YouTube - Kia Forte Boo-Wak.avi
اللي عايز يتكلم علي الثبات اهلا وسهلا :)
عرض للطباعة
YouTube - Kia Forte Boo-Wak.avi
اللي عايز يتكلم علي الثبات اهلا وسهلا :)
???????????
MMamdouh
بسم الله ما شاء الله
العربية ثابته ثبات رهيب
اعلان كمان اهو انا عارف انكم بتحبوا الحاجات دي
YouTube - Did You Know - Forte July 2010
ههههه
هوا طبعا مش بيجري يعني - ومش ده دليل الثبات - بس برضوا يعني :)
لا حول ولا قوة الا بالله
العربية اكلت دماغ اصحابها
:B4_592: يا ابنى أهدئ شوية هو أنت على طول كده، أكيد العضو (eng.m mahran) بيهزر معاك مش قاصده حاجة خليكوا فرش أحنا فى الآخر أصحاب وأخوات ... ولا أجيب الحقنة :36_1_40[1]: ههههههههههه.
لا يا باشا مفيش زعل - انا بس خفت الموضوع يقلب خناقة كالعادة
ولو تاخد بالك انا اصلا حاطت الموضوع للترويش مش حاجة يعني وقولت دة كمان
بس خدت بالك خد الغرزه ازاي :) وعلي ميه - تقولش شوماخر راكب f1 ههههههههههه
المشكلة اننا معندناش مطر جامد كدة عشان نجربها - ههههههههههههههههههههههه
بس الاعلان جاد مش كدة ؟
بس ازاي يقول ان فيها اكتر من الكورولا و السيفيك عادي كدا ؟
على فكرة دة دليل على ان كاوتش العربية كويس على المية مش ثبات العربية نفسها... كرر الاختبار على اسفلت ناشف و سرعة عالية (100 او 120) و هنا حيبات مستوى الثبات
ثبات اى عربية و تماسكها على الطريق دايما بيتقاس على الاسفلت الناشف و الاختبار الاساسى بيبقى اختبار الslalom
YouTube - Slalom Test - Lotus Elan, Ford Scorpio, Citroأ«n XM
MMamdouh
والله الثبات من وجهه نظرى...انا العربيه تكون موزونه فى الطرق بتاعتنا...لان دة افضل مقياس لثبات العربيه
انا متفق معاك في النقطة دي - لكن بره الاعلان مختلف عن سياستنا في مصر اللي بنغطي فيها اسم كان البيبسي في التصوير :)
وطالما الاعلان لا يسيئ للمنافس وبيقول حقيقة مش كذب لا يعتر ممنوع
هوا قال انها فيها حاجات اكتر من الاتنين - ودة مفيهوش عيب في المنافس - ومش كذبة :)
واشكرك علي مرورك
بص الشركه الى تعمل كده وتقول ديه ثباتها احسن من واحسن من واحسن من وجايبلك العربيه وهيا ماشيه على 80
يبقى .................. بلاش اتكلم لحد يزعل وبصراحه الكيا سيراتو اثبت كفائتها فى الثبات واكل عارف كده وبشهاده اصحابها
وخلاص السيراتو اكيد احسن من السيفيك و الكورولا و المازدا و الميتسوبيشى لانسر شارك و السوبارو و هوندا بكل عربياتها اكيد وكل حاجه
ربنا يهدى الجميع
موضوع الثبات لسيراتو حيفضل جدل رهيب :)
عموما للاختصار
السيراتو مش اثبت من السيفيك مثلا او البي ام او المرسيدس وعربيات كتير منها مثلا السيتروين او الاوكتافيا
لكن العربية مش ورقة ولا هيا بتتقلب لوحدها ولا من اقل حركة زي ما الناس بتقول
لكن من سواقتي وامتلاكي لعربيات اقدر اقول انها اثبت من
الكورولا - الشارك - وجميع فئتها من الكوري ( بعض العربيات سوقتها والبعض معروف بعدم ثباتة بالاجماع )
لكن تنافس علي حجمها وفئتها و الموجود في السوق حاليا
ربنا يسترلنا طريقنا كلنا ومنحتجش نختبر ثبات العربيات في موقف حياة او موت
اجمالا - العربية ثابتة ثابتة وحتي علي سرعات عالية فوق ال 140
ومظنش ان اي حد من اللي قالوا عليها مش ثابتة ركبوها او اختبروها - انما كولوا سمع :)
انا بس عايز الناس قبل ما تتهم - تجرب وتحكم بحيادية :)
متهيالي ده حق محدش يزعل منه
وشكرا ليكم كلكم
حتة كدة على هامش الموضوع....
ادى فيديو فيه مثال لعربية ثباتها ضعيف... و مثال لسواق محترف
YouTube - Toyota Hilux fails the Moose test
MMamdouh
طيب اقولك علي حاجة ياباشا في موضوع الجمارك دة :)
قبل ما اجيب السيراتو والشارك اتجننت فترة كدة وكنت عملت اوردر شراء لعربية Dodge Charger من الكويت جميع الكماليات محرك هيمي - السعر حسب الموقع الرسمي في حدود من 35 ال 48 الف دولار يعني تقريبا 224الف جنيه يعني اقل من تمن الشار والسيراتو مع بعض
المهم تفتكر لما خدت من مصلحة الجمارك جواب بقيمة الجمرك بقت كام ؟؟؟؟؟
بقت 570 الف جنيه وده تقدير مبدئي - هههههههههههههههههههههههه
حاولت ادخلها جمرك - لازم تتحجز في جمرك القاهرة 6 شهور في السنة وامشي بيها 6 شهور وادفع كل 6 شهور حوالي 3000 جنية وكمان لازم انا اخرج بره مصر وارجع - هههههههههههه
يعني انت كدة كدة ميت :)
صبرنا يا ربببببببببببببببب
كان غيرك اشطر أنا برده كنت عايز z4
وفشلت فشل ذريع دورت وسألت وعملت كل حاجة وبعد كده جبت السيراتو متفرقش كتير عن el-z4 صح؟؟
مضبوط يا باشا... انا كان قصدى توضيح ايه اللى بيحصل لما يبقى عربية ثباتها مش عالى فى اختبار حقيقى
اصل فيه ناس بتبقى معتقدة انة لما يمشى 180 او 200 فى خط مستقيم يبقى العربية كدة ثابتة... الثبات عنصر بيبان تاثيرة فى المناورات القوية مش فى السير على خط مستقيم
MMamdouh
ده كفاية المبيعات ال عملتها
ده دليل على جمال العربية
الثبات يا باشا عمرة ما بيتقاس بالزحلقة فى الماية -- لان ده مهارة سواق مش عربية
ده لو سيات و مع سواق محترم مش حتعمل اكتر من كده
الثبات عموما يبقى فى السرعات العالية بس و تحس ان العربية مش بتتمرحج بيك
انا الفديو ده ان كان يدل فانه يدل على مهاره السواق و ليس ثبات و لا حاجة من الكلام ده خالص