المرأة تفضل مرآة السيارة لضبط الماكياج

**Samir Elshahawy** · 12-07-2010 11:03 PM

كشف استطلاع إنجليزى بجامعة كامبرديج عرضته صحيفة الأنديان إكسبريس أن من بين كل 5 نساء, امرأة أو اثنين على الأقل اعترفن أنهن يستخدمن مرآة السيارة باستمرار .

ووفقا للمسح الذي أجرى على 2000 من النساء والرجال، وفقا لما أوردته صحيفة العرب اليوم، فإن واحدة من كل أربعة تقول إنها ترتدي الأحذية في السيارة.

كما أشارت نتائج الاستطلاع أن الرجال لهم عادات أخرى غريبة, ف¯ 3 % من الرجال الذين شملهم البحث يحلقون لحيتهم أثناء القيادة, و5 % يغيرون ملابسهم أيضا وهم يقودون.

حاجة اخر جنان

**د.محمود صلاح** · 12-07-2010 11:54 PM

حلاقة اللحية على الناشف ممكن

أما تغيير الملابس فصعبة !!!

وإيه رأيك في اللي بيقرأ الجريدة وهو سايق ؟؟!!

**Ahmed Samy** · 13-07-2010 12:29 AM

أنا كتير باشوف الأمامير على كوبري اكتوبر بيستغلوا الزحمة في تظبيط الرووووج

و هاتك يا تبويز و بوس في المراية

**abogogo** · 13-07-2010 12:32 AM

المشاركة الأصلية كتبت بواسطة د.محمود صلاح

حلاقة اللحية على الناشف ممكن

أما تغيير الملابس فصعبة !!!

وإيه رأيك في اللي بيقرأ الجريدة وهو سايق ؟؟!!

الحلاقة على الناشف ممكن فعلا ده غير الاكل والشرب وقزقزة اللب والقراءة ممكن
وده اختراع معمول عشان تقراء وتستخدم الاب توب وانت سايق

**Samir Elshahawy** · 13-07-2010 10:58 AM

المشاركة الأصلية كتبت بواسطة dolly13

طيب بذمتك انت بتشوف الستات فى مصر بقت بتحط مكياج من اصله
ده 90%من الستات بتنط جوة العباية وتلبس الطرحة ولو الحاجات دى مكوية يبقى الست دى استايل
الله يرحم ايام ماكنت الست بتهتم بشكلها

عايزة الصراحة ... أه بأشوف كل يوم و انا نازل من البيت رايح الشغل ده بيحصل و خاصة في الكيلو 4,5 علشان الطريق بيكون واقف لدرجة اني بأخاف أقف قدام عربية واحدة ست لأنها بتكون غير منتبهة بالمرة و كتير شوفت حوادث من تحت رأس الموضوع ده خاصة في المنطقة المذكورة

معلش يمكن حضرتك مش كده و ملتزمة لكن صدقيني في ستات كتير كده

مع خالص تحياتي
م/ سمير الشهاوي

**Amrrr** · 13-07-2010 04:55 PM

طول ماهم ماشيين يظبطوا نفسيهم في المراية بالذات لو كسرت عليك او طلعت قطعت التقاطع او عملت اي ( غشامة ) تقوم على طول حاطة ايدها في شعرها ومسرحة !!! ولو محجبة تبقى حاشرة الموبايل في الايشارب ويا أرض انهدي
البنات اللي اعرفها بتسوق فاتحة الشماسة على طول ومثبتة المراية في وشها

**dolly13** · 13-07-2010 05:21 PM

هو تقريبا انا مش باشوف غير حركة الموبايل اللى فى الايشارب ده وبصراحة باتنرفز قوى لان معظم اللى بيعملوها بيعملوا كوارث معاها والله
لكن مكياج وشعر دى نفسى اشوفها قوى حتى علشان اطمئن ان لسة فيه ناس بتحط مكياج وكمان فى العربية بصراحة حاجة تفرح

**sara2001** · 13-07-2010 05:28 PM

طيب ايه رأيكم في اللي بيسوق وهو بيتفرج على فيلم ومتابعه في شاشه متثبته أمامه على اليمين
واللي بيسوق وهو منهمك بعصبيه في قزقزة اللب ماسك الدريكسيون باليمين واللب في الشمال والفتيس حسب الظروف والقشر من الشباك بطريقه آسفه في التعبير قذره وطبعاً كل شويه يحدف يمين وشمال
لأنه مركز في حاجه تانيه غير السواقه
الحالتين كانوا تاكسيات كنت راكبه فيها

**M.Osman** · 13-07-2010 05:47 PM

بعيداً عن الدين...
مش من الإتيكيت وضع الماكياج في وسائل المواصلات ولا أماكن العمل

ارحمنا يا رب

-

الموضوع: المرأة تفضل مرآة السيارة لضبط الماكياج

LinkBack

أدوات الموضوع

عرض

المرأة تفضل مرآة السيارة لضبط الماكياج - انشر الموضوع فى :

-

-

-

-

-

المواضيع المتشابهه

ثمان خطوات لضبط مقعد السيارة بشكل سليم

الرجل أفضل من المرأة فى ركن السيارة (بلا تحيز )

مرآة ذاتية التعتيم

هل تفضل السيارة القديمة ام الحديثة

كيف يسعد الرجل المرأة .. وتسعد المرأة الرجل ..!

الكلمات الدلالية لهذا الموضوع

المفضلات

المفضلات

ضوابط المشاركة