هو انا ممكن اغير تابلوة ال 128 واركب مكانه حاجه تانيه ولا لا لان اى حاجه هتركب عليه هتبقى احسن منه ولو فى حد يقلى اركب تابلوة ايه او ممكن اغير فى شكل التابلوة الحالى ازاى
عرض للطباعة
هو انا ممكن اغير تابلوة ال 128 واركب مكانه حاجه تانيه ولا لا لان اى حاجه هتركب عليه هتبقى احسن منه ولو فى حد يقلى اركب تابلوة ايه او ممكن اغير فى شكل التابلوة الحالى ازاى
اسمع ان بيركب على ال 128 تابلوة الأوبل كورسا و شفت صورة ل كدة فعلا
تابلوة ال 128 ممكن يتغير بتابلوة الاوبل كورسا او فيات اونو
وعلي ما اتذكر ان تابلوة الاوبل كورسا بيتكلف 600 جنية بالتركيب
واسال بردوا في الحرفين هيفدوك اكثر
هو حلو لو انت مستغني عن العدادات !!!!
لو ركبت مثلا تبلوه كورسا استحاله يكون عداد السرعه مضبوط لان حجم التروس في العداد و في الفتيس اكيد مختلفه.
نفس الفكره بالنسبه لعداد الحراره و البنزين .
و غير كده عمره ما حيركب مضبوط لازم يكون فيه فروقات و تعديلات طب و ليه وجع القلب؟؟
غير كده مجموعه الدركسيون مش حتركب مضبوطه.
لو تابلوهك باي هات تابلوه 128 استعمال نضيف اكيد حيبقي اشيك و انضف.
يعني لو ال 128 عاده هات تابلوه المعدل اوك اهو برضه بتاع العربيه انما تغيير لموديل تاني صعب و بيبقي مش مضبوط.