حد فكر يكتب وصيته قبل كده

**ZALABANY** · 13-07-2010 09:48 AM

روى البخاري ومسلم وأبو داود والترمذي عن ابن عمر رضي الله عنهما قال: أن رسول الله صلى الله عليه وسلم قال: ((ما حق امرئ مسلم له شيء يوصي فيه، يبيت فيه ليلتين إلا ووصيته مكتوبة عنده)). قال نافع: سمعت عبد الله بن عمر يقول: ما مرت علي ليلة منذ سمعت رسول الله صلى الله عليه وسلم يقول ذلك إلا و عندي وصيتي مكتوبة. لقد بين لنا الرسول الكريم صلى الله عليه وسلم عدم طول الأمل وانتظار قرب الأجل والتفكير في الدار الآخرة والاستعداد لها بأخذ الزاد وأداء حقوق العباد ومضى الحديث أن الحزم هو هذا فقد يفاجئه الموت. وقال الشافعي: ما الحزم والاحتياط للمسلم إلا أن تكون وصيته مكتوبة عنده، إذا كان له شيء يريد أن يوصي فيه لأنه لا يدري متى تأتيه منيته فتحول بينه وبين ما يريد من ذلك.

النهارده قاعد بفكر جاتلي الفكره دي وقعدت أدور عليها لقيت ان في حاجات كتير الواحد ما كنش يعرفها وحبيت انكم تشاركوني فيها
ده الموقع
موقع وصيه - أدلة مشروعية الوصيه ، وحِكمتها ، وحُكمــها

**mohamedrabia** · 13-07-2010 10:01 AM

انا كتبتها قبل كده علشان ابقي بري من اي شي بالدنيا يحدث بعد مماتي محدش ضامن عمره ولا ايه وربنا يحسن خاتمتنا

**Akram** · 13-07-2010 10:52 AM

ربنا يجازيك خير ,

انا كتير فكرت اكتبها بس مش عارف ايه اللي بيخليني انساها بعد كده ,

بس يا ريت أعرف ايه اللي بيتكتب فيها بشكل عام ,

هل بس الحقوق و الواجبات و لا ممكن كمان نصائح أو آراء في حاجات يمكن مفيش فرصة أو مناسبة إن الواحد يقولها ...

**ZALABANY** · 13-07-2010 11:13 AM

أكرم باشا الموقع اللي موجود في أخر الموضوع في كل تفاصيل الوصية

**FunnyMickey** · 13-07-2010 12:42 PM

انا كاتبها ومدي نسخه لمراتي ونسخه لامي

**tabeb** · 13-07-2010 12:46 PM

انا فعلا فكرت اكتبها قبل كده
لو حبيتوا تكتبوا وصيتكم هتقولوا فيها ايه؟

**Islam_galal** · 13-07-2010 12:50 PM

مهم جدا
كتبتها كتير و كل شوية أحتاج أغير فيها و لقيت أفضل حل أن تكون softcopy علي الميل مثلا
ممكن تعمل ملف علي الميل و تسميه الوصيه و تحط الوصيه فيه و تضع جواب عنوانه الوصية و فيه العنوان و الباسورد و بالتالي يسهل عليك التعديل