معايا 60000 جنيه ومحتار
اجيب لانسر مستعمل 2001 حالة ممتازة ولا اجيب فيرنا2010 او اجيب لانوس2010 وزيرو شكرا
معايا 60000 جنيه ومحتار
اجيب لانسر مستعمل 2001 حالة ممتازة ولا اجيب فيرنا2010 او اجيب لانوس2010 وزيرو شكرا
هو طبعا اكيد الزيرو بيفرق كتير
لكن لو اللانسر حالتها ممتازة و1600 هاتبقى حلوة برده يعنى ممكن تجربها ولو مش مرتاح لها ممكن تبيعها ومش هاتخسر فيها حاجة
لكن الزيرو لو بعته هاتخسر فيه كتير
تقبل مرورى
من رائى اللانسر طبعا وخصوصا سعر اعادة البيع
i prefer ZERO car.
بص هي الانسر 1300 و بسم الله ماساء الله احسن من الاتنين بس اهم حاجة الحالة و زى dolly13 قال لو بعتها مش حاتخسر فيها عشان ماسكه سعرهاا بس اهم حاجة الكشف عليها
الزيرو .. زيرو
حتى لو لانوس او فيرنا
مش مستعمل 9 سنين !!
و الله الكلام ده هو عين العقل
العربية الزيرو بتبقي أنت أول واحد ركبها و عارف ايه ايلي حصل فيها و غير كده و كده لو حصل فيها أى حاجة بتبقي عارفها
يعني اى صوت غريب ظهر أى حاجة مش طبيعية حصلت أخدت بيها مطب نقرة كده يعني
يعني انا مثلا كنت عاوز أجيب عربية إستعمال بس قولت لأ هى اساس هتبقي استعمال و انا هبقي مش محافظ عليها عشان كده كده استعمال
لكن بقي الغربال الجديد له شدة يعني دلوقت لو أخدت اى مطب بسرعة شوية ببقي كأنى انا ايلي أخدته و بحافظ عليها عشان جديدة و انا أول واحد ركبها
لكن لو إستعمال هتلاقي نفسك مش هتهتم بيها مطبات ماشي اى صوت غريبة هتطنش عشان إستعمال
فيرنا 2010 عربية حلوة على سعرها وفيها ميزة انها زيرو
او لانسر 2007 1300 سى سى ب 70 الف
في عربيات قديمة واحسن بكتير من العربيات الجديدة..
اهم حاجة في المستعمل العربية يكون ليها سوق والحالة ويفضل جدا لو فبريقة برة وجوة
معلش مع احترامي لانسر موديل 2001 فابريقة برة وجوة ومتحافظ عليها كويس احسن من الفيرنا