هل فقد المصريون احترام شعور الاخرين؟

**ahmedbeirut123** · 13-07-2010 03:38 PM

المشاركة الأصلية كتبت بواسطة mxz911

دى موضه الشباب البيئه ابو موبايلات صينى !

واللى معاهم راديو ومشغلينوا ف هما برضه اكيد تبع موضه الشباب البيئه ابو موبايلات صينى بس لسه الموبايل موصلش ليهم ف بيستخدموا الراديو غايت ما ربنا يفتح عليهم

ولا حياة لمن تنادى

+1111111111111111

كان الاول تلاقى شلة بيئة ماشيين و معاهم الكاسيت ابو حجارة دلوقتى موبايل صينى معفن واغانى شعبية زبالة ويعلى الصوت عالاخر

والله ناس عايزة الحرق

**n_i_t_e** · 13-07-2010 03:55 PM

أنا هأشارك من واقع خبرتى برضه لأنى كنت بسافر بالقطر كتير و كنت بركب درجة أولى بيبقى فيها أجانب برضه.
بأستغرب بلاقى ناس منهم يبقوا قاعدين مع بعض بيتكلموا و يهزروا بصوت عالى أو لما واحد منهم يجيلوا تليفون يتكلم كأنه قاعد لوحده فى القطر. أنا لما بأبقى مسافر مع حد فى القطر أو يجيلى تليفون بتكلم بصوت واطى مراعاة لخصوصية غيري و ده البديهى أن أي واحد فينا بيعمله...
طب فى ناس مصريين ساعات بيعملوا الحاجات دي و بنقول ماشى مننا و علينا و اللى عنده ظروف و اللى رايح شغل..لكن ألاقيه واحد أجنبى جاي يتفسح و معندوش مشاكل و مفيش حد خانقه و جاي يزعجنى و أنا بحاول أغمض عينى أو بأسمع موسيقى سلو دي أقول فيها ايه؟

فمتضايقش و الموضوع مش أخلاقيات مصريين دي أخلاقيات و سلوكيات أفراد.

**Abo_Lina** · 13-07-2010 05:04 PM

هما كده هايعيشوا عشوائيين و يموتوا عشوائيين

**تامر.محمد** · 15-07-2010 10:45 AM

فقدوه بالثلث في كل نواحي الحياة

**mxz911** · 17-07-2010 06:22 AM

المشاركة الأصلية كتبت بواسطة ahmed4000

للاسف احنا شعب مش متحضر ومنحاولش نضحك على نفسنا

بصوا لاى طابور عامل ازاى

بالنسبه للطوابير ملخبطه فى كل حته وزباله

بس الحق يقال .. انا فى موقف معين بالذات كل ما اعدى من جنبه والله بفرح جدا ...وهو موقف حلوان اللى فى العباسيه .. كل ما امشى من هناك بليل الاقى الناس واقفه طابور اللى جه الاول يركب الميكروباص الاول .. سواء كان ف ميكروباص او مفيش الناس بتقف لوحدها طابور .. والله المنظر ده بيفرحنى جدا جدا جدا !!

مع انى مرات ببقى ماشى والاقى الطابوووووووور طويييل ومفيش ولا ميكروباص .. بس الناس صابره وواقفه بنظام برضه

نفسى كل موصلات مصر تبقى بالشكل ده مش خناقه عشان الواحد يتشعبط فى اى حاجه !!!

**زينة الله** · 17-07-2010 08:13 AM

أنا بقى كنت مسافرة من يومين وقابلنى نفس الموقف تقريبا
واحد محترم شكله كده فى الخامسينات من عمره و ملتحى قاعد فى الكرسى اللى ورايا مباشرة
و فجأة شغل مش عارفة موبيل ولا ايه على ادعية بصوت عالى جدا و كنت لسه حقوله من فضلك وطيه شوية
الا وسمعت صوت رنة موبيل و الراجل نفسه بيرد عليه ومش سامع من الصوت العالى و عمال يعلى صوته
قلت يمكن مش هو اللى مشغل الادعية ديه و انا ظلمته ،
لكن اكتشفت بعد شويه انه هو اللى مشغلها و مشوشر على نفسه حتى و هو بيتكلم فى المحمول بتاعه
شوفتوا غلاسة اكتر من كدة بيغلس حتى على نفسه ، بالذمة ده حيفيد معاه كلام

**Car's Sniper** · 17-07-2010 08:23 AM

للاسف ايوة....حاسس انهم فاكرين ان ده من حقهم..ثقافة فاشلة.... ولازم يجيبوا اخرة موبايلاتهم ويسمعوا الخلق كلهم ...ومابيعترفوش بحاجة اسمها الهاند فريى(سماعات الاذن)....وهتلاحظ المحترم عن غيره من الحكاية دى لان المحترم لو معاهوش هاند فريى تلاقيه شغل موبايله باقل صوت فيه يسمعه هو شخصيا بالعافية
والحل بسيط جدا...ان كل واحد يحط نفسه مكان الاخر