بم تفسر
لما ادي غيار أول والعربية تمشي وتتحرك لو ضغطت على الفرامل المتور مش بيقف والعربية بتهدي فقط مهما كانت قوة الضغطة ، لازم ادوس دبرياج علشان العربية تقف غير كده المتور يكون مكتوم شوية والعربية تفضل ماشية بهدوء
فهل ده طبيعي ؟
عرض للطباعة
بم تفسر
لما ادي غيار أول والعربية تمشي وتتحرك لو ضغطت على الفرامل المتور مش بيقف والعربية بتهدي فقط مهما كانت قوة الضغطة ، لازم ادوس دبرياج علشان العربية تقف غير كده المتور يكون مكتوم شوية والعربية تفضل ماشية بهدوء
فهل ده طبيعي ؟
this is normal.
الفرامل عندك ضعيفة جدا
MMamdouh
راجع على التيش والطنابير والمساتر ومستوى الزيت وياريت تستنزف الهواء من دورة الفرامل
و لكن لا تمشى على هذا الوضع لانة خطر
هي الفرامل على سرعات عالية بتكون كويسة وبتفرمل كويس والعجل بيقف والكاويتش بيطلع صوت
لكن المشي الهادي مش بيوقفها غير بالدبرياج
وبالاحظ ان الزيت اللي في خزنة الفرامل بيزيد وبيطلع بره العلبة بمعدل بسيط
فهل كده الماستر فيه حاجة ولا مسالة تغيير زيت وهواء ؟
انا كشفت على التيل وكان لسه فيه كتير
معلش اسمحلى... هو ليه دايما عربيتك بيحصل ليها حاجات عجيبة جدا بالشكل دة؟؟
انا اول مرة اسم عن عربية زيت الباكم فيها بيزيد بصراحة
MMamdouh
ده ممكن يكون عندك كتم فى دورة زيت الفرامل بتخلى الزيت يطلع.
طلع الهواء اللى موجود عندكاقتباس:
وبالاحظ ان الزيت اللي في خزنة الفرامل بيزيد وبيطلع بره العلبة بمعدل بسيط
فهل كده الماستر فيه حاجة ولا مسالة تغيير زيت وهواء
فى دايرة الفرامل أو دايرة هيدروليك الدبرياج
حاجه غريبه اوى الموضوع ده
اذن علبة زيت الباكم عند حضرتك كانت مليانه على الاخر لغاية الغطاء علشان كده زيت الباكم بيطرطش بره
بس ده 100% بيحصل لما بتغيير التيل ولا ايه
لو ما كنش كده خد هواء من الاربع عجلات وراجع على مواسيرهم من الانسدادات
وبرضه ماسورة الدبرياج
هي حاجة غريبة شوية بس أنا مش لاقي ميكانيكي كويس فاهم ويريحني
حكاية زيادة زيت الفرامل بدأ من 6 شهور قبلها غطاء الخزنة اتكسر وروحت غسلت العربية والمتور
فبعد فترة لقيت الفرامل ضعفت فلما شرحت للميكانيكي قال لي ان لو دخل مياه المياه هتتبخر ومش هتأثر في حاجة وجرب الفرامل كتير قالي السيرفو بايظ والماستر عايز يتغير ومش عارف حاجات صدعتني
قلت مش هاعملها
وخصوصا ضعف الفرامل بيظهر مع المشي البطيء وبصورة يمكن التعايش معاها
حاليا لما بيشوفها بيقول انها عايزة يوم كامل وبيصدعني وأنا مش فاضي خالص
فكنت بأسأل علشان اجبره يعمل حاجة معينة
وخصوصا انه مش عايز ياخد هوا مش عارف ايه السبب
والزيت كان كامل يوم ما غيرت التيل
معلش انت بصراحه اغرب من عربيتك- يعنى ايه مش فاضى - هو عيب لمبة اشاره ولا شكمان مخروم- دى فرامل يا ستاذ - حرام عليك ده احنا فى بلد المشى على الرجلين فيها بقى خطر وانت ماشى بفرامل مشكوك فى سلامتها؟؟
ده لو حكمت خدها لمركز صيانه محترم او حتى التوكيل - ما تزعلش بس عيوب العربيه كوم ودورة الفرامل دى لو حدها كوم تانى
هو الميكانيكى دة هو هو الميكانيكى اللى كان بيحاول يحل موضوع الطيران؟؟
لو الاجابة نعم يبقى الراجل دة حيوديك فى 60 داهية و لازم تروح تولع فيه فورا
طالما دخل مية على زيت الباكم لازم يتغير فورا... مفيش حاجة اسمها المية تتبخر من زيت الباكم... هو اساسا الزيت بيتغير عشان بمرور الزمن بيمتص المية من رطوبة الجو... يبقى لما يدخل علية ميه بشكل مباشر نطنش؟؟؟
المية درجة غلايانها 100 درجة فقط و مع استخدام الفرامل حتخللى الزيت يغلى و يطلع فقاقيع هوا جوة دورة الفرامل و الفرامل حتضعف جامد و ممكن متلاقيش فرامل فى اى لحظة
اللهم بلغت... اللهم فاشهد
MMamdouh
بعد اذن اخوانا في المنتدي عند الغسيل لايكون مياه فقط بل يوجد اما جاز او بنزين او فوم او اي نوع من المنظفات فانا اؤيد بشدة كلام الاستاذ محمد ممدوح في سرعة تغيير الزيت الباكم
ومحاولة تنظيف جميع المواسير والمساتر من الزيت القديم ولو ضحي بعلبتين زيت باكم لغسيل الدورة عن طريق وضعهم في الخزنة الرئيسية وتفريغهم من الاربع عجلات ومستر الدبرياج