازال موجود عند 100 بس قل شوية بسيطة !!!!!!

**youssefazmi** · 13-07-2010 05:24 PM

ونصيحة للجميع ...ياريت يا جماعة محدش يغسل مواتير الجولف واللى شبهها عشان اكيد هتطلع بمشكلة او مشكلتين واللى هيساعدك من البنزينة هيبوظ اكتر

**M.Mostafa80** · 13-07-2010 08:16 PM

طب حاول توصفلنا نوع الصوت هل هو زى ما يكون تخبيط حديد فى حديد وهل بصيت على زيت الفتيس ولا لأ
وهقولك ليه بأكد على زيت الفتيس
مجموعه الرابع والخامس فى الفتيس بتبقى فى اعلى من مستوى فى الفتيس
فا لما بينقص بيعمل صوت

**youssefazmi** · 15-07-2010 11:05 AM

المشاركة الأصلية كتبت بواسطة m.mostafa80

طب حاول توصفلنا نوع الصوت هل هو زى ما يكون تخبيط حديد فى حديد وهل بصيت على زيت الفتيس ولا لأ
وهقولك ليه بأكد على زيت الفتيس
مجموعه الرابع والخامس فى الفتيس بتبقى فى اعلى من مستوى فى الفتيس
فا لما بينقص بيعمل صوت

بص يا باشا هوة صوت زى الشكمان او فلتر هوا رياضى مثلا مع رعشة زيادة فى الموتور ..بس انا مكشفتش على زيت الفتيس ومستبعد انة يكون المشكلة لان الصوت بيروح تماما بعد 120 كدة !!!!
بس عايز اقولك على حاجة ..فى حاجة تحت الفانوس اليمين من جوة ورا الاكصدام شكلى خبطت فى مطب وطارة الكساحة اليمين ووراها حاجة وائقعة كدة وسمعت انها فايظ بنزين او هوا ياترى دى ليها علاقة بموضوعنا ؟؟؟

**M.Mostafa80** · 15-07-2010 11:35 AM

المشاركة الأصلية كتبت بواسطة youssefazmi

بص يا باشا هوة صوت زى الشكمان او فلتر هوا رياضى مثلا مع رعشة زيادة فى الموتور ..بس انا مكشفتش على زيت الفتيس ومستبعد انة يكون المشكلة لان الصوت بيروح تماما بعد 120 كدة !!!!
بس عايز اقولك على حاجة ..فى حاجة تحت الفانوس اليمين من جوة ورا الاكصدام شكلى خبطت فى مطب وطارة الكساحة اليمين ووراها حاجة وائقعة كدة وسمعت انها فايظ بنزين او هوا ياترى دى ليها علاقة بموضوعنا ؟؟؟

دا المبخر بتاع البنزين
الغريب انك بتقول بيروح تانى بعد ال 120
لو ماكنش بيروح كنت قولتلك ممكن يكون جوان فرن الشكمان مع زياده الكبس بيحصل تهريب أوتنفيس منه لكن انت بتقول بيروح تانى
طب اخر مره نضفت البوابه وفلتر الهواء أمتى
جرب نضف البوابه ويفضل تتفك بره وتتغسل ببنزين مش سبراى الأسبريهات اللى فى السوق دلوقتى كلها مغشوشه
وانفض فلتر الهواء بالهواوجرب وشوف

**youssefazmi** · 15-07-2010 03:33 PM

المشاركة الأصلية كتبت بواسطة m.mostafa80

دا المبخر بتاع البنزين
الغريب انك بتقول بيروح تانى بعد ال 120
لو ماكنش بيروح كنت قولتلك ممكن يكون جوان فرن الشكمان مع زياده الكبس بيحصل تهريب أوتنفيس منه لكن انت بتقول بيروح تانى
طب اخر مره نضفت البوابه وفلتر الهواء أمتى
جرب نضف البوابه ويفضل تتفك بره وتتغسل ببنزين مش سبراى الأسبريهات اللى فى السوق دلوقتى كلها مغشوشه
وانفض فلتر الهواء بالهواوجرب وشوف

بص يا باشا انا جوان فرن الشكمان مغيرة قريب وبرضة معتقدش لية سبب ...انا منضفتش البوابة ابدا من سنة كدة بس فلتر الهواء لسة منضفة من اسبوع ..انت تنصح افك البوابة وانضفها ولا هتحتاج ضبطة موتور بعد تركيبها تانى ؟؟؟ كمان فى حاجة تانى قالى عليها المهندس رشاد ان الوصلة البلاستيك اللى داخلة على فلتر الهوا من الموتور (خرطوم عريض كدة) فيها تنفيس بيبان وانت بتبطل العربية وقالى اغيرها يا ترى ليها علاقة بالدنيا بتاعتنا ..ونهارك جميل يا باشا

الموضوع: صوت الموتور بيعلى عند 100 كم ويسكت تانى !!!!

LinkBack

أدوات الموضوع

عرض

صوت الموتور بيعلى عند 100 كم ويسكت تانى !!!! - انشر الموضوع فى :

-

-

-

-

-

-

-

-

المواضيع المتشابهه

صوت الموتور بيعلى ويوطا فى كورسا 1000

مؤشر الحرارة بيعلى اوى و بعدين بيرجع على النص تانى ....بسم الله الرحمن الرحيم ... انا

الموتور صوته بيعلى لانوس 2

لما بدوس دبرياج صوت الموتور بيعلى...ارجو المساعدة

صوت الموتور بيعلى

الكلمات الدلالية لهذا الموضوع

المفضلات

المفضلات

ضوابط المشاركة