على فكرة اللى بيفتى اعتقد انه انت
لان شفت تصميمه كتير
والموضوع منتشر فى احياء زى الدقى والمهندسين
عرض للطباعة
الدوبلكس شقتين مفتوحين راسي مع بعض فيها كل المستويات
ممكن تبقي دوبلكس الدور الواحد 300 متر ......وده في بعض الاحيان يعادل مسطح فيلا
كل اللي فيها انها بتبقي حاجه وسط بين انها عماره وفيلا ...وسعرها وسط بين الاتنين
.........
بالنسبه لللاخ اللي بيفتي انه مينفعش سلالم معدن وخشب ...هو عمره ما دخل محلات دورين وطلع علي سلالمها قبل كده ولا ايه
ولو اشتريت شقتين فوق بعض حتفتح سلم ما بينهم ومنفعش يبصب خرسانه حيطلعو الدور التاني ازاي ....حيتسلقو حبال
أنا عندي دوبلكس في التجمع الخامس .. لسه محارة ، مسكنتش فيه ، طبعاً هو مش فيلا
الشايع بيكون بدروم + أرضي + جنينة أو دور أخير + روف
سعر الدوبلكس الأرضي عامة بيكون أقل من الدوبلكس ألي واخد الروف ... و ساعات مساحه الجنينة بتفرق
طيب و الله دي كويسة و سعرها حلو
بس مش المهم هي فيلا و لا لا المهم انها سكن منفصل
طيب يا جماعة هو الدور الأرضي أو البدروم ده ملوش فتحات تهويه أو شبابيك ؟
وهل في دوبليكس دور أول مرتفع ودور تاني مع الجنينة طبعا والحركات دي ؟
أصل لما واحد يكون عامل اعلان دوبليكس 400 م في ارقى مكان في التجمع وفي فيللا مش في عماره وحديقة 220 م وحمام سباحة كبير وجراج خاص و كل ده بـ 800 ألف يبقى الموضوع ملفت للنظر
مازلت مش قادر اقتنع برده ليه سعره رخيص عن الشقق ؟
ده المتر في اي ماكن راقي في التجمع بيقرب من 3000 جنيه إزاي بقى كل الحركات دي بـ 800 ألف بس أكيد في انه !
في التجمع الجهاز بيشترط وجود جراج بكل فيلا فالملاك بيبقوا عاوزين يستفيدوا من البدروم اللي مترخصله جراج (اوقات بيترخص خدمات زي الجيم) منهم بيقسم البدروم نصين نص جراج و طبعا بيتباع حصته لوحده و نص اخر بيضيفه على شقة الدور الارضي و يعمله فيلا و في ناس بتعمل البدروم كله مع الارضي فيلا. نفس الكلام بالنسبة للروف هو بياخد ترخيص غرف خدمات و طبعا عشان يكسب يقوم فاتحها على الدور الاخير و يعمله فيلا.
بخصوص السلم مابتفتحش الا بعد المعاينة الاخيرة و مطابقة الجهاز
بالنسبة للاسعار سعر المتر في البدروم بيبقى عادة في حدود نصف سعر المتر فوق
فمثلا لو الشقة اللي بتقول عليها 400 متر عبارة عن 200 بدروم و 200 دور اول يبقى المتر في الاول بـ 2666 وفي البدروم 1333 جنيه و ده يعتبر سعر عادي ممكن تلاقي ارخص منه و فيه اغلى منه حسب الموقع (مش لقطة قوي).
ففكر كويس وخد وقتك
و ربنا يكرمك ان شاء الله
لايمكن يكون السعر الي حضرتك كاتبه ده للمواصفات دي
شوف حضرتك انا ليا تجربة في الموضوع ده
السنة الي فاتت كنت بشتري شقة في التجمع الخامس وكنت حاصر البحث في مناطق الفيلات الي هي مكونة من ارضي منخفض واول وتاني وروف وطبعا كنت عاوز الشقة الي في الدور الاول وماكانش في دماغي موضوع الدوبلكس ده وبيني وبينكم ماكنتش اعرفه اصلا.
المهم من خلال البحث استقريت على منطقة اسمها الياسمين 8 (فيلات) وركزت فيها واستقريت كمان على فيلا معينة المهم ساعة التنفيذ مش عارف ايه الي حصل لقيت نفسي شفت اعلان على فيلا مكتوب عليه فيلا دوبلكس متشطبة للبيع وفجأة لقيتني جوة الفيلا دي وبتفرج على الدوبلكس بصراحة الفيلا الدوبلكس دي بالجنينة بتاعتها حاسيت وانا داخل من برة اني داخل قصر والجنينة جميلة جدا
بس طبعا ما اخدتهاش علشان انا مش عاوز حاجة متشطبة.
تاني يوم رحت الشركة الي بشتري منها علشان خلاص البيعة تتم لقيتهم في فيلا دوبلكس المهم فحصتها تاني وعند الاجتماع مع المبيعات بتاعتهم لقيت الشقة الي في الدور الاول الي انا عاوزها ب 485 الف جم والدوبلكس في نفس الفيلا بالجنينة 620 الف جم
بصراحة اخدت الدوبلكس والحمدلله
حكاية ان السعلر قليل فده بيكون لانه مش ممكن طبعا هيبيع فوق الارضي بنفس سعر المرتفع فبتلاقيه بيبيعه بنص السعر يعني مش لازم السعر يتضرب في اتنين زي ما اغلب الناس متخيلة
وبعدين كمان هو مش بدروم بالظبط لأن الدور الارضي اصلا مش ارضي ده بيكون ارضي مرتفع والمنخفض (البدروم)بيكون نصه فوق مستوى الشارع.وعلى فكرة فيه شبابيك من كل الجوانب.
وكمان بتاخد عليهم الجنينة .
السلم بيتفتح عادي جدا بين الدورين وشفت كتير متشطب على الاساس ده.
في عروض كتير في السوق دلوقت عن الدوبلكس والي بتلاقي سعره قليل عن غيره بيكون في مناطق او منطقة لسة قدامها خمس سنين علشان تخلص وتعمر
سعر ال3000 جم الي في المداخلة الي فوق في المناطق الراقية (مع تحفظي على كلمة راقية لان التجمع نقدر نقسمه المناطق الي بانت معالمها والمناطق الي لسة تحت البناء) سعر طبيعي جدا لكن في المناطق الي لسة بتتبني بيكون اقل من كده
اسف على المداخلة الطويلة دي وارجو اني اكون قدرت اكتب الي في دماغي