قرض سيارة من بنك الاسكندرية وضياع حقوق العملاء

**alisleman** · 15-07-2010 01:39 PM

المشكله دى انا كنت فيها مع الجمعيه وبنك باركليز البنك جابهالى من الاخر قالى ماناش دعوة بالحادث قسطك يمشى زى ماهوا والتامين قالى هلاك كلى فى لجنه هتحدد للعربيه وقعد الموضوع يتاجل لغايه مصرفت التعويض بعد سنه والله العظيم بعد السنه كانت شيكات كتير من غير رصيد وبلاوى الله يكون فى عونك لكن دلوقتى انا واخد قرض السيارة من بنك اسكندريه وميقدرشى يشرط عليا فى التامين كل اللى قالهولى امن وتعالى اعملك الجواب اللى تستلم بيه العربيه

**hossam_elwani** · 15-07-2010 04:20 PM

انتو مفكرين ان المبلغ المؤمن بيه على العربيه هو الى بيتقبض فى اليد لا ده عندهم بنود مخفيه بتاكل من المبلغ الاصلى اكل زى مثلا بند الاهلاك او الاستهلاك ودى نسبة بتتخصم من تمن التأمين على قد المده الزمنيه المستهلك فيها العربيه كل ما تزيد المده تزيد النسبه

**ahmed92** · 15-07-2010 07:11 PM

المشاركة الأصلية كتبت بواسطة abf-nassar

الشكوي يتم تقديمها يدا بيد بالهيئة ومش لازم اصول المستندات لانهم ببعتوا يجيبوا الاصول من الشركات والبنوك ويحققوا فيها وفعلا يوجد هناك ادارة تحقيقات ممتازة ان شاء الله تجيب حقك
نصيحة تانية متستعملش اللون الاحمر في الكتابة لانه مخصص للمشرفين فقط

شكرا ان شاء الله اول مشوار للقاهرة اروح اقدم الشكوى للهيئة
والف شكر على النصيحة التانية

المشاركة الأصلية كتبت بواسطة hossam_elwani

انتو مفكرين ان المبلغ المؤمن بيه على العربيه هو الى بيتقبض فى اليد لا ده عندهم بنود مخفيه بتاكل من المبلغ الاصلى اكل زى مثلا بند الاهلاك او الاستهلاك ودى نسبة بتتخصم من تمن التأمين على قد المده الزمنيه المستهلك فيها العربيه كل ما تزيد المده تزيد النسبه

احنا مقلناش كدا ولكن اخر وثيقة تامين ب 107100 جم والقيمة السوقية للسيارة اكتر من 100000 جم ورغم ذلك قيمة التعويض اللى حددوة 80000 جم وقبلتة ومعايا اصل الجواب اللى بعتاة الشركة للبنك بتقول فية سلمونا العربية وهنسلمكم شيك ب 80000 جم وبعد ما سلمتهم العربية صرفوا 68000 جم فقط

**nabaster** · 15-07-2010 07:24 PM

المشاركة الأصلية كتبت بواسطة ahmed92

مقلناش كدا ولكن اخر وثيقة تامين ب 107100 جم والقيمة السوقية للسيارة اكتر من 100000 جم ورغم ذلك قيمة التعويض اللى حددوة 80000 جم وقبلتة ومعايا اصل الجواب اللى بعتاة الشركة للبنك بتقول فية سلمونا العربية وهنسلمكم شيك ب 80000 جم وبعد ما سلمتهم العربية صرفوا 68000 جم فقط

اخي العضو الفاضل

والدي مدير ادارة احد فروع بنك الاسكندريه

البنك عمره ما بيفرض عليك اي شركة تامين

البنك بيسيبك تجيب انتا عرض الاسعار من المعارض وتختار العربيه علي عجب عينك

وبرضه بتختار شركة التامين علي عجب عينك

البنك كل الي بيعمله انه بيمولك ماديا فقط مع ضمان حقوقه الماليه

قصة الـ 80 الف دي لازم

لان في حاجه اسمها نسبة الاهلاك

والاهلاك في اول سنه بيبقي حوالي 20% من تمن العربيه

قصة بقي ان شركة التامين دفعتلك منهم 68 دي مشكلتك بقي معاهم والبنك ملهوش دعوه

بالمناسبه

كويس اوي ان البنك مطالبكش تدفع اقساط العربيه في خلال الفتره الي العربيه كانت واقفه فيهم لحد لما اخدت المخالصه من شركة التامين

