عرض للطباعة
في ناس بتعتبر انو حرام تقول السعر ال باعت او اشترت بيه عربيه مستعمله
ولما تسالو يعمل نفسو مش شايف السؤال :H_angry[1]:
عاوز اعرف ايه السبب ؟
خايف من الحسد لما يقول علي الفلوس
طب ما ممكن حد يحسدو علي انو اشتري عربيه اصلا :khd:
لو حد عندو تفسير مقنع يقولي
ده مش فى العربيات بس ... الشقق التمليك برضه كده
فى الشقق بيبالغوا فى السعر سواء اللى اشتروا أو اللى باعوا
متابع باهتمام
كنت اعرف واحد شبه كدة بس ده كان بيقول سعر اعلى من اللى دفعه او اقل لما يبيع.تقريبا كانت نظريته انه كدة كدة هيبيع تانى فلازم يقول سعر اعلى.ولو اشترى رخيص يبقى ناصح.
وفى اللى مبيقولش خالص ويقول فارقة ايه ما انا اشتريت ليه الناس تعرف
اقتباس:
ده مش فى العربيات بس ... الشقق التمليك برضه كده
فى الشقق بيبالغوا فى السعر سواء اللى اشتروا أو اللى باعوا
طب بيستفاد ايه منظره يعني؟
ناصح اوي الراجل دا :C_laugh[1]::C_laugh[1]::C_laugh[1]:اقتباس:
كنت اعرف واحد شبه كدة بس ده كان بيقول سعر اعلى من اللى دفعه او اقل لما يبيع.تقريبا كانت نظريته انه كدة كدة هيبيع تانى فلازم يقول سعر اعلى.ولو اشترى رخيص يبقى ناصح.
اقتباس:
وفى اللى مبيقولش خالص ويقول فارقة ايه ما انا اشتريت ليه الناس تعرف
الناس تعرف علشان لما تيجي تشتري تبقي عارفه السعر الحقيقي ال بيتنفذ بيه البيع و الشرا
لان اسعار العرض غير الاسعار ال بيتنفذ بيها البيع فعلا
فكرتني بموقف حصلي زمان و كنت مستغرب منه جدا
كان عندنا عربية و كنا ناويين نبيعها , و لقيت إعلان نازل في الأهرام ( قبل مالوسيط يكتسحه في إعلانات العربيات ) عن عربية بنفس مواصفات عربيتنا بالظبط اللي عايزين نبيعها
بس الراجل مكانش كاتب السعر في الإعلان فقلت أكلمه أسأله , رد علي بأن العربية إتباعت خلاص , ولما سألته ممكن أعرف حضرتك بعتها بكام , قعد يتوه بأي كلام عشان ميقولش السعر
ولما قلتله أصلي عندي عربية زيها و عايز أعرف سعرها كام قام قفل السكة في وشي!!
غريبه الناس دي والله بس ليه يعني مش بقولو مش فاهم؟!!!!!
لو حد سألك انت مرتبك كام هاتقله ؟
معظم الناس ما بتحبش تتكلم عن الفلوس علشان الحسد غالبا
لا المرتب حاجه تانية خالصاقتباس:
المشاركة الأصلية كتبت بواسطة newuser2009
العربية زي اي جهاز عندك في البيت إيه المشكلة لما يقولوا على السعر اللي إتباعت بيه
بس بجد الخوف من الحسد بقت حاجه مستفزة و بترجعنا لورا
بقى اي حاجه تحصل للعربية يقولك عين
و حتى على مستوى الحياه العادي الواد مش لاقي شغل دي عين
الواد جاب مجموع وحش في الثانوية دي عين
و أغلب الناس كده
احنا كان عندنا قطعة ارض بيعنها و كنت انا المفوض بالعملية دى
و بعد ما بيعتها رقم التليفون كان مكتوب عليها و كانت الناس بتتصل بيا و لما اقولة اتباعت كان يسئلنى بكام ؟ فكنت مش بقول لحد انا بعت بكام
بس انا عندى سبب مقنع جدااا انك لو قلت انك مثلا بعت ب100 اللى بيكلمك هيحسسك انة كان هيشتريها ب 150 مش 100 و يحسسك بالندم لانك بعت لحد غير و هيخليك متضايق و مش طايق نفسك عشان كدا وعن تجربة فضلت الصمت
انا باحترم اللي بيكتب السعر في اعلان عربياته في الجرايد والنت
انا ليا ىزميل كان داوشنى تمني العربية وعايزة ابيعها وكدة وكنت بفيدة فى الموضوع ده
ولما باعها سالتو بعتها بكام
قالي بنصيبها
الا يعمل كام جنية مصري نصيبها ده
الحقيقة فيه حاجة تغيظ في المصريين عموما وهي العلم ببواطن الأمور ... كل الأمور... ودائما هذا العلم يأتي على صورة "بيقولوا" .... أو "بيقولك"....
