العربية اتخبطت وعايز استفسار
السلام عليكم ورحمة الله
اولا الحمد لله على كل شيئ وقدر الله وماشاء فعل ...
العربية النهاردة وانا ماشي في طريق مصر اسكندرية الصحراوي وعايز
ادخل يمين بعد حازم حسن علشان اطلع على طريق دريم ، اتريهم
قفلو المدخل اللى كان مفتوح بين الصخور ولكن سابو حتة صغيرة ..
العربيات كلها بتحاول تدخل وانا وراهم مش واخد بالي انهم قفلوها
وسايبين بس الحتة الصغيرة وعمال اقول هيا الناس واقفة ليه ...
مطولش عليكم العربية وانا داخل خبطت في الصخرة اللى على اليمين
من البابين اللى جنبي والوراني من تحت عند الخط اللى تحت ...
البابين داخلين لجوه واللون بقى ابيض والعربية
سودا ... غير ان الباب الأمامي مش بس دخل لجوة .. ده كمان من
عند الفرق اللى بين البابين اتشد لبره ... هيا
مش كبيرة اوى بس مضيقاني اوى ى ى ى ى
السؤال للأخوة اللى يقدر يفيدني ...
اوديها تكنو وان ولا سمكري عادي , علما باننى ساكن في الشيخ زايد بس معنديش مشكله انى اروح تكنو وان ؟
اروشها ولا مايفضلش اني اروشها ؟
هل اي عربية بتتسمكر في تكنو وان لازم تبات ولا ممكن اخدها في يوميها ؟
شكرا للجميع وكفاكم الله شر الخبطات