مشكلة مع تيل الفرامل - أفيدونى

**TrickyAhmed85** · 13-07-2010 01:05 PM

صباح الفل على أحلى منتدى

أنا بقالى فتره كده من ساعت ما ركبت التيل الخلفى للجين 2 بره وانا بسمع صوت حفه كده وانا ماشى سلانسيه واحيانا بتبقى حفه جامده أوى

ياريت لو حد يعرف مكان كويس برا التوكيل أو ميكانيكى يكونو بيعرفو يركبو التيل مظبوط يبقى خدمنى أخر خدمة

**Mohamed.Kader** · 13-07-2010 01:21 PM

السلام عليكم
الحفة دي وأنت بدوس فرامل حتى لو خفيفة ولامن غير ما تدوس
لو من غير ما تدوس هتلاقي فرامل اليد عايزة تتهوا شوية
لو لما بتدوس فرامل ممكن يكون التيل ناعم بزيادة (سطحة بقى ذي الحديد كدا مفيهوش مسام خشنة دا وارد من المية اللي بتيجي على العجل) حلها بسيط الميكاميكي هيفكوا ويخدوا وش على حجر الجلخ علشان يخشن شوية وميمسك أحسن على الطنبورة ومتسمعش الصوت دا
وبخلاف دا كلوا لازم تراجع مستوى زيت الفرامل بعد كل تغيير تيل لان التيل الجديد بيكونلوا سمك أكبر من القديم المستخدم وبالتالي مشوار البستم اللي بيحرك التيل هيقصر ويترتب علية ذيادة مستوى الزيت في القربة بتاعتوا مثلا لو كان مظبوط قبل التغيير هتلاقية بعد بقى زيادة أوي الحكاية مش محتاجة واحد متخصص أوي لانها بدائيات جداا وميخدش أكتر من 15:20 جنية مع المراجعة الكاملة لل 4 عجلات

**TrickyAhmed85** · 13-07-2010 03:28 PM

شكرا على الرد يا أستاذ محمد

الحفه دى وانا طالع بالعربيه من غير ما أدوس فرامل

أنا سمعت ان التيل الخلفى محتاج عده مخصوص عشان يركب مظبوط الكلام ده صح ولا لأ ؟

وهل ينفع أشترى انا التيل وأروح لأمير وجوزيف يركبهولى ؟

أنا محتاج ضرورى ميكانيكى كويس يركبلى تيل لأن التيل قرب يخلص

**Mohamed.Kader** · 13-07-2010 09:47 PM

السلام عليكم
أنا مجربتش أروح لأمير وجوزيف بس أظنوا ينفع وغالبا هتلاقي وير فرامل اليد هوا اللي مشدود بزيادة وخلية يبصلك على الطنابير الخلفية بالمرة لأني اللي عندك دا مش طبيعي دا عندي تيل الخلفي تقريبا بيتغير كل 60 ألف