الموضوع: استطلاع لمقابلة كيا الثالثة (ادخل واقفل الباب وراك )

السلام عليكم ورحمة الله وبركاته

كتير مننا حضر المقابلة الماضية اللى تمت فى الرحاب وبشهاده كل الناس اللى كانو

موجودين كانت مقابلة رائعه وكان كلها حب ومودة وتعارف على ناس فى قمة الاحترام

الصغير قبل الكبير واتفقنا اننا نعمل مقابلة تانية تكون كبيرة جدا علشان نقعد مع بعض

اطول مدة ممكنة وكمان الناس اللى محضرتش المقابلة اللى فاتت تحضر معانا

http://www.nilemotors.net/Nile/163743-7-2010-a.html

http://www.nilemotors.net/Nile/164372-a.html

تم الاتفاق فى المقابلة الماضية على تحديد اليوم وهو بأذن الله يوم :

الجمعه الموافق 6/8/2010

ولكن يبقى تحديد المكان وفى ناس اقترحت الاتى :

العين السخنة :

هوا وميه ولعب وضحك ويوم من اوله من الصبح لحد المغرب والمسافه مش كتير

حوالى 130ك فى ساعة زمن نكون هناك بأذن الله وهتكون اما فى فندق او قرية

سياحية وهيتم تحديد المكان بعد الاستطلاع .التكلفة مش كتير على حسب المكان

( فندق – قرية ) وعلى حسب العدد هيبان التكلفه كام بس تاكدو ان المكان هيتم اختياره

بعناية فائقه تليق بالحاضرين

قرية سياحية فى الجيزة :

فى قرى كتير موجوده وسبق وطرحته فى استطلاع المقابلة الاولى والفكرة ان المكان

بيكون واسع ويتحمل اعداد كتيره وهدوء وجو جميل واكل محترم ومكان نركن فى

عربيتنا . تعتبر الاماكن قريبا جدا من الدائرىاو المحور يعنى مش بعيد .والتكلفة

هتكون مش كتير برضه على حسب العدد .


هيكون الاستطلاع على كده اما العين السخنة او قرية داخل الجيزة وعلى ما اعتقد

مافيش حجه للناس اللى ممكن تكسل تيجى تاكدو ان اليوم هيكون منظم جدا جدا جدا

بأذن الله .

رجاء وامنية ويمنى وعفاف حتى...... اللى يصوت يكون بس اللى يقدر يجيى علشان المرة اللى فاتت ناس

صوتت ( ولمت الناس علينا ) ومحضرتش المقابلة وبالتالى الاستطلاع كان غلط .

بالراحة كده كل واحد يركز وميبصش فى ورقه اللى جنبه ويجاوب ويقول هو عاوز ايه وعلى حسب نتيجة

الاستطلاع هيكون لمدة اسبوع ونتيجيته هو اللى هيتم والجميع ملتزم بيه ( بالزمة فى ديمقراطية اكتر من كده )