-
اسئلة و مشاكل كليو 2003
السلام عليكم
أنا جبت رينو كليو ٢٠٠٣ مستعملة عامله تقريبا ٨٠ كيلو و عندي شوية أسئلة ياريت حد يجاوبني عليها
أولا الدبرياج تقيل أوي هل ده عادي ولا أنا محتاج أغير طقم ديبرياج و هل الطقم ال valeo التركي كويس ؟
البور تقيل شوية و مش دايما الدركسيون بيرجع لوحده المفروض أعمل إيه ؟
الفوانيس الأمامية محتاجة تتغير أجيب التيواني ولا فيه حاجة احسن ؟
انا لقيت قطع غيار كتير لكن مش عارف اروح لمين بيفهم فالرينو لو حد يعرف حد كويس ياريت يقولي
أخر حاجة بقى اللمبة بتاعة الكنترول بتاعة التكييف محروقة و لازم افك الكاسيت و معنديش الشوكتين الي بيفوكوه اروح لمين يعملهالي
اخر حاجة عايز اقولها العربية بجد كويسة و احسن كتير من أي حاجة ف نفس ال category
جزاكم الله خير مقدما
-
روح فرنش موتورز اللى فى جسر السويس... او محمد الشرقاوى فى الحرفيين
ممكن اعرف اشترتها بكام؟
-
-
تقل الدبرياج ملوش دعوة بالاسطوانه جرب رش wd4 على الكابل من عند الموتور هيخف كتير
فعلا الباور اتقل من اليابانى شويه وحته انه مش بيرد على طول ممكن تكون البطاحات عايزة تتشحم
بالنسبه للفوانيس ممكن تجيبها استعمال عشان بيتباعو بالموتور بتعها
اخيراً الف مبروك عليك العربيه
-
شكرا جزيلا علي الرد
ممكن تقولي الاقي الفوانيس المستعملة ديه فين ؟
-
للاسف انا من اسكندريه معرفش حد فى مصر بس لو المواتير فى الفوانيس القديمه شغاله شيلها وركبها على الجديد التركى
Content Relevant URLs by
vBSEO 3.6.0 PL2