الموضوع: غيرت موبينة الويـرا 2004 وفيهـا سـر ؟؟

المشاركة الأصلية كتبت بواسطة mrwho1982

الله ينور عليك والحمد لله ان الموتور طلع سليم

بجد انا العربية دي بقرص عليها جامد مابتشتكيش

انا اللي هايجنني في العربية دي الازاز الكهرباء قارفني جدااااااااااااا

هو الازاز ماله بالضبط قولي ؟ وانا احاول افيدك

المشاركة الأصلية كتبت بواسطة sameh_loza

اعزائي اعضاء بروتون
اللي حصل معايا انهردة اني لقيت العربية ماشية متلته بمعني ان في بوجيه قاطع
حطيت ايدي علي قلبي لاحسن الماتور خف . روحت عند الميكانيكي وكشفنا لقينا الموبينة قاطعه ربع يعني فردة بوجية وبعدين سالت عليها لقيتها غالية في حدود خمسمائة جنية الجديدة وممكن تطلع صيني .
وبعدين اتصلت بمحل الراعي بتاع قطع الغيار بالحرافيين وافادني الاستاذ مايكل صاحب المحل ان الموبينة بتاعة الويرا مش موجودة ولكن بتمشي معاها بتاعة الجين المستعملة وبعدين رحتله المحل وكان تمنها 550 جم وبعد الفصال وصلت معاه 350 جم بالعافية وكانت هي هي بتاعة الويرا بالضبط ومكتوب عليها ماركة بوش ومكتوب عليها صناعة المانية.

وركبتها وغيرت معاها سلوك البوجيهات اللي راكبه وكنت جايبها من حوالي 9 شهور من محل في شارع دمشق بمبلغ 45 جم وكانت بتهرب كهرباء من عند الموبينه الجديدة يعني كانت فعلا بتكهرب الايد وبالفعل غيرتها بسلوك الاكسيل وجبتها المرة دي ب 40 جم وهنا وبعد التجربة لقيت سحب العربية جامد جدا وتجميع السرعة اكثر من رائع وكل ده ومكنش موجود ايام الموبينة القديمة وسلوك الاكسيل القديمة وبعدين
شرحت اللي حصل معايا للميكانيكي بتاع عربيتي وكنت عاوز رائيكم كمان قالي ان السوك بتاعة الاكسيل لازم تغيير كل سنة علي الاقل لنها بتكون ضعفت لاسباب كتيره فمن الصح تغييرها كل سنة؟؟؟

وخبر جديد احب اقوله الراعي بتاع الحرفيين فتح محل جديد في عروسة البحر الابيض وعروسة مصر الاسكندرية وجبت منه ارقام التليفونات والعنوان بتاع الاسكندرية وهي : محل الراعي لقطع غيار البروتون للجديد والاستعمال
العنوان : شارع 45 امام الكنيسة / تليفون 0114438439 الاستاذ هاني
الاستاذ مايكل اسحق 0106923023
وطبعا ان عرفت المحل ده اساسا من التوبك الخاص بالعملاق الويرا استاذ احمد حلمي وهو :
http://www.nilemotors.net/nile/103347-a.html
جميع محلات قطع الغيار لبروتون وعناوينهم وأرقام تليفوناتهم

اية الخط الصغير اللي انا كاتب بيه الموضوع ؟؟ !!!

هو عموما من التجربه سلك البوجيهات بيحتاج يتيغر كل سنه بكتيره لانه بيسخن جامد و بيوصل به الحال انه ممكن بيسيح و تركيبه سهل جدا و سعره عادى و العربيه بتفرق كتير قوى لما بيتغير فعلا

المشاركة الأصلية كتبت بواسطة mrwho1982

الازاز احطلو زيت يشتغل يومين ويبقي بطيء بعد كده اطلو زيت باكم برضو نفس الكلام احطلو wd40 برضو يومين وبخ بعد كده بفكر بجد اني ابيع العربية دي واخلص منها

بص يا باشا
اولا اكبر غلط انك تحط اي نوع من انواع الزيوت علي المجره بتاعة الازاز حتي w40 ولكن ممكن تحط بودرة تلج بتاعة الاطفال ومتستغربشي الزيوت تتحط فقط علي المفصلات الحديد فقط وعاها شوية جاز بسيط جدا.

انا بقالي سنتين ماشي بازازها المقرف ده وزهقت بجد

الازاز اليمين والشمال لازم تسند الازاز وتشدو لفوق

الازاز اللي ورا يمين لابيطلع ولا بينزل مفصول

ثانيا المشكلة عندك بسيطة جدا انت محتاج تروح عند واحد متخصص في اصلاح وتظبيط البيبان ويكشفلك علي مكن بتاع الزجاج. لو طلع بايظ ممكن تبدل المكنة الازاز ببتاع الانسر او الهوينداي بس لازم تفكها زي ما انت عارف
بس سؤال اية اخبار زرار رفع وحدة الزجاج عندك ؟

المشاركة الأصلية كتبت بواسطة mrwho1982

الله ينور عليك والحمد لله ان الموتور طلع سليم

بجد انا العربية دي بقرص عليها جامد مابتشتكيش

انا اللي هايجنني في العربية دي الازاز الكهرباء قارفني جدااااااااااااا

السلام عليكم طلبك عندى يا أستاذ انا المشكلة ديه كانت معايا من أسبوع فقط و الحمد لله حلتها بص هاقولك تعمل أيه , بص الأول الفيشه بتاعت الزراير عريضة و لا لأ لو كانت عريضة يبقى هادييك البرده بتعتى و تشترى فقط من الوكاله عند كهربائى بجانب مسجد الخضرة الزراير و البرده هتغيرها بالعندى و أنا وصلت معاه فى السعر ل 200 جنيه و ما شترتهاش و أشترتها بتاعة دريكسيون يمين من الحرفيين ب 300 جنيه الفيشه العريضه وممكن تفاصل معاه لغايه 150 جنيه .
و لو كانت الرفيعه فده مش هتحتاج ألى عندى و هتركبها على طول و بالتوفيق إن شاء الله