مبتدء فى السواقه يسأل المساعده من اهل الخبره

**totolay007** · 14-07-2010 03:40 AM

السلام عليكم

انا عندى عربيه نيو اكسنت مانوال ولسه بتعلم السواقه ومش عايز ابوظ العربيه

انا هشرحلكم طريقتى فى السواقه ولو فى حاجه غلط يا ريت تصححولى وهى كالأتى

1- بدور العربيه

2- بدوس دبرياج وبجيب الاول ونزل الهند بريك

3- برفع رجلى سلانسيه من على الدبرياج لغاية ما العربيه تبتدى تتحرك ومش بدوس بنزين غير لما اشيل رجلى من على الدبرياج خالص

4- عند سرعة 20 بدى غيار تانى وعند سرعة 40 بدى تالت وعند 60 بدى رابع ومش بدوس بنزين غير لما ارفع رجلى من على الدبرياج خالص

5- لما الطريق بيبقى زحمه وواقف ببقى ماشى على الاول وبحرك العربيه بالدبرياج والفرامل ومش بدوس بنزين خالص

6- لو داخل على مطب بهدى العربيه واخد المطب براحه وببقى جايب على التانى

7- فى مشكله عندى انى قبل ما دوس فرامل وانا سايق على اى سرعه لازم ادوس قبليها دبرياج لأنى بعمل حسابى ان ممكن حد يقف فجأ مش عارف ده صح ولا غلط

ياريت لو فى حاجه غلط فى طريقة السواقه بتعتى الاخوه فى المنتدى يصححولى اخطائى

وجزاكم الله كل خير

**kamatsho** · 14-07-2010 04:36 AM

لو استمريت على كده هتبقى استاذ ورئيس قسم كمان

بس فى ملحوظه
مش اى مطب تاخده وانتا مدى التانى المطب العالى خد وانتا مدى الاول على أأقل من رأحتك واللى يديلك كلاكس نفضلو
المطب اللى هوا حنين وعادى كدا خده على التانى عادى براحه برضو بس متقفش عليه زى المطب العالى

موضوع الديبرياج مع الفرامل ده المفروض ان ده الصح وانتا ماشى على سرعه بطيئه فى شارع او كدا عشان العربيه المفروض متبطلش يعنى بس واضح ان عندك العربيه مش بتبطل لما بتشيل رجلك من على الديبرياج خالص ومش دايس بنزين كمان
ولكن موضوع الديبرياج مع الفرامل على السرعات العاليه مالوش اى لازمه ولا فايده ولا مضر برضو فى نفس الوقت أطمن
وربنا يسترها علينا جميعا وربنا يعطيك خيرها ويكفيك شرها

**A.Saad** · 14-07-2010 06:26 AM

برفع رجلى سلانسيه من على الدبرياج لغاية ما العربيه تبتدى تتحرك ومش بدوس بنزين غير لما اشيل رجلى من على الدبرياج خالص

لا
سنة دبريلج تترفع وتدى سنة بنزين

مشكله عندى انى قبل ما دوس فرامل وانا سايق على اى سرعه لازم ادوس قبليها دبرياج لأنى بعمل حسابى ان ممكن حد يقف فجأ مش عارف ده صح ولا غلط

http://www.nilemotors.net/Nile/127724-a.html

قرامل بس هتفرمل احسن فى مسافة اقل يعنى
اما تقرب تقف تدوس دبرياج

**RAMYALI_1982** · 14-07-2010 09:55 AM

فية ملاحظة بس احب اضيفها وياريت برضة الخبراء يفيدونا متهيالى حكاية ان العربية تمشى لوحدها من غير بنزين بمجرد انك تسيب الدبرياج دة فى الاول بس وموتور العربية لسة جديد وشارب بس الحكاية دى هاتبتدى تقل بمرور الوقت مع استهلاك العربية فكونك هاتتعود على كدة هايسبب فى ان العربية هاتبطل منك بعد كدة لازم تتعود تديها بنزين ولو بسيط اوى عشان تبقى عادة مش اكتر لان مش الطبيعى بتاع كل العربيات انها تمشى بسرعة دوران المحرك وكأنك على السلانسية بدون اضافة اى بنزين من السائق
وياريت برضة الخبراء يفيدونا فى النقطة دى

**totolay007** · 14-07-2010 10:00 AM

المشاركة الأصلية كتبت بواسطة A.Saad

برفع رجلى سلانسيه من على الدبرياج لغاية ما العربيه تبتدى تتحرك ومش بدوس بنزين غير لما اشيل رجلى من على الدبرياج خالص

لا
سنة دبريلج تترفع وتدى سنة بنزين

مشكله عندى انى قبل ما دوس فرامل وانا سايق على اى سرعه لازم ادوس قبليها دبرياج لأنى بعمل حسابى ان ممكن حد يقف فجأ مش عارف ده صح ولا غلط

http://www.nilemotors.net/Nile/127724-a.html

قرامل بس هتفرمل احسن فى مسافة اقل يعنى
اما تقرب تقف تدوس دبرياج

مشكور على الموضوع فعلا افدنى كتير

**tamer_a7** · 14-07-2010 01:49 PM

فعلا مش صح ان العربيه تطلع من غير ما تدوس بنزين كده العربيه اكيد عاليه

**mido_3m** · 14-07-2010 06:24 PM

انا كنت بعمل زيك كده باظبط بس كده في مشكلة كبيرة اولا انت لو شيلت رجليك مسافة معينة ممكن تبطل منك ولو انت علي مطلع وعملت كده العربية بترجع منك للخلف جامد جدا ممكن تحصل مشكلة وربنا يكفيك شر المشاكل واحنا كمان يارب وبعدين انت لما بتطلع بالدبرياج بس العربية بتأخد وقت لكن لو دوست سن بنزين بتطلع علي طول انا المشكلة الوحده عندي هي المطلع والعربية بترج للخلف بس واحد قالي اعمل ايه استخدم فرامل اليد في الموضوع ده وانت اعتقد اني انت تتطلع بالبنزين افضل وبعدين في الاول وفي الاخر الموضوع تعود وبكره تبقي زي الفل وتطلع من غير بنزين ولا دبرياج الموضوع كله ممارسة وتعود وفي الاخر احترااااااااااااااااف بس مفيش احتراااااف دلوقي في الجديد بلطجة وديه به كرسة سوداء ومش ليه حل وفي الاخر ربنا معاك ويكفيك شر العربية ويعطيك خيره واحنا كمان امين يارب