الموضوع: أرجو المساعده

اشكرك على ردك استاذ اكرم

انا الحقيقه شوفت بعض الشكاوى هنا من بعض الاعضاء عن سرعة استجابة الموتور وان سحبها بيبقى ضعيف شويه وغير مسعف فى حالات التخطى على الطرق السريعه المزدوجه

انا مش عارف هما كانوا بيتكلموا عن الموديل ده تحديدا ولا عن حاجه تانى ؟؟

هو ده اهم استفسار ليا

هو كانت المشكلة عند الناس انهم كانوا بينقلوا بدري عند مثلا 3000 لفة/دقيقة بس هو الموتور اقصى عزم ليه عند 4500 لفة/دقيقة لذلك كانوا بيعانوا من مشكلة في السحب لأن الموتور مصمم على انك تنقل متأخر بس لو شفت المشاركات في الموضوع اللي الأخ meshmesh78 حاطط اللنك بتاعه هتلاقي الناس اللي عملوا كده قالوا ان في اختلاف في السحب كبير لما تنقل متأخر وكمان الأخ sonson قال ان بعد صيانة 2000 حصل تحسن وهو كان بيخاف ينقل متأخر بس لما جرب لقا في اختلاف كبير
وربنا يوفقك في الاختيار

المشاركة الأصلية كتبت بواسطة pavly3

اشكرك على ردك استاذ اكرم

انا الحقيقه شوفت بعض الشكاوى هنا من بعض الاعضاء عن سرعة استجابة الموتور وان سحبها بيبقى ضعيف شويه وغير مسعف فى حالات التخطى على الطرق السريعه المزدوجه

انا مش عارف هما كانوا بيتكلموا عن الموديل ده تحديدا ولا عن حاجه تانى ؟؟

هو ده اهم استفسار ليا

أخى العزيز _ أحب اعرفك بنفسى أنا اللى بدات الشكوى فى هذا الموضوع و لو قرأت آخر مداخلات ليه فى الموضوع ده النهاردة هتلاقينى غيرت رأيى و أعتذرت عن ما كتبته بخصوص هذا الموضوع لآن أداء السيارة أختلف بعد صيانة ال 2000 كم بس مش مباشرة و لكن تدريجيا و كذلك أستهلاك البنزين اتحسن و اعتقد إن الأداء هيتحسن مع أستعمال السيارة و أنا بطمنك - و انا خجلان من نفسى لأنى تسرعت فى الحكم على السيارة بالرغم من نصيحة الأخوة اللى عندهم موديلات قبلى بالصبر إلا انى كنت قلقان ان الموديل ده و تكنولوجيا الموتور دى مش عندهم و بالتالى مش مفروض انى اعتمد على تجربتهم لأنها مختلفة عن موتور سيارتى . و لكن الأعتراف بالحق فضيلة السيارة بالنسبة لفئتها و سعرها مش وحشة ابدا و معظم السيارات الحديثة منها الكروز فيها نفس المشكلة .
أنصحك انك تستخير ربنا و تتكل على الله بس لازم تقرا استطلاع الرأى فى اسعار قطع الغيار فى التوكيل .

المشاركة الأصلية كتبت بواسطة mimo4019

هو كانت المشكلة عند الناس انهم كانوا بينقلوا بدري عند مثلا 3000 لفة/دقيقة بس هو الموتور اقصى عزم ليه عند 4500 لفة/دقيقة لذلك كانوا بيعانوا من مشكلة في السحب لأن الموتور مصمم على انك تنقل متأخر بس لو شفت المشاركات في الموضوع اللي الأخ meshmesh78 حاطط اللنك بتاعه هتلاقي الناس اللي عملوا كده قالوا ان في اختلاف في السحب كبير لما تنقل متأخر وكمان الأخ sonson قال ان بعد صيانة 2000 حصل تحسن وهو كان بيخاف ينقل متأخر بس لما جرب لقا في اختلاف كبير
وربنا يوفقك في الاختيار

فعلا الكلام ده حصل بس بعد ما قرأت المواضيع اللى الأخوة الموجودين فى المنتدى و هم أخوة افاضل و مثقفين جدا و منهم متخصصين فلما سمعت كلامهم و عملت زى ما قالولى عرفت حاجات كتير و حسيت بفرق و عرفت ان فى حاجات كتيرة ماكنتش عارفها كويس . و الحمد لله ان فى ناس محترمين و متعاونين ربنا سخرهم للأفادة و بارك الله فيهم و أزادهم من علمه .

بجد اشكركم جدا جدا على تعاونكم واستجابتكم السريعه اللى عرفت من خلالها اكون رأى

انا تقريبا حجزتها خلاص

ادعولى بس ان اجرءاتها تخلص بسرعه بدون تعقيدات

وبأذن ربنا هتواصل معاكم دايما هنا

مره تانى اشكركم جدا