يا جماعة باركولي هستلم عربيتي الصني النهارده إن شاء الله :)
كنت محتاج مساعدتكم ضروري في كذا حاجة:
- عند إستلام العربية إيه أهم الحاجات إللي أشيك (أبص) عليها و إيه الأوراق المهمة إللي هاستلمها مع العربية
- كيفية إستعمال العربية في أول ألف كيلو (التليين)
- جدول الصيانة الدورية
- إيه أحسن مركز صيانة من واقع تجاربكم السابقة
- أي ملاحظات أو نصائح أخري
و شكرا لكم
ها عملت ايه ؟؟؟ احكيلنا
معلش ماخدتش بالي من الموضوع
ان شاء الله تكون استلمت و شيكت على كل حاجه
الالف كيلو ماتعديش ال Rpm عن 3000
انا بصراحه ماكونتش بعدي ال 2500 :)
صيانة الالف انصحك بالتوجه ل السبع ايلي في القطاميه
انا بحب مودرن ايلي فالدقي عشان بس قريبه مني
بس السبع هناك الدنيا فاضيه عشان كده العربيه بتاخد حقها جوا
لو في اي حاجه عايز تسألهالي انا تحت امرك
و الف مبروووووووووووووووووووووك و عقبال الانفينيتي :)
شكرا يا أخ سعيد علي مرورك و نصايحك الجميلة
الحمد الله إستلمت العربية أول إمبارح من معرض ياسين في مصر الجديدة و رخصتها إمبارح و إنضميت لنادي ملاك الصني
العربية جميلة ماشاء الله لا قوة إلا بالله بس عندي كام سؤال:
لما أقفل العربية بالريموت و أفتحها بالمفتاح الإنذار مابيضربش - هي مافيهاش جهاز إنذار ولا إيه؟
لازم أسخن العربية الصبح بدري لما تكون الدنيا ساقعة أوي ولا مش لازم؟
الجنط بتاع الإستبن مش مفروض يبقي سبور برده ولا لأ ؟
و شكرا يا باشا كمان مرة
اقتباس:
المشاركة الأصلية كتبت بواسطة loai-omar
الف مبروك يا حازم باشا وربنا يديلك خيرها ويحفظك من شرها ويستر طريقك
بالنسبة لاستفسارات حضرتك انا هحاول اساعدك
تقريبا مش شرط ان الكلاكس او الانذار يشتغل مع قفل وفتح السيارة بالريموت، بس انا الحقيقة مش فاهم اوى قصدك حضرتك ايهاقتباس:
لما أقفل العربية بالريموت و أفتحها بالمفتاح الإنذار مابيضربش - هي مافيهاش جهاز إنذار ولا إيه؟
لازم طبعا حفاظا على الموتوراقتباس:
لازم أسخن العربية الصبح بدري لما تكون الدنيا ساقعة أوي ولا مش لازم؟
تختلف من عربيه للتانيه يعنى اللانسر الجديدة بيجى فيها الاستبن اسبوراقتباس:
جنط بتاع الإستبن مش مفروض يبقي سبور برده ولا لأ ؟
بس فى عربيات تانيه بيجى الاستنب عااادى
افضل حاجة اقرا كتيت المالك كويس هتلاقى معظم استفساراتك
والف مبروك مرة تانيه
الإنذار شغال على الكلاكس وليس على سرينة، علشان كدة مش بعمل صوت مع الفتح والقفل
وده لينك لرابط فيه المزيد عن عن السيارة الصنى وربنا يبارك لك فيها
http://nilemotors.net/Nile/showthread.php?t=16165
ألف شكر يا باشمهندس محمد علي ردودك و إهتمامك
بالنسبة للسؤال الأول أنا أصدي لما أقفل العربية بالريموت و أفتحها بالمفتاح المفروض الإنذار يضرب (ده حسب معلوماتي عن أجهزة الإنذار)
اقتباس:
المشاركة الأصلية كتبت بواسطة casber
يااااااااه أخيرا عبرتني يا باشمهندس سبعاوي ده أنا كنت منتظر ردك علي أحر من الجمر
متشكرين علي مرورك و إهتمامك
أنا مش أصدي يعمل صوت في القفل و الفتح أنا أصدي لما أقفل بالريموت و أفتح بالمفتاح الإنذار ما بيضربش
و شكرا للإفادة
اقتباس:
المشاركة الأصلية كتبت بواسطة sab3aawy
ااااااااااااااااااااااااا ااااااااااااااااااااااه فهمت قصدكاقتباس:
المشاركة الأصلية كتبت بواسطة yhazem
على فكرة الحكاية دى جننتنى اول ما جبت العربية
عايز تسمع صوت الإنذار اقوللك يا سديى تعمل إيه
سيب الشباك بتاع العربية مفتوح واقفل العربية بالريموت، وبعدين افتح الباب بإيدك من المسوجر من جوة وهتلاقى الفرح ابتدى ، او ببساطة اقفل العربية بالريموت وانت قاعد جواها وبعدين افتح الباب بإيدك وانت قاعد جوه ، بس نصيحة جربها فى الصحراء لأن صوت الكلاكس بيصحى الأموات، يا إما اول ما الفرح يشتغل طير بالعربية قبل ما تسمع شتايم الجيران
الفكرة ان مفتاحها الأصلى بيلغى الإنذار حتى لو فتحت بيه بدون ريموت علشان ده انذار فابريكة مش متركب، وكذلك لو كنت مشغل الإنذار وفتحت بالمفتاح الأصلى والإنذار راح، لما تقفل بالمفتاح الأصلى الإنذار هيشتغل تانى حتى بدون ريموت
ارجو ان دى تكون اجابه سؤالك