انا فى 6 اكتوبر و عاوز اروح المنين عند الشارع العمومى كده بالعربيه فياريت تدلونى اروح ازاى من اكتوبر و انزل نزله ايه و المسافه اد ايه
و ارجع ازاى اكتوبر تانى
عرض للطباعة
انا فى 6 اكتوبر و عاوز اروح المنين عند الشارع العمومى كده بالعربيه فياريت تدلونى اروح ازاى من اكتوبر و انزل نزله ايه و المسافه اد ايه
و ارجع ازاى اكتوبر تانى
يا تطلع شارع الهرم و بعد النفق متطلعش الكوبرى و تنزل يمين و تمشى حوالى 2كم هتلاقى مستشفى ام المصريين على الشمال تبقى فى اول المنيب
يا تاخد الدائرى و قبل ما تعدى النيل تنزل يمين (طريق الصعيد الزراعى) و تاخد اول يوترن و ترجع و تمشى شويه هتوصل المنيب (السكه دى معملتهاش قبل كده فا مش عارف الدنيا هتبقى عامله ازاى بعد متلف اليوترن)
حضرتك هتاخد طريق الفيوم الواحات (اللي فيه دريم لاند)
وبعد ما تعدي دريم لاند (في اتجاة طريق الفيوم) هتلاقي مطلع الطريق الدائري على شمالك ، هتاخد اول يو تيرن وتطلع الطريق الدائري
هتفضل ماشي فيه لغاية ما تلاقي مدخل محور المريوطية على يمينك ولوح ارشادية بتقول اتجاه المعادي (المحور هينقلك للقوس الشرقي للدائري) بعد ما تخلص محور المريوطية هتنزل أول نازله هتقابلك (نزله المنيب)
يعني الطريق بإختصار
1- طريق الفيوم الواحات
2- الطريق الدائري (القوس الغربي)
3- محور المريوطية
4- الطريق الدائري (القوس الشرقي)
5- نزله المنيب
طب الطريق هياخد اد ايه كده بالعربيه يا باشا و محور المريوطيه ده اخشو ولا اكمل لحد نزله المنيب ولا ايه بالظبط
احنا كلنا جيرن بقه انا ساكن عند الحصرى كده ورا ماكدونالد --------------يعنى انزل محور المريوطيه و بعدين امشى لغايه الدائرى القوس الشرقى و ادخلو و بعدين المنيب - و هل فى لوح ارشاديه ولا ايه؟؟؟؟؟؟؟؟؟
شكرا يا باشا وانا وصلت خلاص و رجعت و عملت مشاويرى الف شكر