عربية صيني شبه الكروز

**aymanmaly** · 14-07-2010 10:11 PM

المشاركة الأصلية كتبت بواسطة Hosam_Optrawy

لو سمحت ياباشا متقولش معلومات الا لما تبقى متأكد منها

صباح الفل يا عم حسام اول مرة اشوف ليك رد بالعصبية دى خير؟
على العموم من اغراض مجتمع شيفورلية اننا نصلح لبعض المعلومات
يعن انا بيتهيئلى ان الاوبترا قبل ما تتسما اوبترا كان اسمها رولزرويس جولد

انا قريت الموضوع دة فى مجلة امريكية تصدر بالغة الاسبانية و انا كنت ساعتها قاعد فى روسيا و بعهالى راجل هندى اهم حاجة بلاش

لحسن انا بقيت عضمة كبيرة و مستحملش

**amr.elsayed** · 14-07-2010 10:57 PM

المشاركة الأصلية كتبت بواسطة M.Osman

فكرتني بمرة كنت سايق العربية
و لقيت عربية شنطتها شكلها مش ظريف كدا زي العربيات الصيني
و فيها نيكل في الشنطة كدا قلت اية العربية الصيني دي ...

قربت

لقيت مكتوب...
.
.
.
.
.
.
.
.
.
Renault Logan

اتصدمت يا عيني...

سلامة عينك يا باشا ... معلش الصيف بيجيب امراض رمد كتيير

ربنا يعافينا

**M.Osman** · 14-07-2010 11:41 PM

المشاركة الأصلية كتبت بواسطة ringoo

سلامة عينك يا باشا ... معلش الصيف بيجيب امراض رمد كتيير

ربنا يعافينا

الله يسلمك
مكنش في الصيف
كان يوم مطر في عز الشتاء

اللي اعرفه ان الصيف بيجيب امراض في لسان الناس...
عارف...
الناس بتكون زهقانة و كدا... قتلاقي لسانها بيطول شوية
و المرض وصل لبعض العربيات كمان .. ولسانها طول
زي العربية اللي في توقيعك كدا

**ahmedbeirut123** · 15-07-2010 04:18 AM

المشاركة الأصلية كتبت بواسطة amrseba

يا باشا ماهى الاوبترا هى الكروز فرق البودى و الانتريور

اصلا الكروز اسمها

دايو نوبيرا 4

الاوبترا نوبيرا3

و الافيو هيا الانوس بس بعيوب اكتر

والسبارك هيا الماتيز

المعلومات ديه كلها غلط

بص يا باشا علشان بص احنا فمصر بنفكر بفهلوة شوية فناس كتير فاكرة ان النوبيرا هيا الاوبترا هيا الكروز

يعنى اذكى شخص هوا اللى يجيب نوبيرا ب 60 الف ده ازكى من اللى جاب كروز ب 140 الف!!!!!!!!

رغم ان مفيش فرق خالص طبعا ديه طريقة تفكير عند بعض الناس اللى بتتذاكى وخلاص

مبقولش على حضرتك طبعا

طب ازاى تيجى نفكر مع بعض

الكروز اعلى فئة ب 150

الاوبترا ب92

النوبيرا كانت بحاجة و 70 تقريبا

يعنى على كده مفيش فرق بين الفيرنا والسوناتا 2011

عشان السوناتا فيرنا 8 هههههههه

معلومة لازم الجميع يعرفها

مفيش عربية فالعالم اسمها شكلها اتغير وبس

السوناتا 2011 مختلفة فكل حاجة عن السوناتا الشكل القديم

انا برده فمنتدى سيارات مصرى قريت لواحد بيفتى فبيقول ياجماعة الكروز ديه هيا الاوبترا بس مغيريين الودى بتاعها

والله معلومة ضحكتنى

اسف عالاطالة بس كنت عايز اوضح شوية حاجات

**Hosam_Optrawy** · 15-07-2010 05:42 AM

المشاركة الأصلية كتبت بواسطة aymanmaly

صباح الفل يا عم حسام اول مرة اشوف ليك رد بالعصبية دى خير؟
على العموم من اغراض مجتمع شيفورلية اننا نصلح لبعض المعلومات
يعن انا بيتهيئلى ان الاوبترا قبل ما تتسما اوبترا كان اسمها رولزرويس جولد

انا قريت الموضوع دة فى مجلة امريكية تصدر بالغة الاسبانية و انا كنت ساعتها قاعد فى روسيا و بعهالى راجل هندى اهم حاجة بلاش

لحسن انا بقيت عضمة كبيرة و مستحملش

صباح الفل ايمن باشا :)

معلش الواحد بيفوت حاجات كتير

بس فى حاجات كتير بتتقال ملهاش اى علاقه بالواقع وممكن ناس تصدقها

ولو سكتنا معناها ان الكلام صح واننا موافقين عليه

ماعلينا صباح الفل كمان مره :)

**M.Osman** · 15-07-2010 06:07 PM

يا ابني بطل شغل العيال دا

هو انا كل ما اكتب مشاركة الاقيك طالع لي كدا... ؟؟

انا حاسس انك مشغل الـgps و بتدور على المشاركات اللي بتتكلم على اللوجان

بالراحة بس على نفسك ..لأن في عربيات كتير احسن من "لوجي" ملاكها مبيعملوش كدا مع الآراء ... و في نفس الوقت في ناس كتير من ملاك "لوجي" ميبعملوش زيك كدا

ربنا يهديك يابني

**amr.elsayed** · 15-07-2010 06:47 PM

المشاركة الأصلية كتبت بواسطة m.osman

يا ابني بطل شغل العيال دا

هو انا كل ما اكتب مشاركة الاقيك طالع لي كدا... ؟؟

انا حاسس انك مشغل الـgps و بتدور على المشاركات اللي بتتكلم على اللوجان

بالراحة بس على نفسك ..لأن في عربيات كتير احسن من "لوجي" ملاكها مبيعملوش كدا مع الآراء ... و في نفس الوقت في ناس كتير من ملاك "لوجي" ميبعملوش زيك كدا

ربنا يهديك يابني

قول قول ... قول كمان ... واوعدك انى مش حزعل .. باين عليك فى مود سيئ الايام دى ... ربنا معاك

لا يسمح بمثل هذا الاسلوب فى الحوار على صفحات المنتدى
تم حصول كل منكم على " انذار " مع تخفيف عقوبة الوقف من اسبوع الى 3 ايام
مشرف 12 ب