تغير الزيت

**osamaesm** · 24-02-2008 11:35 AM

لو سمحتو حد يفيدني
انا حديث العهد بالسيارات لسه جايب اكسنت مو 2001
واول مجبتها عملت فيها الاتي
1 - تغير كل السيور
2- تغير كل الفلاتر
3- تغير التيل
4 - غسيل الريداتير وتغير المياه وحطيت مياه خضراء
5- بعد كده كاوتش وجنوط
6 - لاقيت رجه وانا بفرمل غير الطنابير والتيل تاني
وغير زيت وحطيت موبيل xhp اللي بيقعد 3000 كم
المهم وانا في البنزينه الراجل بتاع الزيت قالي ليه مش بتحط موبيل 1 10000 كم وقعد يعدلي مزاياه بس لما سئلت الميكانيكي قالي لاء مش كويس احسن حاجه ال xhp فقلت ماشي المهم بعد كده انا قربتاخلص ال 3000 كم ناس كتير بتقولي حط شل احسن الي بيمشي 3000 فمش عارف اعمل ايه
ولو هاغير الي شل اغير الفلتر وانا لسه مغيرمن مفيش 3000 كم وانهي احسن وقت لتغير الفلتر كل 10000 كم او امتر او اقل
وشكرا لكل الناس

**Ahmad Allawy** · 24-02-2008 02:23 PM

في موضوع عن الزيوت في المنتدي العام..
اقراه الاول وبعدين ابقي فكر هتغير زيت ليه.. وهتجيب نوعه ايه..
وهتغيره كل قد ايه..

**osamaesm** · 24-02-2008 02:31 PM

شكرا لردك الناشف
بس انا شوفت حجات كتير اوي بس معرفتش اوصل لحاجه
osama

**zeyad1810** · 24-02-2008 05:10 PM

انا كنت بحط بردة موبيل 5000 واخر مرة قولت لما اجرب شيل 5000 كيلو
بس بصراحة مش هاقدر احكم علية دلوقتى لانى مشيت بية 1000 كيلو بس

فانا هقولك على حاجة حلوة جرب شيل المرة الجاي وشوف هتحس بتحسن فى اداء العربية ولا اية

**ahmedsrs** · 24-02-2008 06:53 PM

حط شل فى العبوة الصفراء احسن من موبيل وبيدى لغاية 3000 كيلو وغير معاه الفلتر

**Ahmad Allawy** · 25-02-2008 07:21 AM

أولا انا باعتذر علي الرد الناشف.. :-)
ثانيا.. انا عارف الموضوع ده من زمان..
وكنت باعمله بس مش قوي كده لسبب واحد بس.. اني ممكن ماعملش بالعربية الا 5000 كيلو بس في السنة..انا استهلاكي قليل شويتين,,
بس اللي كان قايلي علي الموضوع ده بيعمل الموضوع ده في عربيته وهي لانسر مودل 2007 وزي الفل ما شاء الله وبيكشف عليها دوري في التوكيل بسمش بيغير زيت هناك..
وكل فترة بياخد عينة زيت يحللها وكله تمام..والمدير بتاعه بقاله سنين بيعمل الموضوع ده في عربية فيكترا وبيغير زيت علي 20 الف كيلو ب يكون زيتنضيف.. يعني ميكونش التعاون ولا مصر للبترول..
انت ممكن تعمل الموضوع ده وانت مطنت لو مشيك بالعربية كتير.. لكن لو مشي قليل يبقي تغير زيت كل 6 شهور وخلاص ومش مهم تجيب زيت غالي قوي اللي بيقولوا بيعمل مسافة كبيرة..
بس المهم زي ما قولتلك مش التعاون ولا مصر للبترول عشان اوقات ممكن يقي في مشكلة جوده كعادة المصريين.. يضيع فيها موتور عربيتك..

**osamaesm** · 27-02-2008 12:22 PM

شكرا للمساعده
اناغيرت امبارح زيت وحطيت شل ال 3000 وغيرت معاه الفلتر
osama

**eng_mkhalaf** · 27-02-2008 03:26 PM

المشاركة الأصلية كتبت بواسطة osamaesm

شكرا للمساعده
اناغيرت امبارح زيت وحطيت شل ال 3000 وغيرت معاه الفلتر
osama

وإية الأخبار - فى فرق ولا لاة

**osamaesm** · 27-02-2008 03:29 PM

مش هكدب عليك انا مش شايف فرق
ممكن عشان انا مش خبير او لسه انا ننشيتش اكتر من 70 او 80 كيلو بالكتير
osama

**Eng_Nissan** · 28-02-2008 09:33 PM

بص مش هتفرق كتير اوى من شل او موبيل 3000 على فكره .
اما بالنسبه لموضوع موبيل 1 وانه بيعد 10000 ك فانت عشان تحافظ على محركك بتغيره قبل المسافه دي يعني يتغير بالكتير على 9 الاف ك ده بالكتير .
اما تغيير الفلتر فده مش هتفرق برضه كتير ومش محتاج انك تغيره لو هتغير ماركة الزيت .

الموضوع: تغير الزيت

LinkBack

أدوات الموضوع

عرض

-

-

-

-

المواضيع المتشابهه

تغير الزيت

تغير الزيت

استشارة في تغير الزيت

سؤال عن تغير الزيت

تغير الزيت

الكلمات الدلالية لهذا الموضوع

المفضلات

المفضلات

ضوابط المشاركة