الموضوع: TE Data

المشاركة الأصلية كتبت بواسطة emadno1

الفكرة كلها ان كل خطوط النت اللى داخله مصر سواء كابلات او ستالايت بتتجمع فى النهايه على ثلاثه سنترالات و منها بتتوزع على كل الجمهوريه

القطع اللى حصل اثر على الخطوط اللى داخله على سنترالات العتبه و الاوبرا و كل الحمل كان على سنترال الدقى و علشان كدة الشركات اللى عندها خطوط جايه من هناك اشتغلت و الباقى لا

من اهم الاجراءات الاساسيه للشركات علشان تامن نفسها انها بيكون عندها على الاقل خطين من مكانين مختلفين و سواء كان TEdata او Link او اى شركه بيكون عندها اكتر من خط الفكره كلها فى ال bandwidth بتاعت كل خط علشان لما خط من الى جاى من بره بيفصل يحمل الخطوط على الخط الشغال و دى بتتم اتوماتيك من خلال ال server بتاع الشركة
و حجم الشركة (ISP) بيتحدد من خلال bandwidth بتاعتها

و للعلم كل من شركة TEdata او Link كل واحدة عندها ثلاثه خطوط جايه من بره واحد كابل من اسيا و واحد من اوروبا و فى خط ستالايت

بس TEData ال bandwidth بتاعتها اكبر شويه من Link

طبعا لما بيحصل قطع كبير زى اللى حصل دة الخطوط الاحتياطى مش بتستحمل الحمل دة كله و علشان كدة قطعت فترات و فترات كانت مخنوقه جدا
و الشركات كمان عملت بعض الاجراءات علشان تحافظ على اكبر قدر ممكن من الناس شغالين فى نفس الوقت زى انها قفلت شويه Ports اللى هيا بتستهلك bandwidth كبير زى ال ftp, streaming media

اتمنى انى اكون عرفت اوصل المعلومه ببساطه ليكم و لو اى حد عاوز تفاصيل اكتر او معلومات يا ريت يكلمنى

لينك مكنش عندها حاجة قايمة و كل شغلها مع فلاج تيليكوم ووقعت خالص لما الكابل بتاع فلاج وقع و لو تعرف اسم الكابلين التانيين بتوع لينك قولهم