الموضوع: قائمه اسعار قطع غيار السيفيا

ألف شرك يا جماعة على الردود
بس يا أخ إسلام الزرار اللى عندى فعلا بيتحكم فى نور الفوانيس بيعليها او يوطيها على الطريق.. يعنى بيتحكم فى ارتفاع النور مش شدته

طيب يا هارد باشا الفوانيس علشان تتفك لازم افك الاكصدام الامامى ؟ لان تقريبا كده الفوانيس جوا الاكصدام.
وبعد مافك الفوانيس ايه بالظبط اللى هيتنظف فيهم الباغ او افبر بس ولا الفانوس كله؟
وبعد اذن حضرتك اجيب منين البولش والكمومباوند اللى قلت عليهم؟ ولا أكتفى بملح اللمون زى ماقلت بعد كده؟
وبالنسبة لملح اللمون ادوبه فى ميه وبعدين انقع الفوانيس فيها؟ والتركيز ومدة النقع اد ايه؟
وبالنسبة للسنفرة حجادى ولا خشابى؟ معلش علشان جديد فى الموضوع ده.

وفى حاجة كمان
اعرف ازاى اذا كان الفوانيس بتاعتى الاصلية ولا ايه؟ انا لسه شارى العربية من شهرين وعملت تقوية للنور عند الكهربائى وركب كتاوت وكمان ركبت لمبات h4 مع ان الفوانيس بتاعتى مابيركبش فيها الا H1 بس جبت مبرد وفضلت اكحت لحد ماوسعت مكان اللمبات وركبت لمبتين H4 الطبق... طبعا الشكر لماكس باشا على الفكرة الجميلة دى. وربنا مايحرمنا من افكاره
المهم خليت الكهربائى يركب فيشه سيراميك وعملت سوسته علشان تمسك اللمبة كويس لان القديمة مكانتش هتنفع علشان الفرق فى حجم اللمبات والعملية تمام بس حاسس برضه ان الفوانيس لما تنظف هيبقى فيه فرق جامد.

اسف على الإطالة يا جماعة