عرض للطباعة
عربيتي 128 مو97
العربية بقلها يومين مدورش الصبح وانا رياح الشغل فبسبها واروح موصلات وانا راجع من الشغل علي المغرب ادور العربية بدور طيب مش عارف اية المشكلة
مع العلم اني مغير البوجيهات من شهرين والبطارية جديدة من شهر ونص والمارش بيقوم بس العربية متلقتش
بعد مدور العربية اروح للميكانيكي يقولي كلو تمام
ارجوكم لو حد عند خبرة في الحالة دية يساعدني او يدلني علي ميكانيكي كويس لان ياين الا عندي مكسل
راجع على الشفاط وباب الكاربيراتور
ودورها الصبح بالشفاط
انا النهاردة عملت كدة حاولت ادورها بالشفاط مفيش فيدة
اشكرك علي المساعدة
مش بتدور يعني المارش بيلقط ولا لا
ولو بيلقط بيقعد يعتل و لا ايه اللي بيحصل
ولو مش بيلقط بتسمع صوت تكة كدا؟
يا باشا أنا تحت أمرك
هو واضح من كلام وائل أن البطارية سليمة وبتقوم المارش بصورة سليمة
بس العربية ما بتلقطش صباحا لكن بعد الظهر بتشتغل عادى
!!!!
طيب ممكن يكون فى مشكلة فى فلتر البنزين مثلا؟؟؟ مسدود جزئيا مثلا؟؟؟
المشكلة دى مشهورة جدا فى ال 128
جرب التجربة دى ، خد معاك الصبح قطنة فيها شوية سبرتو او نقطتين جاز ، فك وش الإسبراتير وشيل منه كل الكابلات وحط فيه القطنة دى وولع فيها وسيبها لحد ما تطفى ، ونفض الرماد وركب الوش مكانه وركب فيه الأسلاك ودور، لو دارت يبقى وش الإسبراتير مرطب ومحتاج يتغير، لأن اللى انت عملته بحرق القطنة هو نزع الرطوبة من وش الإسبراتير
او ممكن تقصر على نفسك وتغير وش الإسبراتير مباشرة، تمنه فى حدود 20 -25 جنيه
لو وش الأسبراتير محلش المشكلة (وان كنت واثق انه هيحلها ان شاء الله) نبقى نبص على الكاربراتير
انا متشكر جدا يا جماعة انا هجرب الموضوع الاسبراتير دة ويا رب يطلع هو المشكلة
هو ممكن اغيرة بنفسي ولا لازم ميكانيكي
تغييره أنت بنفسك سهل جدا
هو بيتفك بمسمارين
وتركب سلوك البوجيهات فى الوش الجديد بنفس الترتيب
وترجع تركب الوش الجديد فى الإسبراتير
128 دى حبيبتى و عشره عمر
بص يا سيدى عندك 4 حاجات تراجعهم:
المرحومه عربيتى كنت باضبطها بنفسى و كانت بتدور من اول سنه فى عز الشتا
- غالبا هتلاقى فتحه الابلاتين ديقة اضبطها
- خللى الكهرباء فيها سنه زياده من الاسبراتير عشان تدور معاك بسهوله فى الشتاء
- انا شاكك ان الشفاط مش شغال كويس........... فك العمه و شد الشفاط المفروض تلاقى البوابه فى وضع شبه افقى ولما ترجع الشفاط تبقى البوابه فى وضع راسى تماما
- قبل ما تدور دوس بنزين مرتين (ورتين بس عشان العربيه ما تشرقش) و بعدين شد الشفاط و دور