تييجي تشتري عربية مثلا تلاقي اللي بيسألك.. بكام؟ تقوم تقوله... بكذا .. تلاقيه على طول يقولك ليه ده بيقولوا العربيات رخصت.
تيجي تبيع يسألك نفس الشخص ... بعت بكام ... تقولة بكذا.... يقولك يا راجل... ده بيقولوا العربيات غليت.
المهم إنه لازم يطلعك عبيط أو ما بتفهمش أو انضحك عليك وخلاص..... والدليل... "بيقولوا"
فأأمن حاجة إنك يا إما تكذب يا إما تداري وتتوه في الكلام يا إما هيتحرق دمك
انا مرة كنت باتصل بواحد عارض عربية عشان اشتري عربيته
فقال لي "اتباعت خلاص"ـ
فقلت اسأله باعها بكام , عشان اعرف العربية بتتباع في السوق بكام بالظبط
قال لي بالنص في استهزاء و تهكم : "ايه اللي بعتها بكام ؟ يهمك ايه يا اخي بعتها بكام؟" , و قفل السكة !!!!
:@
اقتباس:
المشاركة الأصلية كتبت بواسطة د.أبونضال
ههههههههههههههههههههههههه ههههههههههههههههههههه:verygoo d::verygood::satelite:
إنت ممكن تفهمه بهدوء سبب السؤال
يعني مثلا..طيب ربنا يباركلك في مالك وينفعك به..أنا لسه بادور..هل حضرتك ممكن تفيدني بالسعر الواقعي للعربية..يعني حضرتك بعتها بكام مثلا....
أو أي كلام من هذا القبيل..لو تعاون خير وبركة ولو مش عاوز يتعاون فلا داعي للومه وهو مش ملزم أصلا يقول...ولكنه المفروض يكون فاهم إن البيع والشراء والمعاملات ساقية ودايرة وكده كده هيتحط في الموقف ده
بصفة عامة إحنا كمصريين عندنا شوية بخل في موضوع الإفادة بالتجارب وهتلاقي على النت في كل المجالات مواقع للأجانب بتتكلم عن tips مفيدة في كل المجالات..كل واحد خاض تجربة بيدخل يكتبها للإفادة لإنه عارف إنه في يوم من الأيام هيحتاج لفائدة من تجربة مر بها غيره...يعني تبادل منفعة ليس إلا
السبب بسيط جدا
ناس كتير مش بتحب تقول اشترت او باعت بكام علشان فى ناس بعد ما تعرف سعر البيع بيقولوا "قليل قوى , اضحك عليك, خساره , مقلتش ليه دا انا عندى واحد كان هيدفع اكتر و ........"
و فالشراء "غاليه قوى, فيه زيها بالظبط و احسن كمان و ارخص من كده ,.........." و هكذا
دى الخلاصة :verygood:اقتباس:
المشاركة الأصلية كتبت بواسطة د.أبونضال
فى ناس هتطلعك غلطان وهتقولك اضحك عليك
كل واحد ودماغه ...
واحد مقتنع انه هيتحسد وربنا مش هيبارك له فى الفلوس
واحد بيفكر فى عمليه البيع بعد كدا
واحد بيفكر فى الناس اللى حواليه
وواحد
وواحد
وواحد
وهكذا ....