صوت الموتور بقى عالى وبسمعه فى نصف العربيه فى الكابوت ( الصوت عبارة هووووووووو ) روحت لميكانيكى قلى دة بلى العجل الاربعه وعايزين يتغيروا ومعاهم سرة امامى واكس خلفى
ممكن صورة لسرة العجل والاكس ومافائدتهم
هل بلى العجل يخلى الموتور صوته عالى
عرض للطباعة
صوت الموتور بقى عالى وبسمعه فى نصف العربيه فى الكابوت ( الصوت عبارة هووووووووو ) روحت لميكانيكى قلى دة بلى العجل الاربعه وعايزين يتغيروا ومعاهم سرة امامى واكس خلفى
ممكن صورة لسرة العجل والاكس ومافائدتهم
هل بلى العجل يخلى الموتور صوته عالى
مفيش علاقه بين صوت الموتور وبلي العجل على الاطلاق
صوت بلي العجل بيظهر مع المشي
وللتأكد من ان الصوت المسموع من بلي العجل
خليك ماشي على سرعه مناسبه لغايه لما صوت العربيه يعلى بشكل عام وبعدها افصل الغيار وكمان ممكن تبطل الموتور وركز مع الصوت
لو الصوت فضل مستمر بنفس الدرجه والعلو يبقه بلي العجل بايظ
غير كده يبقه في حاجه تانيه وبالكشف عند ميكانيكي محترم وفاهم هتقدر تعرف العيب منين
صوت بلي العجل غالبا بيكون عباره عن صوت خشونه
طيب لو البلى بايظ لوسبناه شويه او ما تغيرش ايه المشاكل اللى تحصل
طيب انا مسافر مسافه بعيده بكرة ومش هاينفع ااجل السفر ..هل امشى على سرعه 100 كم ولا ده كتير .......ولا اعمل ايه
وما فائده بلى العجل
ممكناقتباس:
هل بلى العجل يخلى الموتور صوته عالى
وليه لا
لو البلى قافش وتقيل
الموتور حيعانى الأمرين علشان عاوز يتغلب على قفشة البلى
علشان العربيه تتحرك وتشد معاك
وأنت حدوس على البنزين
علشان تتغلب على القفشه
وهنا صوت الموتور حيعلى
ويسمع أمة لا إله إلا الله
البلي اللي في السوق كله مضروب .. اشتري الأصلي وريح دماغك
هل الانوس بتحتاج تغيير بلى عجل كتير
وماهى عوامل تلف بلى العجل بالسرعه ده
مافوائد بلى العجل
بلى العجل بيفيد فى دوران العجل مع ملامسته لجسم الطريق بسهوله
ويسر
دون حدوث فقد كبير فى القدره المنقوله الى المحور الأمامى
والمحور الخلفى
والبلى عامة بيعتبر عناصر نحميل ممتازه للمحاور الدواره فى أى
منظومه هندسيه
نظرا لأن المنطقه المحتكه من البلى بتعتبر نقطه ( على خط مستقيم )
ومن هنا بيتم عدم الأحساس بالفقد الكبير فى القدره
من عناصر منتجه للقدره ( مثل محركات السياره )
وطبعا بيتم أختيار نوع رولمان البلى المناسب لكل منظومه
طبقا لنوع آدائها
ومن هنا بنجد كمثال
نوع البلى على المحور الأمامى ....مختلف تماما عنه فى المحور الخلفى
نظرا لنوع الأحمال المختلفه الواقعه على البلى فى المحورين
فمثلا نجد نوع البلى فى المحور الأمامى لأى سياره
_ بلى أبرى أو بلحى needle bearing لعدم الحاجه لنوع بلى معرض لأحمال جانبيه (عرضيه )
أما فى المحور الخلفى
_ بلى مخروطى beval bearing لحاجتنا لبلى يتحمل أحمال محوريه وأحمال عرضيه
شكر ا م/ سمير
كان حاصل معايا وكنت هجنن لاني حاسس بقا فيه صوت عالي من العجل والضغط تمام و مفيش مشاكل بس حاسس ان صوت خشونة برضو زي ما قلته
يمكن بقا من البلي لو علي كلامكو
هى السرة لازم تتغير لما اغير البلى وسعرها كام وايه افضل نوع اشتريه
ممكن صوره ليها ان امكن
هل البلى لو بايظ ياثر على الدريكسون
أنا غيرت بلي العجله اليمين قدام مرتين (أول مره كان النوع موش تمام)والمره التانيه جيبتها أسباني وما غيرتش الصره في المرتين .
هل بلى العجل البايظ يخلى الدريكسون مش مظبوط