النهارده كنت رايح اعمل وش لفانوس الشبوره اليمين كان مكسور
المهم روحت لواحد بسأله عليه قاللى بيتباع جاهز ووصفلى المحل روحتله قاللى ب 20 جنيه الوش المهم اشتريت وش وروحت للراجل يركبه فك الفانوس لقاه مكسور قاللى لازم يتغير لانه بايظ من جوه المهم رجعت بالوش للمحل وقولتله عاوز ارجعه لان الفانوس مكسور لاقيته بيقولى وعاوز فانوس كامل قولتله بكام قاللى صينى ب 35 طبعا استغربت وقولتله يعنى فرق 15 وجابهولى وروحت ركبته وكله تمام
المهم لاقيت عنده لمض فيليبس المانى للشبوره ابيض تلجى ب 35 جنيه اللمبه بس بيقولى اضائتها زى الزينون مش عارف هو كده غالى ولا ايه واشتريت من عنده منتج اسمه ابرو امريكى لتنظيف الرشاشات ب 15 جنيه العبوه لونه اسود المهم هو قاللى تحت نص العبوه دلوقت والنص التانى لما تيجى تفول بس انا مش واثق فى الكلام ده لانى اعرف انها تتحط كلها مع التفويله مره واحده ياريت تفيدونى وهل ده فعلا حينضف الرشاشات ولا ايه