بطارية ولا مارش ...ارجوكوا فهمونى !

السلام عليكم
انا حاجة بتحصل فى عربيتى يا وحوش و محتاج راى فنى من الخبراء فى السيارات

العربية عاملة دلوقتى 86 الف
الموضوع انها سعات مش بتدور ...اجى ادور اسمع صوت عن عننن عننن و متدورش... تعد تعمل كده لحد ما تفصل خالص و الاقى كمبيوتر العربية اتعمله ريست و الساعة كمان و الكاسيت بردو
بس مع ملاحظة ان لما بتعمل كده ممكن انور النور و الكلاكس شغال كمان ببص على البطارية فيها حاجة زى اللمبة بتبقى خضرا

الموضوع بقاله شهر تقريبا بيتكرر كل كام يوم و بتدور بالزق

انا عايز اعرف ده بطارية (وده يبقى طبيعى اعتقد لأن بقالها معايا سنتين )
ولا مارش ؟ و لو فى حاجة ممكن اعملها عشان اتأكد

عشان لو بطارية مش هروح التوكيل ...هشترى بطارية و خلاص

شكررررررا

أعتقد بنسبة كبيرة جدا البطارية

روح التوكيل ولو قال بطاريه ابقا اشترى حضرتك لسه فى الضمان والبطريه مضمونه بس معرفش لمدة كام كيلو او وقت

هى البطاريه نوعها ايه؟

اقتباس:

---

و الاقى كمبيوتر العربية اتعمله ريست و الساعة كمان و الكاسيت بردو

---

اتأكد كدة ان كابلات البطارية واصلة بشكل جيد .... لان الحركات دى زى ما يكون البطارية اتفصلت واتوصلت تانى

اقتباس:

---

المشاركة الأصلية كتبت بواسطة mohamed_selim

هى البطاريه نوعها ايه؟

---

بطارية الفابريكة
انا عربيتى رومانى

اقتباس:

---

المشاركة الأصلية كتبت بواسطة ringoo

اتأكد كدة ان كابلات البطارية واصلة بشكل جيد .... لان الحركات دى زى ما يكون البطارية اتفصلت واتوصلت تانى

---

كله يا باشا واصل تمام التمام

طيب جافه ولا سايله؟
المهم ساعات البطاريه بتموت بس الكلاكس و النور يفضلو شغالين ... مره عملتها معايا و علشان فى كلاكس و نور جبت ميكانيكى و مجرد ما داس كلاكس قالى يا بيه دى بطاريه .. قولتلو و الكلاكس اللى شغال .. قالى صوته باين مش طبيعى و فعلا طلعت بطاريه

متابعة باهتمام واعتقد برضه انها فعلا بطارية

اكيد بطاريه
وحاول تحل الموضوع بسرعه عشان كتر التدوير على الفاضى هيأثر على المارش كمان

بطاريه يا بشمهندس عمرو لو المارش هواللى فيه المشكله مكنتش هتسمع صوت الزن خالص
ممكن عشان تتاكد تروح لكهربائى يقيسهالك انما طالما العربيه بتدور حتى بالزق يبقى المارش سليم فمتقرصش عليه عشان ميبوظش

ماشى ياوحوش ...ممكن اروح اقيسها و نشوف ...و ياريت نسمع بردو اراء باقى الوحوش

الموضوع دا كان بيحصل معايا.. وطلع بطارية ولما غيرتها انتهى الموضوع دا
قيس البطارية الأول..

انا روحت اقيس البطارية يا وحوش و طلع العيب منها فعلا
دلوقتى ارجوكى شورى عليا اشترى بطارية ماركة ايه

حد سمع عن نوع اسمه alpha line كورى ؟ او انتو ترشحو ايه غير الفارتا لأنها غالية شوية

البطارية........ غيرها أحســـــــــــن

بتشتغل تقريبا فى غلب العربيات ...... 3 سنين .. أو .... 50 الف كم

اقتباس:

---

المشاركة الأصلية كتبت بواسطة amr123

انا روحت اقيس البطارية يا وحوش و طلع العيب منها فعلا
دلوقتى ارجوكى شورى عليا اشترى بطارية ماركة ايه

حد سمع عن نوع اسمه alpha line كورى ؟ او انتو ترشحو ايه غير الفارتا لأنها غالية شوية

---

بكام يا عمرو الفا لين ؟؟

مش لازم الفاراتا اللوجان مش كلها كهرباء

لو هاتجيب كوري هات ارخص واحدة
لاني حسب مافهمت من بتوع البطاريات ان كل الانواع الكوري اللي في السوق هي بطارية واحدة بس كل مستورد بينزلها باسم مختلف علشان يبقى وكيل..

Acdelco نوع نضيف و شغال معايا زى الفل

انا كان معايا فى العربية القديمة كلورابد جافة و قعدت 3سنين و بعت العربية و هى شغالة

اقتباس:

---

المشاركة الأصلية كتبت بواسطة أبو أدم

بكام يا عمرو الفا لين ؟؟

مش لازم الفاراتا اللوجان مش كلها كهرباء

---

410 يابشا
و acdelico تقريبا ب 375
و فى عند غطاطى نوع كوري اسمه شيتو ده ب 325

خليك فى كولورايد

اقتباس:

---

المشاركة الأصلية كتبت بواسطة bishoy02010

خليك فى كولورايد

---

:S_thum1[1]:

اعتقد خليك في موديلين
النسر-فارتا
ACdelco
دول انا مجربهم في عربيتين وعاوز اقولك ان النسر فارتا قعدت 60.000 ك وبعت العربية بيها واللي اشتراها مغيرهاش لحد دلوقتي وبيقولي انها زي الفل
والنوع التاني انا جايبه في عربيتي دلوقتي بقاله معايا اكتر من 15.000 كيلو وشغال كويس
وربنا معاك

ال ايه سى ديلكو كويسه جدا وبتعمر اوى

متشكرين يا وحوش على كل الردود و المساعدة ...انا عموما اشتريت من يومين Alpha Line
عشان اتزنقت و دى كان الى جنبى فى اكتوبر و الراجل مدينى عليها ضمان سنة و كشف مجانى كل شهر على الشحن
ربنا يسهل و تبقى كويسة انشاء الله