يعني البنك كده (يعتبر) عامل معاك الواجب وزياده

A.Yakout

**A.Saad** · 15-07-2010 10:28 PM

عادة اول سنة النسبة 10 %
وكمان النسبة اتحسبت خلاص لانها وصلت ل 80000
فازاى توصل ل 68000

**nabaster** · 16-07-2010 12:27 PM

المشاركة الأصلية كتبت بواسطة ahmed92

مش هحلف ليك ان البنك فرض شركة التامين اجبارى واسال والدك لية مندوب شركة التامين دى بالذات كان متواجد باستمرار فى ادارة الائتمان بالفرع الرئيسى واساله حاليا قروض الموظفين العاملين بالحكومة والقطاع العام بيتم التامين اجبارى طرف هذة الجمعية يعنى تاخد قرض لازم تامن عند الجمعية علشان صاحب القرض لو قدر الله توفى المفروض الجمعية بتسدد القرض نيابة عن الورثة

دي نقطه في صالح البنك علي فكره

البنك بيامن علي القرض من نفسه لضمان حقوقه بدون اي مصاريف من العميل

البنك بيضمن حقوقه مش اكتر

اي قرض في الدنيا لو صاحبه توفي الورثه مطالبين بسداد القرض

لما بنك يقولك احنا ممكن نغطيلك القرض في حالة الوفاه لاننا بنامن علي القروض الشخصيه

يبقي دي خدمه زياده من البنك

وبكرر تاني بدوون ادني مصاريف علي العميل لان العميل اساسا مبيعرفش القرض بتاعه متامن عند مين

لان دي مش مشكلته اساسا وحاجه كويسه ليه

ان اهله مش هيتبهدلوا بعدين في سداد القرض بتاعه

المشاركة الأصلية كتبت بواسطة ahmed92

اما نسبة الاهلاك المفروض 10 % سنويا وبما ان اول وثيقة كانت ب 119000 وتانى وثيقة ب 107100 جم
وبعدها حصل الحادث يبقا المفرض التعويض لا يقل عن القيمة السوقية للسيارة 100000جم او اخصم 10% من اخر تجديد للوثيقة
اما ان شركة التامين دفعت 68000 جم ودى مش مشكلة البنك ولكنى سلمت العربية للجمعية بناء على خطاب من البنك موجة لى بانهم سيصرفون ال 80000 جم بعد تسليم العربية للجمعية وبناء علية قمت باجراءت بيع وتسليم السيارة لهم
يعنى تقولى اديهم العربية وهنصرف لك 80000جم

البنك فعلا حسبلك العربيه باهلاك 20% ودي قيمة الاهلاك فعلا

البنك قالك تصرف 80

كون الشركه تصرفلك اقل ولا اكتر دي مشكلتك مع الشركه انك قبلت اساسا انك تاخد الشيك

المشاركة الأصلية كتبت بواسطة ahmed92

وبعد كدا تخصم منهم 12000 جم واعرف انهم مصاريف ادارية وخلافة يا راجل دانا عرفت ان منهم 5% تم خصمهم على انهم مصاريف لهيئة البريد قال اية الشيك طالع على البريد ودى مصاريف ادارية للبريد وانا مالى الشيك طالع على البريد ولا على البنك مع العلم ان الشيك طلع باسم البنك بذمتك ودينك دة كلام بنك محترم

وبعدين من قال لسيادتك ان البنك سابنى ومااحدتش اقساطة طول ما العربية واقفة دة اخدها بفوائدها وزيادة
والاخر تقولى البنك عمل معاى واجب وزيادة

مفيش غير حسبى الله ونعم الوكيل

روح اشتكي الشركه والموظف الي اجبرك انك تامن معاها

لان دي مش سياسة البنك

البنك بيقولك امن وتعلالي

ممكن يشرط عليك شركات متامنش معاها (شركات تعبانه)

