http://www.youtube.com/watch?v=PRCGqxKAi2M
MMamdouh
عرض للطباعة
يااااااااه معقول 5 كم/س زيادة تعمل كل ده
شكرا على الفيديو يا أستاذ محمد
لو إحنا إتعاملنا مع السواقه زي ما بنتعامل مع العوم ممكن جداً الحوادث تقل جداً
بمعنى إن إحنا لو حطينا في دماغنا إن السواقه دية زي البحر مالهاش كبير، ممكن جدا نتفادى كثير جداً من الحوادث.
يا جماعه العقل البشري ليه قدرات وحدود، الحاجات اللي ممكن تحصل على السرعات العاليه أوي بتكون أسرع من إستجابة عقلنا البشري وده بالإضافه إن معظمنا راكب عربيات ماشيه وخلاص يعني حتى لو دست فرامل في الوقت المظبوط، العربيه مش هاتقف أبداً عند المكان المطلوب.
ولو حسبناها صح نلاقي إن كتير جدا اللي ماشي بسرعه بيوصل مع اللي ماشي براحه، عشان هم الإتنين هايتزنقوا في الزحمه مع بعض في نقطة ما، وأكيد كلكم لاحظتم الموضوع ده على المحور مثلاً. كله في الآخر بيتزنق في كوبري 15 مايو أو في ميدان لبنان.
ونصيحه أخيره: الغباء في السواقه والتصرفات الغير مفهومه والغير متوقعه والفجائيه كتير بتكون سبب حوادث مرعبه.
اللهم احفظنا من كل سؤ
على فكره السبب الرئيسي للحوادث على الدائري
هو وجود هبوط فى الطريق احيانا بيوصل الهبوط لعمق 20 سم
تخيلو 20 سم هبوط
وللاسف نتجيه عدم الاهتمام بالمواصفات والسرقه فى مواد الانشاء
ما علينا من الموضوع ده لانه مسلسل متكرر فى العمارات والطرق وكل ما يتم تنفيذه لحساب جهة حكوميه
طيب ايه سبب الحوادث
سبب الحوادث ان الناس اللى عندها معندهاش خبره فى الطريق الدائرى بالحفر والهبوطات الموجود
بيفاجا بالهبوط فبيرمل فجاه واللى وراها بيكون طبعا لازق فيها فميعرفش يرمل فيخبطوا فى بعض
بالاضافه الى السرعه العاليه والرعونه فى السواقه وعدم الانتباه
كلها عوامل اجتمعت لتسبب الكوارث فى مصر
يعنى المعادلة بسيطه
غش + فساد + استهترار = كارثه
للاسف ده الواقع المصرى المرير
النهاردة الصبح شايف عالدائرى بعد مدخل القاهرة الجديدة ب 10 متر حادثة تقريباً بولونيز لونها ابيض داخلة عمودى عالرصيف ومدمرة ونازل منها اسرة فيها طفل وسيدة عجوزة وواضح ان الكل سليم بس العربية خلصت.