مشاكل الc230 موديل 2010...!!!

**Hany Saad** · 13-07-2010 11:43 PM

إزيكم يا أحلى رجالة المرسيدس....أنا من قسم الرينو و ماليش فى المرسيدس كتير لكن فيه واحد صاحبى معاه c230 موديل 2010 blue efficiency العربية عاملة أقل من 5000 كم....لقيته بيقولى إنه سمع أصوات هبد فى الشمال و بعت السواق للتوكيل فغيروله المساعدين الشمال ورا و قدام ؟؟؟؟!!!! طبعا أنا إستغربت لأن معلوماتى إن المساعدين بيتغيروا بالجوز يا قدام يا ورا مش شمال و يمين....ثانيا إزاى مساعدين مرسيدس تبوظ فى أقل من 5000 كم ؟؟؟

ثانيا العربية لونها رمادى غامق و الفرش جلد رمادى فاتح.....لقيت ظهر كرسى السواق ظاهر فيه لون أصفر غريب!!!!

لما كلم التوكيل طبعا كالمعتاد المهندس بيقول دى أول مرة أشوف حاجة زى كده.......

ثالثا أنا مستعجب إزاى مرسيدس بكل التكنولوجيا دى و مفهاش مكن رفع زجاج لما أقفل من الريموت؟؟؟

رابعا و أنا سايق على الأول و التانى خصوصا بسمع صوت زى دخول هواء فى نفق بس صوته عالى شوية و مسموع....هل يا ترى ده صوت التربو؟؟؟

أرجو من رجالة المرسيدس المساعدة و مشاركة الخبرة...و مشكورين مقدما......

**Hany Saad** · 14-07-2010 10:15 AM

المشاركة الأصلية كتبت بواسطة som3aa

مش هقدر افيد حضرتك بصراحة بس ايه الc230 دى؟ غالبا حضرتك تقصد 250 يا اما 300 او 280 او 200 او 180
عادى اى عربية فى العالم لو بوجاتى تغير قطعة فى الضمان على 5000 كيلو بس تبقى حالة فردية و نادرة.

أنا أسف على عدم الدقة فى المعلومة....هى فعلا c250 إليجانس تجميع محلى.....يا ريت لو حد عنده أى أخبار عنها أو لو فيها مشاكل معروفة يفدنى و له جزيل الشكر.....

طبعا ممكن جدا أى عربية فى العالم تغير قطعة تحت الضمان على 5000 كم أنا متفق مع حضرتك....لكن أنا بدفع أكتر و بختار مرسيدس مش علشان أسم لأ ....علشان الناس دى بتعمل كوالتى كنترول و إختبارات شاقة لأغلب القطع المتركبة....

لو بنتكلم على مكون إلكترونى أو كهرباء بيكون إختباره و التأكد منه صعب شوية....لكن لو شىء ميكانيكى سهل زى المساعدين أعتقد إختبارهم و التأكد من جودتهم شىء سهل.....

عامة كل ما دفعت أكتر فى السيارة و إختر ت ماركة عريقة زى مرسيدس بتوقع إعتمادية أعلى لقطع الغيار عن أى عربية أخرى.....

الغريب إن فيه مشكلتين ظهروا مع بعض....المساعدين و تغير لون الفرش الجلد....هل يا ترى التقفيل المصرى إبتدى يطل بوجهه القبيح....؟؟؟؟؟!!!!!!!

**Hany Saad** · 14-07-2010 02:04 PM

أنا عامة لا أنصح بالتقفيل المصرى و خصوصا كلما زاد ثمن العربية.....و لكن مش عارف إيه أخبار الماركات العريقة زى البى إم دبليو و المرسيدس من ناحية التقفيل المصرى؟؟؟

**Batman372** · 14-07-2010 10:26 PM

انا معايا c200 مو 2009 و حتى الان زى الساعه.
بالنسبه لحاله حضرتك ده نسبه حدوثه قليله جدا .
على كل حال ما هو الضمان معمول علشان كدا .
و بعد تغيير المساعدين - كله تمام ؟؟ يبقى خلاص كانه لم يكن .

.... بالنسبه للصوت طبيعى.
.... بالنسبه لغلق الزجاج و الفتحه بالريموت - وجهه ناحيه باب السائق لان الخاصيه دى بالinfra red ..

**Hany Saad** · 14-07-2010 11:03 PM

المشاركة الأصلية كتبت بواسطة batman372

انا معايا c200 مو 2009 و حتى الان زى الساعه.
بالنسبه لحاله حضرتك ده نسبه حدوثه قليله جدا .
على كل حال ما هو الضمان معمول علشان كدا .
و بعد تغيير المساعدين - كله تمام ؟؟ يبقى خلاص كانه لم يكن .

.... بالنسبه للصوت طبيعى.
.... بالنسبه لغلق الزجاج و الفتحه بالريموت - وجهه ناحيه باب السائق لان الخاصيه دى بالinfra red ..

حضرتك كده طمنتنى....هل برده عربيتك تجميع مصرى؟

أنا معاك طبعا إن كله إتعمل فى الضمان من غير و لا كلمه و العربية تمام دلوقتى....لكن هى بس حبة إستغراب...هل يا ترى ده كواليتى مرسيدس؟؟!! عملاق صناعة السيارات... و فى مساعدين مش فى كارته إلكترونية مثلا....يعنى تقدر تقول إحساس بالإحباط لما تنقى أعلى شركة فى هندسة السيارات و الكواليتى كونترول فى ألمانيا...دى رمز الجودة اللى بنضربه لما نحب نوضح مدى دقة الصناعة....

أنا بصراحة أتوقعها من عربيات تانية بس مش من مرسيدس...

بالنسبة للريموت أنا كنت واقف جنب باب السواق و موجه الريموت ليه و كمان دوست دوستين ورا بعض على زرار القفل و مع ذلك لم يقفل الزجاج....!!! طبعا قمة الإستغراب إن أوبشن مهم زى ده مش موجود...!!!!

الشنطة مش واسعة و دى حاجة مضيقانى شوية.....

بالنسبة للفرش مستنى رأى مهندس التوكيل لما ييجى يشوفها...