الموضوع: معروض عليا عربيه مالهاش رخص ولا أى حاجة تثبت إنها عربيه إلا مفاتيح أعمل أية !!؟

على فكره عربيه جااااامده ممكن ميكونش حرامى ياعنى ممكن تكون متهربه وفيه عربيات كده كتيير وفيه ناس بتشترى العربيات الحوادث و الى اتحرقت وياخد ورقها و النمر ويحطها فى عربيه بنفس المواصفات و يهربها من الجمارك وتبقى بنفس الحاجات ديه وعربيات كتيير فى مصر دخلت كده وخصوصا عربيات المنطقه الحره عشان كده لاغوها

والله انا بعشق العربيات القديمه النادره ديه يا سلام لو بنمر بجد تستاهل كل قرش يدفع فيها

المشاركة الأصلية كتبت بواسطة hellboy

السلام عليكم ...
لو سكت علي الموضوع ده هتشيل ذنبه ,ممكن تبلغ من غير ماتذكر اسمك تجنبا للمشاكل .

طيب أبلغ مين ؟ حضرتك لو تابعت الردود هتعرف أنا أتعاملت ازاى فى قسم الشرطة و هتستغرب جدا أحنا لو فى أى دولة تانيه مكانش فيه حد أستخف بيا بالطريقة البشعه دى بقول لحضرتك أنا كأنى بحكيله مسلسل الدالى و فى الأخر لما حس أنه زهق قالى أطلع بره

المشاركة الأصلية كتبت بواسطة salmas

اكيد دة مسروقة والحمد لله انى حضرتك قدرت تتصرف وبخير
وللاسف موقف الشرطة سئ جدا معرفش مستنين اية تانى يحصل بعد كدة
لاحول ولا قوة الا بالله

دا للأسف موقفنا سئ أكتر من الشرطة لأن أحنا كشعب إلى خسران فى الأخر يعنى بعد كدة لما أجيب عربيه هتتسرق عادى جدا و الحرامى حاطيت فى بطنه بطيخه صيفى و بعد كدة لو روحت أبلغ عنها هيتقالى نفس الكلام

المشاركة الأصلية كتبت بواسطة kisho55555

مرضيتش اقولها .... بس الحمد لله على كل شئ

الحمد لله على كل شئ

المشاركة الأصلية كتبت بواسطة kisho55555

المشكلة نا صاحب الموضوع مش لاقى حد يبلغه ... حتى امين الشرطة استهزاء بالموضوع وفكره بيهزر ولا حاجة ..

تخيل بقى لو عربية البيه المامور هى اللى اتسرقت .. هتلاقى مصر علها بتتفتش رخص وكماين ومخالفات بالهبل ... وبردوا مش هيجيب العربية بتاعته ...

يا باشا أنا بقول لحضرتك كان بيبصلى على أساس أننا تليفزيون و مبتسم أوى و اخر مازهق عاملنى على أساس أننا مجرم

المشاركة الأصلية كتبت بواسطة dramir1

الحل الوحيد ليها انها تتباع قطع غيار

ربنا ينتقم منه قبل مايفكر يكسب منها مليم واحد حتى

المشاركة الأصلية كتبت بواسطة baskota

لا ماتقلقش الشرطة فعلا ما تجيش فى حادثة
لكن هتيجى فى حاجة زى دى
عشان هتتحفظ عالعربية

طيب و أية رأيك يا بسكوتة فى إلى عمله أمين الشرطة !؟
حسبى الله و نعم الوكيل فى إلى ساب الحراميه تسرق عينى عينك و مفيش حد مهتم ليهم

المشاركة الأصلية كتبت بواسطة kono

انا شوفت كذا عربية من دى قبل كده وبرضه مكنش عليها نمر

و إلى يعيش ياما يشوف فى مصر هنا

المشاركة الأصلية كتبت بواسطة magyver

انا ليا واحد صاحبي كان شاري واحدة كدة من غير ورق ولا اي حااجة
وكانت فولفو بس بلدهم مكانشي فيها مرور بالمعني الاصح

يا باشا حرام يتدفع فيها فلوس أو تتلمس حتى دى جايه عن طريق الحرام و الفلوس إلى هتروح فيها حرام
أنا مش متدين خالص بس فى حاجة زى كدة حرام حرام حرام حتى لو هتمشى بيها سليم و موقفك أدام المرور سليم

المشاركة الأصلية كتبت بواسطة dramir1

طب لو حد مسكه يبقى ايه الوضع؟؟

هينفخ و هيتسجن لحد مايبانله صحاب

المشاركة الأصلية كتبت بواسطة amrseba

على فكره عربيه جااااامده ممكن ميكونش حرامى ياعنى ممكن تكون متهربه وفيه عربيات كده كتيير وفيه ناس بتشترى العربيات الحوادث و الى اتحرقت وياخد ورقها و النمر ويحطها فى عربيه بنفس المواصفات و يهربها من الجمارك وتبقى بنفس الحاجات ديه وعربيات كتيير فى مصر دخلت كده وخصوصا عربيات المنطقه الحره عشان كده لاغوها

ماشى و يحط ورقها فى عربيه تانيه لكن دى مالهاش ولا ورق ولا غيره يعنى هتدفع فلوسك كدة و هتمشى بالبركة و كمان طريقة كلامه بتدل أنه يا أما حرامى يا أما مهربها و فى الحالتين مال حرام

المشاركة الأصلية كتبت بواسطة amrseba

والله انا بعشق العربيات القديمه النادره ديه يا سلام لو بنمر بجد تستاهل كل قرش يدفع فيها

دا لو مكانتش مسروقة