رسبت في امتحان المرور!!!!!

**ahmadmidop** · 13-07-2010 02:02 AM

النهاردة كان امتحااااااااااان السواقة المهم دخلت الكمبيوتر والحمد لله جبت 100 في 100 دخلت امتحان السواقة زفت الدنيا انا متعود على عربية هاتش باااك وهما لازم امتحن بالشاهين ماعلينا اصل الواااااااااااااااااااااح د مخنوووووووووووووووووووووو ووق
وضعي اي دلوقتي يعني هعيد الامتحان بعد اد ايه وليا كااام مرة افرضو دخلت المرة الجايو سقط !!!!!!!!

**Medo.Malek** · 13-07-2010 02:12 AM

يا باشا انت زعلان ليه انت عديت من امتحان الكمبيوتر و دى حاجة كويسة جدا و بالنسبة لامتحان السواقة اعتقد بتمتحن تانى بعدها بكام يوم او مثلا بعدها باسبوع
اما لو كنت سقط فى الكمبيوتر فا بيقولك تعالى بعد 3 شهور و لو لا قدر الله سقطت تانى بيقولك تعالى بعد سنة كاملة و اطمئن محدش بيسقط تانى الا لو انت نفسك عايز تسقط و على فكرة انا ايام ماكنت بطلع الرخصة سقطت كمبيوتر و رجعتلهم بعد ال 3 شهور هما اللى حلولى الكمبيوتر !! و الحمد الله عديت من امتحان السواقة و بعد 3 ايام كانت الرخصة فى جيبى الحمدلله

**pharonicking** · 13-07-2010 02:26 AM

ولايهمك خيرها فى غيرها

**a7mode** · 13-07-2010 02:59 AM

مسألتش ليه الظابط ترجعلو تانى امتى ؟؟ عالعموم يومين كدا وجرب تروح تانى وان شاء الله تمتحن تانى وتنجح

**Moe86** · 13-07-2010 03:11 AM

يا راجل ؟ انت لسة مش معاك رخصة لحد دلوقتى ؟!
بس غريبة موضوع انك لازم تمتحن بعربيتهم دة ! فى مرور طنطا ممكن تمتحن بعربيتك عادى , و الجديد بأة ممكن لو أوتوماتيك كمان
بصراحة لو امتحنت على الشاهين من غير ما اتدرب عليها مرة كدة ممكن أسقط فيه

**ahmadmidop** · 13-07-2010 12:30 PM

اولا الف شكر ياجماعة ..... بس الواحد دمه محرووووووووووووووووووووق مش عارف ليه لحد النهاردة اصل انا كنت اخدها تحدي ومكنتش متوقع ان ده هيحصل والوااالد مش موافق على حوااار الواسطة خااااالص ..... انا روحت النهاردة قالولي الاعادة يوم الخميس الي بعد الي جاااي ...
فعلا انا اول لما ركبت العربية الشاهين حسيت اني راكب سفينة ولا شايف قراطيس ولا اي حااااجة خاااالص .... لو كل واحد دخل بعربيته كان الموضوع خلص .... وحظي كمااااان ان جالي ارجع بضهري .... يلا ربنا يسهل الواحد سايق بقالو فترة من غير رخصة ومفيش مشاكل انا الي قولت امشي رسمي بقى (انا الي جبته لنفسي هههههه )

**yoko** · 13-07-2010 12:38 PM

على فكرة المفروض عادي تمتحن على عربيتك كلنا عملنا كده إسأل هناك إزاي تعمل الموضوع ده لإن تقريبا لازم ترفق صورة رخصة العربيه مع الملف وولا يهمك أنا قعدت أسوق في السعوديه 7 سنين وكنت بسوق عربيات كبيره جدا هناك وإمتحان السواقة صعب جدا هناك ونجحت من أول مرة لدرجة إن الظابط الي نجحني مكنش مصدق إني أنجح من أول مرة وجيت في مصر سقطت وطبعا بعدها ب 3 أيام رحت بواسطة نجحت وكان ناقص الظابط يمتحن بدالي!!!