Fastest Peugeot 309 That You Ever Seen

26-02-2008 01:04 AM

ربنا يستر ومايشفهوش بءيت الفراعنه:D
الف شكر ياباشا واتفضل .
هو من ناحية كبير فهو كبير اوى اوى وتءيل كمان والفرامل مهما كانت جامده المفروض انها متوءفش العربيه وكمان لان مركز ثقل العربيه اتركز كده تقريبا بنسبة 75% فى الجزء الامامى
يعنى مش هيبءى فى balance
خالص اثناء المنحنيات او حتى الفرمله على سرعات مش كبيره ...بس كل ده لو الموتور اتحط فى العربيه زى ما هيه FWD
بس انا جبت العفشه ال 4WD
الدفع الرباعى
بتاعت العربيه وهى تعتبر تقريبا العربيه البيجو الوحيده اللى نزلت 4WD
هى وموديل واحد من 405 ال mi 16
وطبعا جت بالفتيش بتاعها
دى نمره واحد
تانى حاجه كان لازم نظبط مركز ثقل العربيه فا حطيت فى الشنطه اللى ورا weight kit
بحجم الشنطه
اما بالنسبه للتقويات انا شلت الكنبه اللى ورا خالص
وعملنا strengths
حديد داخل العربيه كلها زى اللى بتتعمل فى عربيات الرالى وبيسموها roll cage
هو طبعا بعد كل ده العربيه مش هتبءى للاستخدام اليومى خالص
هى كده هتبءى عربيه للسباقات فقط !!!!!
وعلى فكره نسبة النجاح مخيبه جدا للآمال
بس كلو يهون
لان العربيه دى هتبءىالبيجو الوحيده فى العالم اللى متسءطلها الموتور ده
وهتبءى من اقوى العربيات البيجو المتعدله فى العالم لان ان شاء الله لو الموضوع نجح ومشيت تمام
هنركب للعربيه نايتروز كيت
عشان نوصل لل 450h.p
بكل سهوله
ولو الموضوع لاقدر الله فشل
انا موتورى دلوءتى حوالى 170 h.p
هنركبلو تربوو نيتروز كيت
وشوية تعديلات داخل الموتور
نوصل ان شاء الله لل350 h.p
يعنى بردو هتبءى من اقوى البيجو اللى اتعدلت فى العالم
انا عارف ان فى ناس بتؤل دلوءتى ان دا جنان وضياع فلوس على الفاضى
بس التعديل هوايه زى اى هوايه تانيه ولازم كلنا نحترم ده :)

**hazem_khidr** · 26-02-2008 05:54 AM

ربنا يوفقك لما فيه لخير.
بس عاوز رايي التجربه دي احتمال نجاحها ضعيف جدا.
اولا حجم العربيه ما يستحملش القوه دي ابدا و بعدين حتي محاولاتك لضبط الوزن محاولات اجتهاديه مش مبنيه علي دراسات .
يعني في المصانع الكبيره او شركات التعديل من الاصل بيصمموا العربيه و بيبقو عارفين توزيع الوزن بيبقي ازاي و مركز الثقلبتاعها فين و يا تري دا حيأثر في الملفات و لا لاء و حاجات كتير كده.
الموتور حيبقي تقيل جدا و ال 309 ما تستحملوش
انا مش بحطمك بس بلفت نظرك .

**MMamdouh** · 26-02-2008 10:04 AM

المشاركة الأصلية كتبت بواسطة FLYINGPEUGEOT

thinking also about
205/40/R17
or
215/40/R17
or
205/40/R16
or
205/45/R16
or
215/45/R16
or
215/40/R16
what`s your op

205/40/17

المقاس دة واطى اوى و الجنط حتلبس مطبات بالهبل و حتتعوج كتير

MMamdouh

**Xpert** · 26-02-2008 02:07 PM

ماهه جنان فعلاً يا حج.. ما هوه ده الهوس اللي ربنا ابتلانا بيه كلنا .. بس عندي سؤال واحد بس (هوه ده اهم سؤال) .. عندك حد سمكري واثق فيه يقلب العربيه 4wd?

**MMamdouh** · 26-02-2008 02:34 PM

هو مش جنان ولا حاجة... دى هواية و مزاج

على فورم دايوتك من جنوب افرقيا فيه واحد معاة اوبل كورسا فيها موتور 3000 سى سى ستة سلندر و حاطت لها NOS

MMamdouh

26-02-2008 03:07 PM

xpert باشا
هو مفيش تعديلات كتيره فى العربيه عشان تبقى4wd
لانها اصلا بتنزل بره 4wd standerd
هو هيكون فى شوية لحامات بسيط وتعديل بسيط فى الشاسيه من تحت وده هيعملو
واحد بتاع شكمانات كويس مش سمكرى

26-02-2008 03:09 PM

mmamdouh
:);)go a head man

26-02-2008 03:10 PM

حازم باشا الف شكر على ردك
وده مش احباط ولا حاجه انا عارف انك بتنصحنى وانا اكون سعيد طبعا لنصيحتك...
انت لو قريت ردى على xpert باشا
هتلاءينى كاتب ان النتايج ممكن تكون مخيبه للآمال !!!
بس اى تعديل كده.... بيكون ياصابت يا خابت
والتعديل اساسا قائم على المجاذفه واى تعديل بيتعمل بتكون نسبة فشلو اكبر من نسبة نجاحو......بس انت مش متخيل حجم السعاده اللى انت بتحس بيها لما بتنجح الحاجات دى ...سيبك بئه من الجرى والشهره والمنظره والكلام الفاضى ده....ال tuner الصح مش بيبص لكل التفاهات دى ..كفايه بس فخرك بنفسك اودام نفسك
اما بالنسبه ل
weight
وbalance
وstability
فا الحاجات دى فى اى تعديل فى العالم بتكون قائمه على التخمينات
مستحيل تقدر تحسبها بالورقه والقلم
انت بتحط فروض ونسب اقرب ما تكون للطبيعى او منطقيه كفايه وبتشتغل على اساسها
وبعد التنفيذ والتجربه بتشوف القصور فين وتحاول تعالجه
وبعدين تجرب وبعدين تظبط تانى وهكذا......
كل المعدلين فى العالم بيعملو كده مستحيل تظبطها بالورقه والقلم
حتى شركات التعديل الكبيره ....فى مثل امركى بيقول...... التجارب قاتلة الاخطاء...
واحنا ان شاء الله بنعمل كده حطينا اسس معينه هنمشى عليها وبعد ما ننفذ هنجرب
ونشوف المشاكل ونحاول نحلها
اتحلت كان بها متحلتش بيءى ربنا عايز كده
ويكفينا شرف المحاوله:)

26-02-2008 05:32 PM

طب ايه رايك بءه ياباشا ياجامد انت
وعد منى اودام كل المنتدى
التعديل لو نجح هتكون انت اول واحد يسوقها رسمى بعد ما نجربها ونظبط كل حاجه
على العموم الف شكر على نصيحتك وخوفك عليا:)
وانا هتبعك بالجديد اول باول ان شاء الله