النترا gl كامله بعد طول تفكير وحيره الحمد لله
بعد طول تفكير اكتر من 3 شهور فى قرار شراء سياره .....والموضوع الصراحه كان بالنسبالى مختلف خالص لانى كنت بحاول ادور على احسن سياره مقابل الفلوس اللى هتدفع .....واليكم تجربه الشراء
1:كنت فى البدايه عاوز اشترى النيسان صنى الاوتوماتيك اللى ب 90 الف والمزودة بايرباج واى بى اس وطبعا ده عربيه حلوة جدا وبحبها لثباتها ومتانتها وحاجات كتير بس بعد استشاره الاهل واللى كان فارق معاهم موضوع الوسع بتاع الكنبه الخلفيه ده جدا لدرجه اطاحت باختيار هذه السياره
2:فكرت فى التيدا الفول اوبشن بس الصراحه ومن غير زعل ما اقدرتش ابلع شكلها بالرغم من انى عارف ان سيارتى الجديده ولا تيجى جنبها حاجه لان التيدا ده فعلا من قلائل السيارات المحترمه بس اعمل اه فيه انا وعيلتى الشكل بردك يهمنى
3:كان فاضل ادامى السيراتو والانترا وده فعلا المقارنه بينهم تعبتلى اعصابى لانها صعبه جدا خاصتا انى عشت فى الانترا ده مع واحد صاحبى اكتر من 3 سنين وهوة كان تقريبا من اوائل الناس اللى جابو الشكل الجديد ده وهيع عربيه محترمه اوى وبتعيش لو بتاخد بالك منها ومن صيانتها ومصاريفها كويسه وبنزينها كويس ..........بس السيراتو بردك كانت بتحولى عينى كل ما بشوفها ......المهم نزلت معرض والاتنين كانو ادام بعض عملت مقارنه شكليه الاول وأجرت واحدة اى اكس وكيل اللى بجنط 16 وسافرت بيها الساحل انا وواحد صاحبى اللى هوة اساسا كان معاه النترا علشان نعمل مقارنه...........وفى النهايه بدون دخول فى تفاصيل ولا تودى ولا تجيب وممكن تعمل مشاكل
استنتجت ان العربيات ده كلها سواء الصنى ولا النترا ولا سيراتو كلها مش فارقه كتير اوى وكلها ليها نفس العمر الافتراضى لو توافرت نفس الظروف للتلاته وكلهم كويسين والاهم تختار اللى يناسبك ....ولانى كان يفرق معايا حاجات زى الامان والكماليات والاوتو اخترت الموديل ده :
اوتوماتيك gl اوتوماتيك تكيف بكر زجاج مرايات سنتر باور كهربا كاسيت سى دى ب 98 الف
+2 ايرباج واى بى اس ب 8 الف + 3 الف فتحه سقف كهربا والمجموع يساوى 109 الف ناقصها بس التكيف الديجيتال والاوكر والمرايات بنفس اللون والمخدع الخلفى والشبوره والكرسى اللى بيعلى وبيوطى والحاجات ده تمنها 9 الف فملهاش لازمه عندى .................واخترت اللون الفضى
واستلمتها اليوم اللى بعدو واتعمل خصم الف جنيه وبقت ب 108 ........والحمد لله على ما اراد