ميرسي يا بسكوتة عاملة ايه ... المدام بتقولك وحشتينا اوي اوي اوي
ميرسي يا بسكوتة عاملة ايه ... المدام بتقولك وحشتينا اوي اوي اوي
شباب ...
أنا استهلاك البنزين في المتوسط تقريبا 175 ك في الصفيحة ...
أغلب المشي على الطريق الدائري بين المعادي وأبو رواش ... والسرعة بتكون من 80 لــ 100 فهل الاستهلاك ده معقول ...
السيارة صني 2010 أوتوماتيك وعاملة عشرة ألاف وكسور ...
على فكرة القراءة ده متكررة بفروقات بسيطة ...
مش كدا دا اثبات ان التوكيل داه توكيل محترم
يجماعة الى غير الضفيرة العيب بيرجع تانى ولا لأ
شكرا لسيادتك علي المجهود المميز
أنا مش بكتب كتير في المنتدي بس مشترك معاكم من فترة كبيرة
عربيتي صني ex 2009
بعد ما أعمل صيانة ال40000 حشوف أخبار العربية أيه و أتشرف بالكتابة لك عما إذا كان الأستهلاك أتحسن ولا لأ
حضرتك ليه بتسأل السؤال ده ؟؟؟؟؟؟ يا جماعة في حاجه وصله ليكم غلط جدا جدا جدا جدا
يا جماعة مقياس و تحديد استهلاك البنزين مش جوا البلد خالص خالص خالص .. حضرتك لازم تاخد العربية بره البلد و تفول و تمشي بيها 200 كيلو . سفر مثلا و بعدين تفول تاني و تشوف عملت كام كيلو مع اخر تفويلة لكن يا حبايبي الاستهلاك جوا البلد متفاوت جدا جدا جدا بسبب الوقوف المروري الكتير و التكييف اللي شغال و كمان الطلوع علي الاول بياكل بنزين في الاوتوماتيك . فالمقياس بيكون الاستهلاك بره البلد
احنا اللي هيكون لينا الشرف الكبير يا استاذ حسام لما تكتب لينا كل اخبار عربيتك و استهلاكها و هنستني تقريرك بتاع صيانة 40000 و شكرا علي مرورك
دلوقتي انا مش عارف ايه حكاية جوة البلد وبرة البلد مش عارف احسبها بصراحة بس انا هاقول على اللي حصل معايا انا استلمت العربية عاملة 50 كيلو وانا عامل حاليا 850 ومونت من يوم ما استلمت 100 لتر تقريبا يعني ال800 كيلو استهلكوا 100 لتر حسبتهم تقريبا 160 كيلو في الصفيحة بالتكييف وجوة البلد وكان في 300 كيلو سفر في النص
ايه الأخبار كدة يا ريت حد يرد عليا بسرعة عشان عايز احجز صيانة الالف يوم السبت أو الاحد لو في حاجة اقولهم عليها؟؟؟؟؟؟؟؟؟؟؟؟؟؟
اخى الكريم
اولا مبروك استلام العربية , وربنا يعطيك خيرها ويكفيك شرها
متقدرش تحكم على متوسط استهلاك البنزين ابدا فى الفترة الاولى فى صيانة الالف وكمان لغاية ال5000 الاف , بعد كدا تقدر تحكم وتعرف عربيتك اذا كانت بتسحب بنزين ولالا
وفى حاجة كمان
احنا بنقول يعنى يه جوة البلد وبره البلد
جوة البلد بيكون فى زحمة وبتقف كتير السيارة وفى اشارات , ومع الزحمة وحتى مش مشغل المكيف بتسحب بنزين كتير , ولما كمان بيكون فى زحمة ومشغل المكيف بيكون فى استهلاك اكتررررررررررر ,
فعشان كدا بنقول اطلع على طريق طوالى ومفتوح ويفضل طريق سفر , وفول السيارة واحسب قياسات البنزين على استهلاك البنزين قد ايه معاك
وساعتها تقدر تحكم كويس وتاخد النتيجة
تقبل تحياتى