لاكن لا يمكن يشرط عليك شركه تروح تامن معاها

A.Yakout

**nabaster** · 18-07-2010 10:51 AM

حضرتك جبت الكلام دة من فين كلام غير منطقى بالمرة تفتكر البنك هيأمن على قرض بدون اى مصاريف على العميل لية بنك شغال لوجة الله

قلت لحضرتك انا جايب كلامي منين

ومش بيبقي في اي مصاريف و متاكد من كلامي

اة العميل لا يعلم القرض بتاعة متأمن عند مين بس البنك بيخصم مصاريف الـتامين من العميل مرة واحدة لما العميل يصرف القرض ودة كلام اكيد ولعلم حضرتك للاسف اهل العميل المتوفى اتبهدلوا بعد وفاتة لان الجمعية اللى هيا شركة التامين متعثرة ولا تصرف قيمة القرض الا بعد شهور ويكون اهل المتوفى شافوا الويل ومحجوز على مستحقاتة ومعاشة حتى يتم الصرف

ينسوا ان البنك كان مامن علي القرض (دي حاجه مكنوش يحلموا بيها اساسا ان حد يسدد عنهم)

ويسددوا هما البنك ويديهم المحالصه علشان يقبضوا المعاش

ومنهم لشركة التامين بقي لغاية لما تجبلهم فلوسهم

بالمناسبه جاري اتوفي وكان واخد قرض شخصي

وبعد شهر ونص اتسدد من شركة التامين وكانت في ايديهم مخالصة البنك علي المعاش

بعد ما كانوا بيلموا من بعض وبيبيعوا من املاك المتوفي علشان يسددوا ومكنوش يعرفوا انه متامن عليه

الكلام ده لسا مكملش كام شهر

المشاركة الأصلية كتبت بواسطة ahmed92

بصراحة انتى طلعتها فى دماغى وفعلا بعد الشكوى للرقابة المالية هرفع قضية تعويض على البنك

ترفع قضيه علي الموظف الي دبسك مش البنك

مفيش حاجه هتدين البنك

وبيني وبينك مفيش حاجه هتدين الموظف برضه لان مفيش ورقه رسمي

المشاركة الأصلية كتبت بواسطة ahmed92

ومين اللى قالك ان البنك بيقولك امن وتعالى تصدق بالله انا لم اوقع على اى شىء يدل على انى مأمن على العربية طرف البنك والبنك أمن من نفسة وجدد الوثيقة من نفسة مع خصم المصاريف طبعا لحسن تفتكر ان البنك امن على العربية لله فى الله

ده الي بيحصل فعلا وبيقولك امن وتعلالي

كون ان موظف لعب عليك لعبه واتمصلح من وراك

ده لانك مكنتش فاهم الدنيا ماشيه ازاي

ودي مش مشكلة البنك طالما مفيش حاجه رسمي

والبنك اكيد هيجدد من نفسه طالما انتا مبلغتوش بغير كده

والمفروض المفروض يعني انك انتا الي مختار شركة التامين ومحدش ضربك علي ايديك

فاكيد قبل ما تخلص الوثيقه هتكون التانيه اتعملت

لان ده اسمه تاااااااااااااامين اجبااااااااااااااري

لانك مشتري عربيه بفلوس البنك مش بفلوسك والبنك بيامن علي فلوسه

A.Yakout

-

الموضوع: قرض سيارة من بنك الاسكندرية وضياع حقوق العملاء

LinkBack

أدوات الموضوع

عرض

-

-

-

-

-

المواضيع المتشابهه

حادث وفاة وضياع حقوق الغلابة

مطلوب سيارة من الاسكندرية

مطلوب سيارة من الاسكندرية فقط

مطلوب سيارة فى الاسكندرية .. 55 ل 60 الف

قانون الخلع المصري....بين نصرة المرأة...وضياع حق الرجل..

الكلمات الدلالية لهذا الموضوع

المفضلات

المفضلات

ضوابط المشاركة