ربنا يكرمكم يا جماعة و ان شاء الله اعمل تقرير بالرحلة لما ارجع
عرض للطباعة
ربنا يكرمكم يا جماعة و ان شاء الله اعمل تقرير بالرحلة لما ارجع
ايه لعب العيال ده.. يللا اتكل على الله ياعم وسافر وانت يامحمد سيب عيال الراجل فى حالهم... الله هو الواحد ميعرفش يسيطر فى المنتدى ده والا ايه
السلام عليكم الحمد لله انا رجعت من شوية كدة . بس كانوا يا اخوانى يومين و نص بمية يوم جو ايه روعة والله هدوء حتى الصبح استرخاء و رطرخمة اخر حاجة أكل و شرب و بحر و بسينات و نوم و بس طبعاً محمد و رغد مش اقول عاملوا أيه ( سابوا فى رأس سدر علامات على رأى اللمبى )
العربية
المسافة من البيت حتى رأس سدر 200 كم بالضبط الحمد لله ان المشوار كان سهل رايح جاى مافيهش مشكلات غير الكمائن اللى بتعطل الطريق بس كدة
العربية كان فبها تلات ارباع التنك فولت و انا رايح فى البنزينة وطنية اللى قبل النفق مباشرة و بعد كدة ماسالتش فى البنرين و لا فى ايه حاجة أصلا
مشيت بمتوسط سرعة 100 و قليل جدا 120 و لا 140 حتى
الحمد لله على وصولنا بخير و هو خير الحافظين
حمدا لله على السلامة
والله إنت فتحت نفسي على أجازة في راس سدر، أنا كنت متردد بس إنت كده شجعتني
عايز آخد أجازة من العيادة ومن العيانين شوية
ممكن لو سمحت تقولنا إنت كنت نازل فين والتكاليف كانت كام
وشكرا
حمد الله على السلامه ويارب تكون أتبسطت
الله يسلمك يا محمد و الحمد لله اتبسطت جداً.
بس النهادرة الطشت العلامة الامامية ( والله حاجة تقرف ) يا ترى دى بكام و منين ؟
انا كنت نازل فى أميرة الباتروس ( 34 كم بعد النفق ) الليلة هاف ( فطار و عشاء اوبن بوفيه ) 480 جم الدبل و الاولاد حتى 10 سنوات مجاناً المكان هادىء و عائلى جدا
العلامه هتلاقيها عامله فى حدود من 50 ل 70 حسبى الله ونعم الوكيل فى حرميه العلامات المصيبه أنك تلاقيها محطوطه على توك توك ولا تاكسى مالوش علاقه بالعلامه اساسا هيستفادو أيه من كده غير الأذى مش عارف ربنا يعوض عليك وأهى حاجه هتاخد بيها من حسنات اللى سرقها يوم القيامه