أبواب اللانسر

**A7MED_PHARMA** · 13-07-2010 02:33 AM

السلام عليكم

أنا كنت رشيت العربية من بره من فترة

وكانت الأبواب شايلة طبقة معجون خفيفة
بس للأسف ..المعجون بيسببلي إحباط مستمر لما أشوف العربية من بعيد
تحس إنها مموجة بشكل غبي ...لكن من قريب زي الفل

فأنا دلوقتي بفكر ..يا أما أظبط العربية كما ينبغي

يعني أغير الأبواب بأبواب إستيراد بدون معجون ..علشان تبقا مسطــــــــــــــــــرة
وأشوف عوازل صوتية للموتور ولأرضية العربية
أو
أركب ألماني ..بدور حاليا على فيكترا

فكونت عاوز أشوف سعر الــ4 أبواب لانسر مكوة إستيراد بكام في بورسعيد ..لو حد يعرف؟؟؟
سألت عليهم هنا في الزقازيق بـــ3000 فاضيين
أكيد في بورسعيد أرخص من هنا

**A7MED_PHARMA** · 13-07-2010 02:43 AM

المشاركة الأصلية كتبت بواسطة mr_sameh

سالت فين في الزقازيق

عند النصباوي(قصدي السمباوي)
وعند عالم السيارات ..أولاد الحاج سمير نظيم

**shooter123** · 13-07-2010 02:46 AM

ما تغيير طبلة الابواب بدون ما تغيير الابواب خالص
وتروح لبوهيجي نضيف متستخسرش|
الفيكترا مع ابن عمي فاضله شهر بالكتير ويتجن خلاص والميكانيكي بقي انتيمه من كتر تردده عليه مره حساس معرفش ايه ومره سير ايه ومرة بلوف الفتيس وهكذا ده غير اني اخدتها منه قبل كدا لقيتها ناشفة اوي اوي سواء العفشة او في المناورة طبعا انت عارف اللانسر والياباني بصفة عامة ناعم ورشيق في المناورة
يا ريت تصرف نظر عن موضوع الفيكترا ده
وتوقف عربيتك تمام وبعد ما توقفها نبقي نشوف موضوع التغيير ده

**A7MED_PHARMA** · 13-07-2010 02:57 AM

ما تغيير طبلة الابواب بدون ما تغيير الابواب خالص
وتروح لبوهيجي نضيف متستخسرش|

دي إلي بيسموها القشرة؟؟؟؟؟؟

ودي بتيجي منين؟؟؟

أنا سألت سمكري ...قالي العربيات النص نقل هيا إلي ليها قشرة..والجديد مالوووش

**A7MED_PHARMA** · 13-07-2010 03:24 AM

المشاركة الأصلية كتبت بواسطة mr_vampire

انا برده مع فكرة انك تشد عربيتك المكوة وهتبقي زي الفل بعد كدة. فعلا بعد ماركبت لانسر وحسي بالنعومة والاقتصادية في الصيانة والبنزين هتزعل اوي لما تركب اوبل وتجرب صيانتها وقطع غيارها النار. واخيرا بخصوص معجون البيبان علي مااعتقد ان سمري كويس يعرف يظبط الكلام بيشيل المعجون بالصاروخ ويسمكر ويخلي الباب كله مية واحدة. واحد صاحبي كان قالي السمكري عمل كدة في عربيته الكرستالة.

مهما كان السمكري كويس

لازم هتاخد طبقة معجون بعد السمكرة ..حتى لو بسيطة

وأنا عاوز عربية مظبوطة من كل حاجة..علشان مش بحب أغير عربية

وقولت يا إما أظبط اللانسر...أو أغيرها

بس قولت هشوف ظبط اللانسر هيعمل معايا أد إيه فلوس الأول

وصدقني

مفيش حاجة بترجع زي الأول ..وتكلفة بتكلفة
وتجيب 4 أبواب إستيراد....وتبقا عربيتك كأنها زيرووووووو بدون سم واحد معجون

**A7MED_PHARMA** · 13-07-2010 12:15 PM

المشاركة الأصلية كتبت بواسطة medoakef

انا مش عارف سعر ابواب الانسر كام بس طبعا اركب فكترا 2000 مثلا 2000cc عالم تاني طبعا

أنا بدور على فيكترا 1600 سي سي ..ده لو مش هظبط اللانسر

الــ2000 سي سي ..هتستهبك معايا بنزين أكتر ..وخصوصا إن اللانسر 1300 إستهلاكها معايا إقتصادي جدا
علشان أنا بلف بالعربية كتير ...علشان طبيعة شغلي
ولحد دلوقتي
مش لاقي 1600 منها نظيف

وبالنسبة للانسر
عربية كويسة ..مش مدايقني منها عزل الكابينة ..سئ جداااااااا
ولو هتشد العربية صح ...تكلفة بتكلفة وغير الأبواب

-

-

الموضوع: أبواب اللانسر

LinkBack

أدوات الموضوع

عرض

أبواب اللانسر - انشر الموضوع فى :

-

-

-

-

المواضيع المتشابهه

فرش أبواب لانسر كريستالة 4 أبواب كامل للبيع

سقف و أبواب اللوجان

تفاصيل رقم شاسيه عربيتك اللانسر 1600 او اللانسر 1500

ممكن مقارنة بين اللانسر الخليجي و اللانسر المصري

ضبط أبواب البيتلز

الكلمات الدلالية لهذا الموضوع

المفضلات

المفضلات

ضوابط المشاركة