استشاره عاجله عن هيونداي اكسيل اوتوماتيك موديل 1996

**first_queen1** · 13-07-2010 02:52 AM

اشتريت اكسيل اتوماتيك موديل 1996.....ورغم اني كنت واخده معايا ميكانيكي يفحصهالي .لكن الظاهر والله اعلم انه باعني علشان ياخد سمسرته .
المهم
العربيه فيها حاجتين 1- اول ما بادور العربيه باحس برجه فيها العربيه بترج طول ماهيه دايره لكن اول ما ادوس بنزين الرجه بتروح ...ياترى ده ممكن يكون ايه؟
2-الشكوى التانيه ان العربيه (هيه اتوماتيك)لكن لما الفتيس بيجي ينقل من الاول للتاني بياخد وقت وباحس بصوت الموتور بيعلى ومره واحده تقوم ناطه لقدام وهيه بتنقل الغيار يعني كائن الواحد داس بنزين مره واحده وشال رجله من على الدبرياج فجاْه في الفتيس العادي

الميكانيكي بيقول ان الرشاش مسدود في الكاربيراتير

ياترى ممكن يكون ده سبب المشاكل دي ؟
ولع الميكانيكي بيشتغلني؟؟؟؟

**bassem.naguib** · 13-07-2010 01:43 PM

يا ريت طالما العربية اتوماتيك .. تروح تغير زيت الفتيس بسرعة .. وتغيره باستمرار .. لأن روح الفتيس الأتوماتيك هو الزيت بتاعه .. واعتقد تأخير النقلة دي بسبب زيت الفتيس .. وأتمنى متزدش المشكلة عن كدة

**first_queen1** · 13-07-2010 04:05 PM

شكرا جزيلا.عموما انا وديتها النهارده لميكانيكي تاني غير اللي شافها معايا وانا باشتريها
وهاشوف هايقول ايه .بس لما باقول له انهابترج ...قال لي ده عادي في الاكسيل الاتوماتيك
ربنا يكرم وتطلع حاجه بسيطه