لو ناس كلفوك تسألهم عن عريس متقدم لبنتهم ....!!!

**shaddadfalcon1** · 13-07-2010 04:09 PM

اعتقد لما الناس بتعرف انه نسب مش بيقولو الحقيقه ظنا منهم انهم كده هيبوظو الجوازه

**yse** · 13-07-2010 09:03 PM

بيتهيألي محدش هيقول الصح مية في المية

لأنك ممكن تقابل واحد صاحبه فيطلعلك بيه السما السابعة

أو تقابل وتحد كان بينه وبين العريس عداوة هينزلو في سابع الأرض

لكن المفروض في حاجات زي ديه الناس تمشي ورا قاعدة المستشـــــار مؤ تمـــــــــــــن

ويقول كل حاجة سواء كانت بالسلب ولا الإيجاب

**eng.octooo** · 13-07-2010 09:55 PM

طيب ماتتصل علية وتقولة ان اهل العروسة كلفوك تسأل عنة وانت حاسس انة زى اخوك ... واتقابلوا واقعدوا فى مكان ... واتكلموا مع بعض عادى فى الحياة و البلد والمشاكل والكورة وكل حاجة

على الاقل هايكون عندك تصور مبدئى عن الهالة المحيطة بية

ومن قعدتك معاة هاتعرف شوية حاجات عنة ..

**م.محمد علاء** · 13-07-2010 10:02 PM

المشاركة الأصلية كتبت بواسطة بحري

1- الأول مين الناس اللي كلفوك..درجة ثقتهم في تقييمك..مسامحتهم في احتمال أن تخطئ..النقاط دي مهمة جدا لأن الموضوع ده بيعمل حساسية عابرة للعقود الزمنية...منه لله فلان هو اللي دبسنا في الجوازة دي
2- يختلف الأمر باختلاف المناطق...لو مناطق مترابطة يبقى أحسن حاجة الواحد يسأل وسط جيرانه..لو مش مترابطة قوي بيكون كلام الجيران نوع من الاستئناس ليس إلا
3- معرفة أحوال أصدقائه والمقربين منه ومن يقضي معهم أغلب أوقاته
4- معرفة أحوال أقربائه وبالذات أبوه وأمه وأخوته وطبيعة العائلة وعاداتهم الاجتماعية
5- معرفة رأى زملائه في العمل
مع مراعاة عدم الانخداع بالظواهر
بالنسبة لمعايير التقييم فطبعا أمر الدين والالتزام به، تحمل المسؤولية، طريقة التعامل مع المشاكل (بتاع وجع دماغ ومحاضر وإجرام وللا له كبير يوقفه عند حده)
وفي البداية والنهاية الاستخارة الاستخارة الاستخارة

حضرتك حكااايه وحدوته فى أسلوب الحوار والإقناع..
قد آتاك الله الحكمه والله يا دكتور بحري..
ولو أمكن رقم تليفون حضرتك على الخاص...
لأستشارتك فى أمور الدنيا..

**م.محمد علاء** · 13-07-2010 10:08 PM

المشاركة الأصلية كتبت بواسطة eng.octooo

طيب ماتتصل علية وتقولة ان اهل العروسة كلفوك تسأل عنة وانت حاسس انة زى اخوك ... واتقابلوا واقعدوا فى مكان ... واتكلموا مع بعض عادى فى الحياة و البلد والمشاكل والكورة وكل حاجة

على الاقل هايكون عندك تصور مبدئى عن الهالة المحيطة بية

ومن قعدتك معاة هاتعرف شوية حاجات عنة ..

أوكتو...إزيك..يا رب تكون تمام..
المشروع تطوير جهاز التكييف االمنزلي...ردا على سؤالك..ولما أفهم الموضوع أوعدك حافيدك أكتر :)
أما عن تعليقك...فللأسف ما أكثر الناس اللي بتتكلم عن نفسهم بصوره جميله فى ...وهو ليس بذلك...
ولا تلومه..لأن الواحد لو متقدم لحد..أكيد حيسعي لأنه يداري كل ما هو سيء فى ماضيه...
ولكن..لأ ضرر من إنه يداري..بس السؤال..
هل ما يسعي الإنسان لأن يداريه..هل هو كبيير..بمعنى..مثلا واحد بيداري.إنه كان تاجر مخدرات..اللهم إحفظنا..
و الأخر بيداري إنه كان في صغره..بياكل من برطمان المربى من ورا أهله..
طبعا ده مثال..
السؤال على الشخص..من خلال معرفة أصحااااابه..
و بصفتى شاب و عندي 24...
يحكم على أخلاق المرء من أصحااابه...
ثم أصحااابه.....
و روتيين حياته اليوميه..
وفى النهايه..
محدش بياخد أكتر من نصيبه فى الدنيا..
و إن كانت الإستخاره كما أكد الدكتور بحري..
هي أكتر مااايريييح فى مثل هذه الأمورر

**aymanmaly** · 13-07-2010 10:15 PM

بص يا اخى مع خبرة الحياة
مافيش حاجة اسمها سؤال الشغل و سؤال الجيران
لان المعلومة الى هاتجبها 90 % مغلوطة
لان احنا فى مصر بنحب نخدم يأما بالخير يأما بالشر و الكل عارف كل حاجة
يعنى سائق المقاولون العرب الكل فى العمل و الجيران قالوا ابن حلال و محترم و شوف موت كام واحد
يبقى الحل هو قراءة فتحة و الجلوس معاة اكثر من مرة و حاول تعصبة مرة لان الانسان فى العصبية بيظهر على حقيقتة
و فى الاخر ربنا لما بيريد كل شىء بيمشى بدون اى مشاكل
ملخص الموضوع لا تحكم على شخص الا لما تعاشرة و تشوفة فى اكثر من موقف
و بالتوفيق