قانون الطوابير
إذا وقفت في طابور بطئ وغيرته بطابور تاني , تلاقي طابورك اللي غيرته فجأة بيمشي أسرع من اللي انت فيه
قانون التليفون
عمرك ما تتصل برقم غلط ويطلع مشغول
قانون التصليح
بعد ما إيدك تتزيت وتتوسخ من شحم أو تراب , مناخيرك تبدأ تاكلك فجأة
قانون المعدات
إذا وقع من أيدك شئ , تأكد إنه بيفضل يتدحرج لغاية ما يوصل لألعن مكان ما تقدرش تطلعه منة
قانون الأعذار
إذا إتأخرت عن الشغل وقلت لمديرك إن الكاوتش كان مخروم , اليوم اللي بعدة يتخرم الكاوتش بجد
قانون البحر وحمام السباحة
أول ما تنزل الميه , يبدأ التليفون يررررن وما يسكتش

قانون الإلكترونيات
إذا أخذت جهاز علشان تصلحه وعايز توري اللي بيصلحة إنه ما بيشتغلش , وقتها الجهاز يشتغل أحلى كلام

قانون الزواج
بعد شهرين من زواجك .. يسألوك ها ما فيش حاجة جاية في السكة؟
قانون المرتب
آخر الشهر لازم كل العزايم والهدايا والطلبات تزيد .. حبكت؟
قانون الطقس
آخر الأسبوع وانت متحمس تروح البحر أو تسافر .. من الصبح الجو هوى وتراب وحر ورطوبة ..يعني الفصول الأربعة في يوم واحد
قانون البحث
إذا حبيت تدور على حاجة ( مش هتلاقيها ) ... مع انك كل يوم بتشوفها