سمعت هيصة ودوشة وزعيق فى كل مكان

سألت إيه الحكاية .. قالولى انت إيه !! نعسان ؟؟!!

ده النت قاطع والدنيا واقعة يا مان

والناس بتصرخ والبورصة واقفة كمان



سألت ايه السبب ومين اللى هدعى عليه

قالولى فيه مركب سواقه كان سرحان

قطع الكابلات ومسابش ولا فتلة

ومن ساعتها يا صاحبى وابتدى البوظان



قولت يا جماعة دى بس مركب إيه

ده الكابل فى البحر عايم تحت أوى وغرقان

قالولى عندك حق والسبب مش المركب

ده قرش كان تايه .. لأ والمصيبة جعان



خد اللى فيه النصيب والكابل بقا كفتة

من جوعه كل كابلين ومسابش ولا حتة



قولت أروح وأشوف إيه جرا لخطى

لاقيت النت موجود ومية مية كمان



قولتله يا صاحبى ليه تبتدى الاشاعات

ده النت عندى حكاية حتى فى الوصلات



قاللى تلاقيك مشترك عند تى إى داتا

دى بس اللى قدرت تفلت من العدوان



يمكن يكون المركب من مراكبها

وسايقها واد تيكنيشن بس كان سرحان



أو يمكن يكون القرش ده بتاعها

أو ممكن يكون حطوا فى الكابل سم فران



دعبست فى الموضوع وعرفت إيه حكايته

وإن تى إى داتا أنصح من الباقيين

عامله كابل احتياطى جاهز ومتأمن

ينفع فى المصايب بعيد عن السامعين



يا صاحبى دى شركة كبيرة وخبرة بقالها زمان

تعرف تلعبها صح ... زى أبو تريكة وزيدان

حتى شوف إعلانهم مدروس ومتكلف

الدنيا هتجيلك ... سكوب وبالألوان



تى إى داتا دى حكاية واحنا عارفنها

حدوتة مصرية تتقال فى كل زمان



وعجبى

منقول