إزاي أروح من منشية البكري (أول جسر السويس) إلى مرور عين الصيرة ثم إلى الدقي
أرجو الرد سريعاُ
عرض للطباعة
إزاي أروح من منشية البكري (أول جسر السويس) إلى مرور عين الصيرة ثم إلى الدقي
أرجو الرد سريعاُ
امشى فى جسر السويس لحد كوبرى القبه و عند جامع عبدالناصر خش يمين و الكوبرى فوقك
تفضل ماشى لحد صلاح سالم (ماتطلعش الفنجرى) و خش يمين فى صلاح سالم و خليك طوالى اوعى تطلع كوبرى اكتوبر خليك فى صلاح سالم هتوصل عند نفق الازهر خليك شمال و مكمل و الطريق هيلف بيك شمال و تحت القلعه يمين و بعد كده تطلع كوبرى السيده عيشه و مكمل طوالى ... فى اشاره هتعديها و الطريق هيلف يمين شويه و هتلاقى حديقة الفسطاط على الشمال... المرور هناك على اليمين
بعد كده علشان تروح الدقى تفضل ماشى زى ما كنت جاى و تعدى نفق الملك الصالحو تعدى فرع النيل الصغير و تعدى المنيل هتلاقى كوبرى عباس فوق النيل تخش فى اخره يمين كده انت مسكت الكورنيش تفضل ماشى طوالى و تعدى تحت كوبرى الجامعه و طوالى برضه هتلاقى شيراتون على شمالك (خليك فى الشمال علشان يمين فى رصيف و تخش يمين اجبارى) فى اشاره هناك و تخش شمال كده انت فى شارع التحرير كمل هتلاقى فى كوبرى بالعرض من فوقك تبقى كده فى الدقى
ألف,ألف ,ألف شكر
تعديل بسيط فيما يخص الدقى بعد اذنك
اول شمال بعد ما تعدى كوبرى الجامعة
اخر الشارع يمين اجبارى
اول فتحة شمال عند مديرية امن الجيزة
على طول حوالى 2كم
جامعة القاهرة على الشمال اول يمين لغاية المرور
بالتوفيق
ملاحظة
عند شيراتون الاتجاة اجبارى يمين الى ميدان التحرير