الموضوع: إستفسار بخصوص المياه

المشاركة الأصلية كتبت بواسطة samirayad

تلاقيك بس مش حاكم الخرطوم على الزور الجانبى للقربه أو البزبوز صح

ورابط الأفيز مش كويس

والخرطوم ملص شويه لورا

ومن هنا حدث ماقد حدث من نقصان للمياه

مع أرتفاع وزيادة ضغط مياه التبريد

اخونا الكبير اللى وحشنى كتير والله يسلملى ردك واتمنى يكون تحليلنا صح للمشكلة وميطلعش حاجة جديدة والف شكر ليك يا بشمهندس سمير

النهاردة بعد الصلاة مباشرة قولت اعمل اللى نصحتونى بيه وابص كويس على الكوليهات واللذى منه فى موضوع المياه وكان فيه واحد صاحبى واقف جنبى وانا بفك الخرطومين اللى فى القربة علشان اشوف البزبوز بتاعهم ايه ظروفه ومرة واحدة الاقيه بيقول ( ولا يا ياسر إلحق بص على الخرطوم دا والكوليه دا ) بضرب بعينى لقيت الكوليه اللى ماسك الخرطوم اللى جاى من عند مراوح التبريد وداخل على كوعه المياه مقسوم نصين ومصدى وحالته بالبلاء المهم قولت (إستغفر الله العظيم) و (الحمد لله) طبعا كوعه المياه اللى لسه مغيرها من 5 شهور الزور بتاعها بعد مفكيت الخرطوم كان بدأ الصدأ ياكل فيه وباين شوية صدأ قومت جايب كوليه جديد ونظفت مكان الصدأ بالـ wd-40 ومسحت كويس بفوطه ناشفة وحطيت الخرطوم تانى وبعد كدا ربط الكوليه كويس وزودت طبعا شوية مياه مقطرة بدل المياه الخضراء اللى وقعت على الأرض وبرضوا راجعت على القربة اللى كان فيه زى اثر لتسيل من جنب الخرطوم الشمال اللى داخل فى البزبوز لاحظت ان البزبوز زى ميكون فيه شرخ بسيط بس إستنتاجى ان المياه نقصت مرة واحدة فى الفترة اللى فاتت دى نتيجة للكوليه اللى كان ماسك الخرطوم بكوعة المياه وسبحان الله مكنتش شايفه نهائى بس زيادة تأكيد برضوا ربط على كل الكوليهات كويس وعلمت مكان المياه فى القربة وهشوف بقى النتيجة ويارب يكون دا سبب اساسى فى نقص المياه ويكون إتحل... إيه رأيكم

سؤال بطرحه ياترى كدا كوعة المياه شوية الصدأ اللى فيها دا هيأثر بشئ سلبى ولا اتعايش ومفيش اضرار ولكم جزيل الشكر

المشاركة الأصلية كتبت بواسطة samirayad

أنت متأكد

أنك ضربت عينك كويس

ياباشا ده جاى من الردياتير ورايح لبزبوز القربه اللى جنب قربة الميه

وموضوع الشرخ ده

مينفعش الحكم عليه اللى أما يتشاف ويتعرف نظافه


والصدأ اللى كان على البزبوز ( عادى وسببه الكوليه المكسور )

لا يا بشمهندس الكولية اللى كان مكسور دا كان اللى مقرط على الخرطوم اللى راكب فى كوعة المياه بعيد خالص عن القربة دا حاجة فى ناحية تانى خالص منا بقول لحضرتك مكنتش شايفه بعيد عن المكان اللى كنت شاكك فيه

صح كلامك يا بشمهندس دا قصدي فعلا

المشاركة الأصلية كتبت بواسطة mostafashokry

السلام عليكم : هسأل سؤاليين - هل قشطت وش سلندر ولا غيرت جوان فقط , وليه أصلاً غيرت الجوان ؟

- الميه بتنقص خالص و أخبار الحرارة معاك أيه ؟
أرجوا الأفاده

وعليكم السلام ورحمه الله وبركاته ‏
اخونا مصطفي بخصوص اسألتك
اول حاجة غيرت الجوان لان كان عندي تسريب من مكانين كوعه المياه والجوان بس كان التسريب لبرة مش جوة الموتور مع الزيت والحمد لله ودا السبب
السؤال التاني قصدك خرطت ولا نضفت انا نضفت بس لأن العربية مسخنتش ولا الجوان فقع