حد جرب مركز صيانة أولاد صبحي سند في السيراتو؟

عرض للطباعة

14-07-2010, 05:19 PM
maghnom

حد جرب مركز صيانة أولاد صبحي سند في السيراتو؟

يا جماعة خدمات التأمين لشركة الطارق للسيارات اللي انا جايب منها السيراتو الخليجي بتاعتي عايز يعملي صيانة ال 10 الاف في مركز صيانة اولاد صبحي سند اللي في طريق الهايكستب, و كنت عملت عنده قبل كده صيانة الالف و الموضوع قلب ساعتها بخناقة لانهم غيروا الزيت بموبيل 1 مش شل هيليكس و ما غيروش فلتر الزيت و بصراحة خدت فكرة زي الزفت عنهم. بس بصراحة دلوقتي مع حركة الوكيل بتاعة ال 4 الاف و البديل الوحيد المطروح هنا اللي هو تكنو ده اللي بالف جنيه هو كمان مش مديني اختيار غير اني ارجع اعمل الصيانة مع بتوع التامين في أولاد صبحي سند ده.

انا بس عايز اعرف لو حد جربه قبل كده مع السيراتو و ايه خلاصة التجربة دي؟
يا ريت لو حد جربه او حتى سمع عنه يقولي
15-07-2010, 01:31 AM
masryxt

انا عملت صيانة الالف هناك وحسيت اني اتقلبت
في يوم شديد الزحام
والعربية خدت نص ساعة
انا اللي كنت جايب الزيت
ومكتوب طيعا في الورقة انهم شيكوا علي كل حاجة اللي لو فعلا عملوها كانت هاتاخد اكتر من ساعة
العربية طلعت اوسخ من ما دخلت
تحس فيهم بتاعالي مش مفهوم
علي فكرة هي دى مصر فماتتوقعش احسن من كدة في اي مركز صيانة

ملحوظة اخيرة انا معايا فورد توروس غير السيراتو وطبعا كنت بعمل كل حاجة عند التانيين علشان كدة بقولك ريح دماغك واهلا بك في مصر
الله يرحمك ياستي كانت بتقول
"ماسخم من ستي الا سيدى"
16-07-2010, 11:17 AM
ahmedbahi76

ايه يا جدعان أنا عملت صيانه الالف عند سند وفعلا غير زيت بس وان شاء الله ال 10 هتبقى عنده
أنا دلوقتي عامل 5 الالاف , ايه هنروح مع بعض ونعمل معاهم حكايه ولا ايه ؟
16-07-2010, 11:24 AM
A.Saad

ايه علاقة خدمة التامين بالصيانة ولا قصدك الضمان
16-07-2010, 03:48 PM
maghnom

اقتباس:

المشاركة الأصلية كتبت بواسطة a.saad

ايه علاقة خدمة التامين بالصيانة ولا قصدك الضمان

مش التأمين على السيارة بالمفهموم اللي احنا عارفينه
شركة الطارق فيها قسم اسمه خدمات التأمين متعلق بانه يبعت معاك مندوب للترخيص و يعملك الصيانة الدورية و الحاجات دي
جربتهم في صيانة الالف ودوني عند اولاد صبحي سند و كان مركز صيانة شغال في كل انواع السيارات و اي كلام
16-07-2010, 03:53 PM
maghnom

اقتباس:

المشاركة الأصلية كتبت بواسطة ahmedbahi76

ايه يا جدعان أنا عملت صيانه الالف عند سند وفعلا غير زيت بس وان شاء الله ال 10 هتبقى عنده
أنا دلوقتي عامل 5 الالاف , ايه هنروح مع بعض ونعمل معاهم حكايه ولا ايه ؟

سؤال يا باشا اجابته هتريحني كتير
لما عملت صيانة الالف عنده حطلك زيت موبيل 1 و ما غيرش فلتر الزيت؟
لان ده اللي حصلي معاههم و لما اتصلت اتخانق مع شركة الطارق اللي باعتاني عنده المسئول عن الموضوع ده اسمه عادل قعد يقاوح معايا و يقولي زيت موبيل 1 بيتحط للسيراتو و عدم تغيير فلتر الزيت وجهة نظر المهندس و لما قلته مركز الصيانة ده مش معتمد من كيا (عربيتي كانت السيراتو الوحيدة عنده) قالي مركز اولد صبحي سند ده من اعرق مراكز الصيانة في الوطن العربي كله!

عموما نصيحتيي ليك لو مفيش حل انك تعمل صيانة ال 10 الاف غير عنده
اشتريلك فلتر زيت سيراتو و روح اي بنزينة شل غير زيبت و خلاص!
16-07-2010, 05:48 PM
youssefazmi

ولا كيا ولا اى نوع تانى

انا اتخدعت فيهم برضة وروحت اكشف على الجولف عندهم من اسبوع ..كنت عايز بس اشيك على abs و العربية مبتسحبش مش اكتر ...المهم لطعنى 3 ساعات وانا شايف العربية عليها واحد مش عارف يفك الجنط لمدة 40 دقيقة وبعد مفكة حاول يشوف تيل الفرامل الورانى وبعدين قالى الفرامل كويسة مفهاش مشكلة ,وبعدين قلتلة غير بوجيهات دور شوية ورجع قالى مفيش قلتلة طيب فلتر هوا رجع تانى وقالى مفيش ..المهم بعد دة كلة استلمت العربية والبية نسى يحط فيشة الماف باين بتاع فلتر الهوا ونسى يركب البوجية اللى فكة كويس ..والعربية متشقلب حالها لحد دلوقتى وبندم جدا انى روحتلهم .