-
ممكن تساعدونى بافكاركم
اخواتى فى المنتدى الجميل ده. انا عايز نصيحتكم ليا. ان شاء الله انا نازل مصر فى اخر اكتوبر و بافكر فى شراء سياره مستعمله. انا متعلم جديد القياده بس اتمنى انى اجيب سياره من 30000 الف الى اربعين الف و ده اقصى سعر.
تنصحونى بأى نوع سياره ؟ الموديل او الماركه ؟؟ هل احسن الاوتوماتيك أم المانيول ؟
انا لللاسف الشديد لسه متعلم قريب . اتمنى من كل واحد يقدر يقدم نصيحه مخلصه .
احب ان اشكر كل القائمين فى المنتدى على المعلومات القيمه. و فى انتظار مشاركات الاخوه الافاضل
-
-
بص ياباشا لان انت لسه متعلم سواقه قريب
فانا شايف ان انت تجيب عربيه تكون مش كبيره فى الحجم
وتكون قع غيارها متوفره ورخيصه.. تمام....المبلغ اللى معاك
ممكن يجبلك اكسنت او لانوس نضيفه... والاتنين
عربيات ممتازه وسهله السواقه عشان هتلاقى فيها باور
ومعظمها هتبقى كامله يعنى تكييف وسنتر وابعد
بقى عن 128 واللادا والحاجات اللى تجيب شلل دى
وربنا يوفقك .........
-
علشان إنت متعلم جديد ومصر الحبيبة بقت زحمة قوي
انصحك أولا تجيب أوتوماتيك علشان تركز في الزحمة ومشي العربية بس و ماتزودش عليهم الناقلات بتاعت الفتس وال دبرياج وال كلام ده أولا ويكون حجمها صغير ثانيا وفي حدود التلتينت ولحد اربعين ممكن يجبلك هوندا 90 أو 91 أو اكسل 1500 أوتوماتيك أو لانوس 99 أو كيا سفيا 99 ,2000 وب يتهيألي الكوري هيمشي معاك أكتر علشان قطع الغيار
وممكن حد من الاعضاء يرشحلك موديلات وأنواع تانية وربنا يوفقك وتيجي بالسلامة
-
عندك أووبى فيات سيينا , ابيزا , فليشيا , بولو و كورى برايد و اكسيل و اكسنت و يابانى سويفت
Content Relevant URLs by
vBSEO 3.6.0 PL2