يا اخوانى انا مغيرتش سلك البوجية خالص والعربية عاملة 75000 كم عاوز اعرف سعرة وهل اغيرة ولا لا وكمان انا العربية المبارح بطلت لوحديها مرتين فهل ممكن يكون بسبب دة ويا ترى الميكانيكى يعرف ان كان السلك باظ ولا لسة واشكركم
عرض للطباعة
يا اخوانى انا مغيرتش سلك البوجية خالص والعربية عاملة 75000 كم عاوز اعرف سعرة وهل اغيرة ولا لا وكمان انا العربية المبارح بطلت لوحديها مرتين فهل ممكن يكون بسبب دة ويا ترى الميكانيكى يعرف ان كان السلك باظ ولا لسة واشكركم
علشان تعرف اذا كانت الكهرباء بتوصل للبوجيهات صح ولا لأ
تفك الكابل من ناحية البوجيه وتخليه قريب من السن بتاعه - لو شوفت بعنيك الشرارة بتاعت الاحتراق شغالة يبقى الكابل شغال
لو مفيش شرارة يبقى عندك حل من اتنين - الاول ان الكابل بايظ / الثانى ان مخرج الموبينة نفسة بايظ -> وعلشان تتأكد تركب اى كابل تانى شغال مكان اللى مش بيخرج شرارة لو خرج شرارة يبقى فعلا المشكلة فى الكابل ولو مخرجش يبقى للأسف هاتبقى الموبينة
ملحوظه
1- ياريت تلاحظ مدى قوة الشرارة اللى خارجة من الكابلات وهل فيه كابل اقل من الكابلات التانية ولا لأ
2- المفروض انك لما تفك الكابل وتبعده خالص عن العربية المفروض انك تلاقى العربية مبرجلة شوية أو بلغة الصنايعية متالته - لو فيه كابل فكيته وبعدته عن البوجية وحاسيت ان مفيش اى تغيير يبقى ده معناه ان فيه مشكلة فى البوجية نفسه أو مشكلة فى الموتور
الله عليك الله يا ابو مرون